நீங்கள் தேடியது "Kia India"

கியா இந்தியா நிறுவனம் சொனெட் X லைன் மாடலுக்கான முதல் டீசரை வெளியிட்டு இருக்கிறது. இந்த சப்-4 மீட்டர் எஸ்யுவி மாடல் இந்திய சந்தையில் 2020 செப்டம்பர் மாத வாக்கில் அறிமுகம் செய்யப்பட்டது. அந்த வகையில், கியா சொனெட் X லைன் மாடல் விலை விவரங்கள் அந்நிறுவனத்தின் இரண்டாவது ஆண்டு விழாவின் போது அறிவிக்கப்படும் என எதிர்பார்க்கலாம்.

கியா சொனெட் X லைன் மாடல் எக்ஸ்க்ளூசிவ் மேட் கிராபைட் நிறத்தில் கிடைக்கிறது. இந்த மாடல் முதன் முதலில் செல்டோஸ் X லைன் மாடலில் அறிமுகம் செய்யப்பட்டு இருந்தது. டீசரின் படி X லைன் பேட்ஜிங் காரின் பின்புறமாக வைக்கப்பட்டு இருப்பது தெரியவந்துள்ளது. இந்த காரில் காஸ்மெடிக் மாற்றங்கள் செய்யப்பட்டு பெரிய அலாய் வீல்கள், ஆரஞ்சு அக்செண்ட்கள், பிளாக்டு அவுட் எலிமெண்ட்கள் வழங்கப்படும் என எதிர்பார்க்கலாம்.

காரின் உள்புறம் சொனெட் X லைன் மாடலில் புளூ நிற ஷேட் செய்யப்பட்டு உள்ளது. இந்த நிறத்தை கியா நிறுவனம் இண்டிகே பெரா என அழைக்கிறது. புதிய X லைன் வேரியண்ட் சொனெட் டாப் எண்ட் மாடலை தழுவி உருவாக்கப்பட்டு இருப்பதால், இதில் அதிகளவு அம்சங்கள் வழங்கப்படும் என எதிர்பார்க்கலாம்.

கியா சொனெட் X லைன் மாடலிலும் 1 லிட்டர் டர்போ பெட்ரோல் என்ஜின், 1.5 லிட்டர் டீசல் என்ஜின் வழங்கப்படலாம். சமீபத்தில் கியா நிறுவனம் தனது சொனெட் மாடல் விலையை ரூ. 34 ஆயிரம் வரை உயர்த்தியது.

கியா இந்தியா நிறுவனம் இந்திய சந்தையில் தனது செல்டோஸ் கார் மூன்று லட்சத்திற்கும் அதிகமான யூனிட் கள் விற்பனையாகி இருப்பதாக அறிவித்து இருக்கிறது. இந்தியாவில் அறிமுகமாகி மூன்று ஆண்டுகள் முடிவதற்குள் இந்த இலக்கை எட்டி இருப்பதாக அந்நிறுவனம் மேலும் தெரிவித்து இருக்கிறது.

ஆகஸ்ட் 22 ஆம் தேதி கியா இந்தியா தனது மூன்றாவது ஆண்டு விழாவை கொண்டாட இருக்கிறது. இது தவிர கியா செல்டோஸ் அறிமுகமாகியும் மூன்று ஆண்டுகள் முடிகிறது. இந்திய சந்தையில் கியா நிறுவனத்தின் அதிக பிரபலமான கார் மாடலாக கியா செல்டோஸ் விளங்குகிறது.

இந்தியாவில் கியா நிறுவனத்தின் ஒட்டுமொத்த விற்பனையில் செல்டோஸ் மாடல் மட்டும் 60 சதவீத பங்குகளை கொண்டுள்ளது. விற்பனையில் மூன்று லட்சம் யூனிட்கள் மட்டுமின்றி உலகம் முழுவதும் 91 நாடுகளுக்கு 1 லட்சத்து 03 ஆயிரத்து 033 செல்டோஸ் யூனிட்களை ஏற்றுமதி செய்து இருக்கிறது.

சமீபத்தில் தான் கியா நிறுவனம் இந்திய விற்பனையில் ஐந்து லட்சம் யூனிட்களை கடந்து இருந்தது. இதில் செல்டோஸ் மாடல் மட்டும் 60 சதவீத பங்குகளை பெற்று இருந்தது. செல்டோஸ் ஒட்டுமொத்த விற்பனையில் டாப் எண்ட் மாடல் மட்டும் 58 சதவீத பங்குகளை பெற்று இருக்கிறது.

செல்டோஸ் பாடலை வாங்கிய பத்து பேரில் ஒருவர் iMT வேரியண்டை தேர்வு செய்து இருக்கின்றனர். செல்டோஸ் பாடலை பொருத்தவரை பெட்ரோல், டீசல் வேரியண்ட்கள் சம அளவு விற்பனையை பெற்றுள்ளன. 

கியா இந்தியா நிறுவனம் தனது காம்பேக்ட் எஸ்யுவி சொனெட் மாடலின் விலையை இந்திய சந்தையில் சத்தமின்றி உயர்த்தி இருக்கிறது. விலை உயர்வின் படி புதிய சொனெட் மாடல் விலை தற்போது ரூ. 34 ஆயிரம் வரை அதிகரித்து உள்ளது. இந்த ஆண்டு ஜனவரி மாத வாக்கில் சொனெட் மாடல் விலை முதல் முறையாக உயர்த்தப்பட்ட நிலையில், தற்போது இரண்டாவது முறையாக விலை உயர்த்தப்பட்டு இருக்கிறது.

இந்திய சந்தையில் கியா சொனெட் மாடல் HTE, HTK, HTK+, HTX, HTX+, GTX+, மற்றும் ஆனிவர்சரி எடிஷன் போன்ற வேரியண்ட்களில் கிடைக்கிறது. இவற்றில் பேஸ் வேரியண்டான HTE விலை ரூ. 34 ஆயிரம் உயர்த்தப்பட்டு இருக்கிறது. மற்ற வேரியண்ட்களின் விலை ரூ. 10 ஆயிரத்தில் துவங்கி அதிகபட்சம் ரூ. 16 ஆயிரம் வரை உயர்த்தப்பட்டு இருக்கிறது.

ஏப்ரல் 2022 மாத வாக்கில் கியா நிறுவனம் சொனெட் 2022 வெர்ஷனை இந்தியாவில் அறிமுகம் செய்தது. புது மாடலில் அதிக ஏர்பேக்குகள் வழங்கப்பட்டுள்ளன. இத்துடன் டையர் பிரெஷர் மாணிட்டிங் சிஸ்டம், பிரேக் அசிஸ்ட், ஹில் அசிஸ்ட் கண்ட்ரோல், இபிஎஸ் போன்ற வசதிகள் உள்ளன.

புதிய கியா சொனெட் மா்டல் 1.2 லிட்டர் NA பெட்ரோல், 1.0 லிட்டர் டர்போ பெட்ரோல், 1.5 லிட்டர் டீசல் என்ஜின் ஆப்ஷன்களில் கிடைக்கிறது. இவற்றுடன் 5 ஸ்பீடு மேனவல், 6 ஸ்பீடு iMT, 6 ஸ்பீட் மேனுவல் மற்றும் 6 ஸ்பீட் ஆட்டோமேடிக் கியர்பாக்ஸ் ஆப்ஷன்கள் வழங்கப்பட்டுள்ளன.

கியா இந்தியா நிறுவனம் இந்திய சந்தையில் ஐந்து லட்சம் கார்களை விற்று புது மைல்கல் எட்டியுள்ளது. 2020 மற்றும் 2021 ஆண்டுகளில் ஏற்பட்ட கொரோனா வைரஸ் பெருந்தொற்று காலக்கட்டத்திலும் இந்த மைல்கல் எட்டி இருப்பது குறிப்பிடத்தக்க விஷயமாகும். இந்திய சந்தையில் வலுவான இடத்தை பிடிக்க கியா நிறுவனம் தற்போது மஹிந்திராவுக்கு போட்டியாளராக உள்ளது.

2017 வாக்கில் இந்திய எண்ட்ரியை அறிவித்த கியா இந்தியா ஜனவரி 2019 முதல் உற்பத்திக்கான டிரையல் பணிகளை துவங்கியது. இதற்காக ஆந்திர பிரதேச மாநிலத்தின் அனந்தபூர் பகுதியில் 536 ஏக்கர் பரப்பளவில் நிலத்தை கையகப்படுத்தியது. தற்போது கியா நிறுவனம் ஆண்டுக்கு மூன்று லட்சம் கார்களை உற்பத்தி செய்யும் திறன் கொண்டு இருக்கிறது. மேலும் வாகனங்களுக்கான தட்டுப்பாடு அதிகரித்து வருவதை அடுத்து, உற்பத்தியை விரிவுப்படுத்தவும் கியா நிறுவனம் முடிவு செய்து உள்ளது.

தற்போது கியா நிறுவனத்தின் குறைந்த விலை மாடலாக கியா சொனெட் இருந்து வருகிறது. எனினும், இந்நிறுவனம் முதலில் அறிமுகம் செய்த கியா செல்டோஸ் மாடலின் வெற்றி இந்திய சந்தையில் அந்நிறுவனம் தடம் பதிக்க உதவியது. செல்டோஸ் மாடல் ஏராளமான அம்சங்கள், அசத்தல் பவர்டிரெயின் ஆப்ஷன்களை சரியான விலையில் விற்பனைக்கு வந்தது. இதன் காரணமாக அமோக வரவேற்பை பெற்றது.

2020 ஆண்டு கியா நிறுவனம் கார்னிவல் எம்பிவி மற்றும் கியா சொனெட் சப்-4 மீட்டர் எஸ்யுவி மாடல்களை இந்திய சந்தையில் அறிமுகம் செய்தது. கியா சொனெட் மாடல் அந்நிறுவன விற்பனையை மேலும் வலுப்படுத்தியது. ஆரம்பத்தில் கியா செல்டோஸ், அதன் பின் சொனெட் என அந்நிறுவன மாடல்கள் தொடர்ந்து நல்ல வரவேற்பை பெற்று வருகின்றன. இந்த நிலையில், தான் புதிதாக கியா கரென்ஸ் மாடல் அறிமுகம் செய்யப்பட்டது.

கியா கரென்ஸ் பெற்ற வெற்றியை கொண்டு முன்னணி ஆட்டோமொபைல் உற்பத்தியாளர்களான மஹிந்திரா மற்றும் டாடா மோட்டார்ஸ் உடன் கியா இந்தியா போட்டியை ஏற்படுத்துகிறது.

புசான் சர்வதேச மோட்டார் விழாவில் கியா நிறுவனத்தின் 2023 கியா செல்டோஸ் பேஸ்லிப்ட் மாடல் அறிமுகம் செய்யப்பட்டு இருக்கிறது. இதே மாடல் 2023 ஆட்டோ எக்ஸ்போ விழாவில் இந்தியாவில் அறிமுகம் செய்யப்படலாம். சமீபத்தில் இந்த மாடல் இந்தியாவில் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி இருந்தது. அந்த வகையில், இந்த மாடல் எப்போது வேண்டுமானாலும் இந்தியாவில் அறிமுகம் செய்யப்படலாம் என கூறப்பட்டு வந்தது.

2023 கியா செல்டோஸ் பேஸ்லிப்ட் மாடலில் புதிய ஹெட்லைட் மற்றும் ரிவைஸ்டு முன்புற கிரில், அதிக காற்றோட்டத்திற்கு வழி வகை செய்யும் ட்வீக் செய்யப்பட்ட பம்ப்பர் உள்ளது. இதன் ஃபாக் லேம்ப் ஹவுசிங்கில் மட்டும் எந்த மாற்றமும் மேற்கொள்ளப்படவில்லை. பக்கவாட்டில் 18 இன்ச் மெஷின் கட் டூயல் டோன் அலாய் வீல்கள் வழங்கப்பட்டு இருக்கிறது. இதன் இந்திய வேரியண்டில் 17 இன்ச் யூனிட்கள் வழங்கப்படலாம்.

பின்புறம் முற்றிலும் புது டிசைன் கொண்ட எல்.இ.டி. டெயில் லைட்கள் வழங்கப்பட்டு இருக்கின்றன. இத்துடன் புதிய பம்ப்பர் மற்றும் ஃபாக்ஸ் ஸ்கிட் பிளேட் வழங்கப்பட்டு இருக்கும் என தெரிகிறது. உள்புறத்தில் 10.25 இன்ச் டிஸ்ப்ளே கொண்ட டிஜிட்டல் இன்ஸ்ட்ரூமெண்ட் கிளஸ்டர் மற்றும் தொடுதிரை வசதி கொண்ட இன்போடெயின்மெண்ட் சிஸ்டம் வழங்கப்படுகிறது. இத்துடன் UVO கனெக்டெட் கார் அம்சங்கள் வழங்கப்பட்டு உள்ளது.

புதிய கியா செல்டோஸ் மாடல் 2.0 லிட்டர் பெட்ரோல் யூனிட் மற்றும் 1.6 லிட்டர் டர்போ பெட்ரோல் யூனிட் என இருவித என்ஜின் ஆப்ஷன்களில் கிடைக்கிறது. இந்தியாவில் இந்த மாடல் 1.5 லிட்டர் டர்போ பெட்ரோல், 1.4 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின் என மூன்று விதமான என்ஜின் ஆப்ஷன்களில் கிடைக்கும் என தெரிகிறது. இத்துடன் மேனுவல் மற்றும் ஆட்டோமேடிக் கியர்பாக்ஸ் ஆப்ஷன்கள் வழங்கப்படுகிறது.

இந்திய சந்தையில் புதிய கியா செல்டோஸ் மாடல் ஹூண்டாய் கிரெட்டா, போக்ஸ்வேகன் டைகுன், ஸ்கோடா குஷக் டொயோட்டா ஹைரைடர் மற்றும் விரைவில் அறிமுகமாக இருக்கும் மாருதி சுசுகி கிராண்ட் விட்டாரா போன்ற மாடல்களுக்கு போட்டியாக அமைகிறது.

கியா இந்தியா நிறுவனம் நாட்டின் முதல் 150 கிலோவாட் ஹவர் பாஸ்ட் சார்ஜரை குருகிராமில் உள்ள திங்ரா கியா விற்பனை மையத்தில் அமைத்து இருக்கிறது. இந்திய சந்தையில் எலெக்ட்ரிக் வாகன உள்கட்டமைப்புகளை மேம்படுத்தும் பணிகளுக்கு கியா இந்தியா அடித்தளம் இட்டுள்ளது. நாடு முழுக்க இதே போன்றே சார்ஜிங் மையங்களை அமைக்க கியா இந்தியா முடிவு செய்து இருக்கிறது.

புதிய 150 கிலோவாட் ஹவர் சார்ஜர் கொண்டு கார்களை 10 முதல் 80 சதவீதம் வரை சார்ஜ் செய்ய 42 நிமிடங்களே ஆகும். வாடிக்கையாளர்கள் குருகிராமில் உள்ள விற்பனை மையம் சென்று பயன்பாட்டுக்கு ஏற்ற கட்டணம் செலுத்தி பாஸ்ட் சார்ஜரை பயன்படுத்திக் கொள்ளலாம். அடுத்த மாதத்திற்குள் நாடு முழுக்க 15 பாஸ்ட் சார்ஜர்களை அமைக்க கியா இந்தியா முடிவு செய்துள்ளது.

சமீபத்தில் தான் இந்திய சந்தைக்கான முதல் முழு எலெக்ட்ரிக் மாடலாக கியா EV6 காரை கியா நிறுவனம் அறிமுகம் செய்தது. இந்த மாடல் எலெக்ட்ரிக் குளோபல் மாட்யுலர் பிளாட்பார்மில் உருவாக்கப்பட்டு இருக்கிறது. இந்தியாவில் கியா EV6 மாடலின் விலை ரூ. 59 லட்சத்து 95 ஆயிரம் என நிர்ணயம் செய்யப்பட்டு உள்ளது. இந்த கார் முழு சார்ஜ் செய்தால் 528 கி.மீ. வரையிலான ரேன்ஜ் கொண்டிருக்கிறது. 

2022 கியா செல்டோஸ் மாடல் டிஜிட்டல் வடிவில் அறிமுகம் செய்யப்பட்டது. புசான் மோட்டார் விழாவில் வெளியாக இருந்த நிலையில், இந்த டிஜிட்டல் அறிமுகம் நடைபெற்று இருக்கிறது. சர்வதேச வெளியீட்டை தொடர்ந்து புதிய கியா செல்டோஸ் மாடல் இந்திய சந்தையிலும் அறிமுகம் செய்யப்படலாம்.

இந்தியாவில் கியா செல்டோஸ் சி செக்மண்ட் எஸ்.யு.வி. வெற்றிகர மாடலாக விளங்குகிறது. சமீபத்தில் கியா செல்டோஸ் பேஸ்லிப்ட் மாடல் அறிமுகம் செய்யப்பட நிலையில், இதன் அப்டேட் செய்யப்பட்ட வேரியண்ட் தற்போது அறிமுகமாகிறது. இந்த மாடல் மேலும் அதிக வாடிக்கையாளர்கள் புது காரை வாங்க செய்யும்.

முன்னதாக கியா செல்டோஸ் மாடல் இந்தியாவில் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி இருந்தது. அதன்படி புதிய மேம்பட்ட மாடலும், பேஸ்லிப்ட் மாடலை போன்றே காட்சி அளிக்கிறது. எனினும், 2022 மாடலில் புதிய ஹெட்லேம்ப்கள், பெரிய முன்புற கிரில் வழங்கப்பட்டு இருக்கிறது. இத்துடன் டி.ஆர்.எல்.களின் டிசைன் மாற்றப்பட்டு இருக்கிறது.

இந்த மாடலில் 18 இன்ல் அளவில் புதிய அலாய் வீல்கள், வீல் ஆர்ச்களை முழுமையாக ஆக்கிரமித்து, காருக்கு ஸ்போர்ட் தோற்றத்தை எளிதில் எடுத்துக் கொடுக்கிறது. பின்புறம் எல்.இ.டி. டெயில் லேம்ப், ஃபுல் விட்த் எஸ்.இ.டி. லைட் பார் உள்ளது. இதன் நடுவே கியா லோகோ உள்ளது. 

கியா சொனெட் மாடல் இந்திய சந்தையில் 1.5 லட்சம் யூனிட்கள் எனும் மைல்கல்லை எட்டியது. இந்தியாவில் அறிமுகமான இரண்டே ஆண்டுகளில் இந்த மைல்கல் எட்டப்பட்டு உள்ளது. இந்திய சந்தையில் கியா இந்தியா நிறுவனத்தின் ஒட்டுமொத்த விற்பனையில் 32 சதவீதம் கியா சொனெட் பிடித்து இருப்பதாக அந்நிறுவனம் தெரிவித்து இருக்கிறது.

இந்திய சந்தையில் கியா சொனெட் மாடல் 2020 செப்டம்பர் மாத வாக்கில் அறிமுகம் செய்யப்பட்டது. இதன் துவக்க விலை அப்போது ரூ. 6 லட்சத்து 71 ஆயிரம் என நிர்ணயம் செய்யப்பட்டு இருந்தது. இதன் டாப் எண்ட் மாடல் விலை ரூ. 11 லட்சத்து 99 ஆயிரம் ஆகும். விற்பனைக்கு வந்த 12 மாதங்களில் கியா சொனெட் மாடல் ஒரு லட்சம் யூனிட்கள் விற்பனையாகி அசத்தி இருந்தது.

இந்திய சந்தையில் 2020 நிதியாண்டில் அதிகம் விற்பனையாகும் காம்பேக்ட் எஸ்.யு.வி. மாடல்களில் கியா சொனெட் நான்காவது இடத்தை பிடித்தது. முதல் மூன்று இடங்களில் டாடா நெக்சான், மாருதி விட்டாரா பிரெஸ்ஸா மற்றும் ஹூண்டாய் வென்யூ போன்ற மாடல்கள் பிடித்தன.

சில மாதங்களுக்கு முன் கியா நிறுவனம் தனது சொனெட் மற்றும் செல்டோஸ் மாடல்களை அப்டேட் செய்து இருந்தது. புது மாடல்களில் பாதுகாப்புக்கு முக்கியத்துவம் அளிக்கப்பட்டு, அதிக உபகரணங்கள் வழங்கப்பட்டது. புதிய சொனெட் மாடல் விலை தற்போது ரூ. 7 லட்சத்து 15 ஆயிரம், எக்ஸ்-ஷோரூம் என துவங்குகிறது.

இந்தியாவில் கியா சொனெட் மாடல் 83 ஹெச்.பி. பவர் வழங்கும் 1.2 லிட்டர் பெட்ரோல் என்ஜின், 120 ஹெச்.பி. பவர் வழங்கும் 1.0 லிட்டர் டர்போ பெட்ரோல் என்ஜின் மற்றும் 1.5 லிட்டர் டீசல் என்ஜின் ஆப்ஷன்களில் கிடைக்கிறது. இத்துடன் 5 ஸ்பீடு மேனுவல், 6 ஸ்பீடு மேனுவல், 6 ஸ்பீடு iMT, 6 ஸ்பீடு டார்க் கன்வெர்ட்டர் அல்லது 7 ஸ்பீடு DCT போன்ற டிரான்ஸ்மிஷன் ஆப்ஷன்களில் ஒன்றை தேர்வு செய்து கொள்ளலாம்.

கியா செல்டோஸ் மாடல் வெளிநாடுகளில் சோதனை செய்யப்படும் ஸ்பை படங்கள் பலமுறை இணையத்தில் வெளியாகி இருக்கின்றன. தற்போது 2022 கியா செல்டோஸ் மாடல் இந்தியாவில் சோதனை செய்யப்படும் ஸ்பை படங்கள் முதல் முறையாக லீக் ஆகி உள்ளது.

இந்த எஸ்.யு.வி. மாடல் இரண்டு வேரியண்ட்களில் கிடைக்கும் என தெரிகிறது. ஒரு மாடலில் அலாய் வீல்களும், மற்றொரு மாடலில் ஸ்டீல் வீல் கவர்களை கொண்டுள்ளது. இத்துடன் செங்குத்தாக இருக்கும் எல்.இ.டி. டெயில் லேம்ப்கள் உள்ளன. இதே போன்று புது மாடலின் முன்புற கிரில் மற்றும் எல்.இ.டி. டி.ஆர்.எல். உள்ளிட்டவை மாற்றங்களை எதிர்பார்க்கலாம்.

உள்புறம் ஹூண்டாய் அல்கசார் மாடலில் உள்ளதை போன்றே 10ய25 இன்ச் டிஜிட்டல் டிரைவர் டிஸ்ப்ளே, பானரோமிக் சன்ரூஃப், 360 டிகிரி கேமரா, ஹெட்-அப் டிஸ்ப்ளே, 10.25 இன்ச் இன்ஃபோடெயின்மெண்ட் ஸ்கிரீன், வெண்டிலேடெட் சீட்கள், ADAS போன்ற அம்சங்கள் வழங்கப்படும் என எதிர்பார்க்கலாம்.

புதிய 2022 செல்டோஸ் மாடலில் 1.4 லிட்டர் டர்போ பெட்ரோல், 140 பி.எஸ். பவர், 115 பி.எஸ். பவர் வழங்கும் 1.5 லிட்டர் பெட்ரோல், 115 பி.எஸ். பவர் வழங்கும் டீசல் என்ஜின் ஆப்ஷன்களில் கிடைக்கும் என தெரிகிறது. இத்துடன் 6 ஸ்பீடு மேனுவல், ஆட்டோமேடிக் ஆப்ஷன்கள், 6 ஸ்பீடு AT, 7 ஸ்பீடு DCT அல்லது CVT கியர்பாக்ஸ் போன்ற ஆப்ஷன்கள் வழங்கப்படலாம்.

Photo Courtesy: Rushlane