நீங்கள் தேடியது "LeTV"

லிடிவி நிறுவனத்தின் புது ஸ்மார்ட்போன் சீன சந்தையில் அறிமுகம் செய்யப்பட்டு இருக்கிறது. இந்த ஸ்மார்ட்போன் 5ஜி கனெக்டிவிட்டியுடன் பட்ஜெட் பிரிவில் அறிமுகமாகி இருக்கிறது. இதன் தோற்றம் பார்க்க ஆப்பிள் ஐபோன் 14 ப்ரோ போன்றே காட்சியளிக்கிறது. புது சாதனம் பற்றிய முழு விவரங்களை லிடிவி இதுவரை அறிவிக்கவில்லை.

புதிய லிடிவி S1 ப்ரோ மாடலில் ஹூபென் டி7510 பிராசஸர் உள்ளது. இந்த பிராசஸர் குவால்காம் நிறுவனத்தின் ஸ்னாப்டிராகன் 7 சீரிஸ் பிராசஸருக்கு நிகரான செயல்திறன் வழங்கும் சீன சிப்செட் ஆகும். இது அந்த பகுதியில் மிகவும் பிரபலமான பிராசஸராக இருக்கிறது. இதுதவிர ஸ்மார்ட்போனின் மற்ற அம்சங்கள் பற்றி எவ்வித தகவலும் இல்லை.

டிசைனை பொருத்தவரை லிடிவி S1 ப்ரோ தோற்றத்தில் ஐபோன் 14 ப்ரோ சீரிஸ் போன்று காட்சியளிக்கிறது. இந்த ஸ்மார்ட்போன் பின்புறத்தில் மூன்று கேமரா சென்சார்கள் ஐபோன் 14 ப்ரோ சீரிஸ் மாடல்களில் உள்ளதை போன்றே கச்சிதமாக பொருத்தப்பட்டு இருக்கிறது. இதன் முன்புறம் மாத்திரை வடிவ கட்-அவுட் உள்ளது. இது ஐபோனில் உள்ள டைனமிக் ஐலேண்ட் போன்ற அம்சத்தை வழங்கும் என தெரிகிறது.

லிடிவி S1 ப்ரோ மாடலின் விலை ஆயிரம் யுவான்கள், இந்திய மதிப்பில் ரூ. 12 ஆயிரத்து 016 அல்லது 145 டாலர்களுக்கும் குறைவாக நிர்ணயம் செய்யப்படும் என தெரிகிறது. எனினும், இதுபற்றி இதுவரை எந்த அறிவிப்பும் வெளியாகவில்லை.

லி-டிவி Y1 ப்ரோ பிளஸ் ஸ்மார்ட்போன் சீன சந்தையில் வெளியிடப்பட்டு இருக்கிறது. புதிய லி-டிவி ஸ்மார்ட்போன் தோற்றத்தில் ஐபோன் 13 போன்றே காட்சியளிக்கிறது. இந்த ஸ்மார்ட்போனில் 6.5 இன்ச் LCD 720x1560 பிக்சல் டிஸ்ப்ளே, ஐபோன் 13 மாடலில் உள்ளதை போன்றே அகலமான நாட்ச், ஆக்டா கோர் ஹூபென் டி610 பிராசஸர், 4 ஜிபி ரேம், ஆண்ட்ராய்டு 11 ஒஎஸ் வழங்கப்பட்டு இருக்கிறது.

புகைப்படங்களை எடுக்க 8MP பிரைமரி கேமரா, ஐபோன் 13-இல் உள்ளதை போன்றே காட்சியளிக்கும் சதுரங்க வடிவம் கொண்ட கேமரா பம்ப், 5MP செல்பி கேமரா வழங்கப்பட்டு இருக்கிறது. லி-டிவி Y1 ப்ரோ பிளஸ் மாடலில் அதிகபட்சமாக 256 ஜிபி வரையிலான மெமரி வழங்கப்பட்டு இருக்கிறது.

லி-டிவி Y1 ப்ரோ பிளஸ் அம்சங்கள்:

6.5 இன்ச் LCD 720x1560 பிக்சல் டிஸ்ப்ளே

ஆக்டா கோர் ஹூபென் டி610 பிராசஸர்

4 ஜிபி ரேம்

64 ஜிபி, 128 ஜிபி, 256 ஜிபி மெமரி

ஆண்ட்ராய்டு 11 ஒஎஸ்

8MP பிரைமரி கேமரா

5MP செல்பி கேமரா

யுஎஸ்பி டைப் சி கனெக்டிவிட்டி

ஃபேஸ் அன்லாக் வசதி

4000 எம்ஏஹெச் பேட்டரி

விலை மற்றும் விற்பனை விவரங்கள்:

லி-டிவி Y1 ப்ரோ பிளஸ் மாடலின் 4 ஜிபி ரேம், 64 ஜிபி மெமரி மாடல் விலை CNY 499, இந்திய மதிப்பில் ரூ. 5 ஆயிரத்து 700 என துவங்குகிறது. இதன் 4 ஜிபி ரேம், 256 ஜிபி மெமரி மாடல் விலை CNY 699, இந்திய மதிப்பில் ரூ. 8 ஆயிரம் என நிர்ணயம் செய்யப்பட்டு உள்ளது. இதன் விற்பனை சீனாவில் மட்டும் நடைபெறுகிறது.