என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
தூத்துக்குடி துப்பாக்கி சூடு தேவையில்லாமல் நடந்துள்ளது - அமித்ஷா குற்றச்சாட்டு
புதுடெல்லி:
தூத்துக்குடியில் நடந்த துப்பாக்கி சூடு சம்பவத்துக்கு பல்வேறு அமைப்புகளும், அரசியல் கட்சிகளும் கடுமையான கண்டனத்தை தெரிவித்து வருகின்றன.
தமிழக அரசுக்கு ஆதரவாக செயல்பட்டு வரும் பாரதிய ஜனதாவும், இந்த துப்பாக்கி சூடு சம்பவத்தை விமர்சித்து இருந்தது.
இது சம்பந்தமாக பாரதிய ஜனதா தலைவர்கள் சிலர் கூறும் போது, தமிழ்நாட்டில் ஏற்பட்டுள்ள சட்டம்- ஒழுங்கு பிரச்சினை தொழில் முதலீட்டுக்கு எதிராக அமைந்துள்ளது என்று கூறி இருந்தனர்.
மத்திய மந்திரி பொன்.ராதாகிருஷ்ணன் தூத்துக்குடி கலவரத்தின் பின்னணியில் பயங்கரவாதிகள் இருப்பதாக கூறினார். நான் 18 மாதங்களுக்கு முன்பு இது சம்பந்தமாக எச்சரித்து இருந்தேன். அப்போதே நடவடிக்கை எடுத்திருந்தால் இந்த துப்பாக்கி சூடு நடந்திருக்காது என்று அவர் தெரிவித்தார்.
இந்த நிலையில் பாரதிய ஜனதாவின் அகில இந்திய தலைவர் அமித்ஷாவும் தூத்துக்குடி துப்பாக்கி சூடு சம்பவம் தொடர்பாக தனது கவலையை வெளியிட்டுள்ளார். அவர் கூறியதாவது:-
தூத்துக்குடி துப்பாக்கி சூடு தொடர்பாக தமிழக அரசு விளக்கங்களை மத்திய உள்துறைக்கு அனுப்பி உள்ளது. இது தொடர்பாக மத்திய உள்துறை மந்திரி ராஜ்நாத்சிங் சில விளக்கங்களை கேட்டு இருக்கிறார். விளக்கங்களை எதிர்பார்த்து மத்திய அரசு காத்து இருக்கிறது.
தூத்துக்குடி ஸ்டெர்லைட் ஆலை எதிர்ப்பு சம்பவத்தை கையாண்ட முறை சரியில்லை. போலீசார் துப்பாக்கி சூடு நடத்தியதை தவிர்த்து இருக்கலாம். தேவை இல்லாமல் இது நடந்திருக்கிறது.
இவ்வாறு அமித்ஷா கூறினார்.
அமித்ஷாவே துப்பாக்கி சூடு சம்பவத்தை சுட்டிக் காட்டி தமிழக அரசை விமர்சித்து இருப்பது ஆச்சரியத்தை ஏற்படுத்தி உள்ளது.
தி.மு.க. செயல் தலைவர் மு.க. ஸ்டாலின் தமிழக அ.தி.மு.க. தலைமை பாரதிய ஜனதாவுக்கும், மத்திய அரசுக்கும் ஏவல் ஆட்களாக இருக்கிறார்கள் என்று அடிக்கடி கூறி வருகிறார்.
இந்த நிலையில் பாரதிய ஜனதா தமிழக அரசை விமர்சித்து இருப்பது குறிப்பிடத்தக்கது. #SterliteProtest #BanSterlite #Amitshah
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்