என் மலர்tooltip icon
      முகப்பு » தேர்தல் செய்திகள்

      தேர்தல் செய்திகள்

      category icon செய்திகள்
      மேற்கு வங்காளத்தில் பாராளுமன்ற தொகுதி பாஜக வேட்பாளர் கார் விபத்தில் படுகாயம்
      சென்னை

      மேற்கு வங்காளத்தில் பாராளுமன்ற தொகுதி பாஜக வேட்பாளர் கார் விபத்தில் படுகாயம்

      மேற்கு வங்காளம் மாநிலத்தில் 6-ம் தேதி தேர்தலை சந்திக்கும் போன்கவுன் பாராளுமன்ற தொகுதி பாஜக வேட்பாளர் சாந்தனு தாக்குர் இன்று கார் விபத்தில் சிக்கி படுகாயமடைந்தார். #BJPcandidate #Bongaoncandidate #LSpolls #SantanuThakur #SantanuThakurinjured
      கொல்கத்தா:

      பாராளுமன்ற தேர்தலில் ஐந்தாவது கட்டமாக மே 6-ம் தேதி மேற்கு வங்காளம் மாநிலத்தில் உள்ள 7 தொகுதிகளில் வாக்குப்பதிவு நடைபெறுகிறது. இன்று மாலையுடன் தேர்தல் பிரசாரம் ஓய்வதால் காலையில் இருந்தே வேட்பாளர்கள் அனைவரும் உச்சகட்ட பிரசாரத்தில் ஈடுபட்டனர்.

      அவ்வகையில்,  போன்கவுன் (ரிசர்வ்) பாராளுமன்ற தொகுதியில் போட்டியிடும் பாஜக வேட்பாளரான
      சாந்தனு தாக்குர் இன்று பிரசாரம் செய்வதற்காக கல்யானி என்ற இடத்தை நோக்கி காரில் சென்றார். பகல் 12.30 மணியளவில் ஹன்ஸ்பூர் வழியாக வந்தபோது ‘போலீஸ் வாகனம்’ என்ற ஸ்டிக்கருடன் வேகமாக வந்த மற்றொரு கார் அவரது காரின் மீது பயங்கரமாக மோதியது.

      இந்த விபத்தில் தலையில் பலத்த காயமடைந்த சாந்தனு தாக்குர் அருகாமையில் உள்ள மருத்துவமையில் சிகிச்சைக்காக அனுமதிக்கப்பட்டுள்ளார். இந்த விபத்து பற்றிய தகவலறிந்து அங்கு விரைந்துவந்த பாஜகவினர் கைகட்டா-ஹன்ஸ்பூர் நெடுஞ்சாலையின் குறுக்கே அமர்ந்து சாலை மறியலில் ஈடுபட்டனர். #BJPcandidate #Bongaoncandidate #LSpolls #SantanuThakur #SantanuThakurinjured 
      bjp candidate   bongaon ls   Santanu Thakur injured   accident  பாராளுமன்ற தேர்தல்  பாஜக  கார் விபத்து  சாலை மறியல் 
      category icon செய்திகள்
      டெல்லியில் தேர்தல் பிரசாரத்தின்போது அரவிந்த் கெஜ்ரிவால் மீது தாக்குதல்
      சென்னை

      டெல்லியில் தேர்தல் பிரசாரத்தின்போது அரவிந்த் கெஜ்ரிவால் மீது தாக்குதல்

      ஆம் ஆத்மி கட்சி தலைவரும் டெல்லி முதல்- மந்திரியுமான அரவிந்த் கெஜ்ரிவால் இன்று தேர்தல் பிரசாரம் செய்தபோது கூட்டத்தில் இருந்த ஒருவர் அவரை தாக்கியதால் பரபரப்பு ஏற்பட்டது. #ArvindKejriwal
      புதுடெல்லி:

      டெல்லி முதல்- மந்திரியும் ஆம் ஆத்மி கட்சி தலைவருமான அரவிந்த் கெஜ்ரிவால் டெல்லி மோத்தி நகர் பகுதியில் இன்று மாலை திறந்த வாகனத்தில் சென்று அக்கட்சி வேட்பாளர்களுக்கு ஆதரவு திரட்டினார்.

      அப்போது கூட்டத்தில் இருந்த ஒருவர் ஆவேசமாக தகாத வார்த்தைகளால் திட்டியவாறு ஓடிவந்து வாகனத்தின் மீது ஏறிநின்று, கெஜ்ரிவாலின் கன்னத்தில் பளாரென்று அறைந்தார். இதனால் அதிர்ச்சியடைந்த அரவிந்த் கெஜ்ரிவால் சற்று தடுமாறி நிலைகுலைந்தார்.

      அதற்குள் வாகனத்தில் இருந்த ஒருவர் கெஜ்ரிவாலை விலக்கிவிட்டு தாக்குதல் நடத்திய நபரை பிடிக்கப் பாய்ந்தார். இதனால், அங்கு சற்று நேரம் பரபரப்பு ஏற்பட்டது. #ArvindKejriwal
      Delhi CM Arvind Kejriwal   assaulted  aap  பாராளுமன்ற தேர்தல்   ஆம் ஆத்மி கட்சி  அரவிந்த் கெஜ்ரிவால் 
      category icon செய்திகள்
      5-வது கட்ட தேர்தல்: 51 தொகுதிகளில் இன்று மாலை பிரசாரம் ஓய்ந்தது
      சென்னை

      5-வது கட்ட தேர்தல்: 51 தொகுதிகளில் இன்று மாலை பிரசாரம் ஓய்ந்தது

      பாராளுமன்றத்துக்கான 5-வது கட்ட தேர்தலில் 51 தொகுதிகளுக்கான பிரசாரம் இன்று மாலையுடன் நிறைவு பெற்றது. #Loksabhaelections2019

      புதுடெல்லி:

      பாராளுமன்றத்துக்கு 7 கட்டங்களாக தேர்தல் நடத்தப்பட்டு வருகிறது.

      ஏப்ரல் 11-ந்தேதி 91 தொகுதிகளில் முதல் கட்ட தேர்தல் நடந்தது. ஏப்ரல் 18-ந்தேதி 96 தொகுதிகளுக்கு தேர்தல் நடந்தது.

      ஏப்ரல் 23-ந்தேதி 116 தொகுதிகளில் ஓட்டுப்பதிவு நடத்தப்பட்டது. ஏப்ரல் 29-ந் தேதி 71 தொகுதிகளுக்கு தேர்தல் நடந்தது.

      இந்த நிலையில் 5-வது கட்டத்துக்கான தேர்தல் ஏற்பாடுகள் செய்யப்பட்டது. 5-வது கட்ட தேர்தல் 7 மாநிலங்களில் உள்ள 51 தொகுதிகளில் வருகிற 6-ந்தேதி நடைபெற உள்ளது.

      இந்த 51 தொகுதிகளில் அதிகபட்சமாக உத்தரபிரதேசத்தில் 14 தொகுதிகளில் தேர்தல் நடைபெற உள்ளது. ராஜஸ்தானில் 12 தொகுதிகள், மத்திய பிரதேசத்தில் 7 தொகுதிகள், மேற்கு வங்காளத்தில் 7 தொகுதிகள், பீகாரில் 5 தொகுதிகள், ஜார்க்கண்ட்டில் 4 தொகுதிகள், காஷ்மீரில் 2 தொகுதிகளில் தேர்தல் நடைபெற உள்ளது.

      இந்த 51 தொகுதிகளிலும் கடந்த மாதம் 10-ந்தேதி வேட்பு மனு தாக்கல் தொடங்கியது. இறுதி வேட்பாளர் பட்டியல் ஏப்ரல் 20-ந்தேதி வெளியிடப்பட்டது.

      இதைத் தொடர்ந்து 51 தொகுதிகளிலும் கடந்த இரு வாரங்களாக தீவிர தேர்தல் பிரசாரம் நடந்து வந்தது. பிரதமர் மோடி, பா.ஜனதா தேசிய தலைவர் அமித்ஷா, காங்கிரஸ் தலைவர் ராகுல், பொதுச்செயலாளர் பிரியங்கா உள்பட பல்வேறு கட்சிகளின் மூத்த தலைவர்கள் இந்த 51 தொகுதிகளிலும் இறுதி கட்ட தேர்தல் பிரசாரத்தில் ஈடுபட்டனர்.

      இன்று (சனிக்கிழமை) மாலை 5 மணியுடன் இந்த 51 தொகுதிகளிலும் தேர்தல் பிரசாரம் நிறைவு பெற்றது. நாளை (ஞாயிறு) பூத் சிலிப்கள் வினியோகிக்கும் பணி நடைபெறும். நாளை மறுநாள் (திங்கட்கிழமை) காலை 7 மணி முதல் மாலை 5 மணி வரை ஓட்டுப்பதிவு நடைபெறும்.

      பாராளுமன்றத்தில் மொத்தம் உள்ள 543 தொகுதிகளில் இதுவரை 4 கட்ட தேர்தல்களில் 373 தொகுதிகளுக்கும் தேர்தல் நடத்தப்பட்டுள்ளது. நாளை மறு நாள் நடக்கும் 5-வது கட்ட ஓட்டுப்பதிவு தொகுதிகளையும் சேர்த்தால் 424 தொகுதிகளில் ஓட்டுப்பதிவு நிறைவு பெறுகிறது.

      மே 12-ந்தேதி 59 தொகுதிகளில் 6-வது கட்ட தேர்தலும், மே 19-ந்தேதி 59 தொகுதிகளில் 7-வது கட்ட தேர்தலும் நடைபெற வேண்டியுள்ளது. இந்த 118 தொகுதிகளும் பீகார், அரியானா, ஜார்க்கண்ட், மத்திய பிரதேசம், உத்தரபிரதேசம், மேற்கு வங்காளம், பஞ்சாப், இமாச்சலபிரதேசம் ஆகிய 8 மாநிலங்களிலும் டெல்லி, சண்டிகர் ஆகிய இரு யூனியன் பிரதேசங்களிலும் உள்ளன. மற்ற மாநிலங்கள் அனைத்திலும் தேர்தல் முடிந்து விட்டது. #Loksabhaelections2019

      LS Polls  Election Campaign  பாராளுமன்ற தேர்தல்  தேர்தல் பிரசாரம் 
      category icon செய்திகள்
      ராகுல் காந்தியின் அமேதி தொகுதியை இந்த முறை பாஜக கைப்பற்றும் - அமித் ஷா நம்பிக்கை
      சென்னை

      ராகுல் காந்தியின் அமேதி தொகுதியை இந்த முறை பாஜக கைப்பற்றும் - அமித் ஷா நம்பிக்கை

      ராகுல் காந்தி எம்.பி.யாக பதவி வகிக்கும் அமேதி பாராளுமன்ற தொகுதியையும் இந்த முறை பாஜக கைப்பற்றும் என அக்கட்சியின் தேசிய தலைவர் அமித் ஷா நம்பிக்கை தெரிவித்துள்ளார். #BJPwillwin #AmethiLSpolls #AmitShah
      லக்னோ:

      உத்தரபிரதேசம் மாநிலத்தில் உள்ள அமேதி பாராளுமன்ற தொகுதியில் கடந்தமுறை ராகுல் காந்தியை எதிர்த்து கடந்த முறை பாஜக வேட்பாளராக போட்டியிட்டு தோல்வியடைந்த மத்திய மந்திரி ஸ்மிருதி இரானி இந்த தேர்தலிலும் இதே தொகுதியில் ராகுல் காந்தியை எதிர்த்து களமிறங்கியுள்ளார்.

      வரும் 6-ம் தேதி இங்கு வாக்குப்பதிவு நடைபெறவுள்ள நிலையில் பாஜக தேசிய தலைவர் அமித் ஷாவுடன் அமேதி நகரில் இன்று திறந்த வாகனத்தில் சென்று ஸ்மிருதி இரானி வாக்கு சேகரித்தார்.

      அப்போது, கூடியிருந்த கட்சி தொண்டர்களிடையே பேசிய அமித் ஷா,  அமேதி பாராளுமன்ற தொகுதியையும் இந்த முறை பாஜக கைப்பற்றும். உத்தரப்பிரதேசத்தில் கடந்த தேர்தலைவிட கூடுதலான இடங்களில் நாங்கள் வெற்றி பெறுவோம் என தெரிவித்தார்.

      மத்தியில் மோடி தலைமையிலான ஆட்சி அமைந்த பிறகுதான் அமேதி தொகுதி பல வகைகளில் முன்னேற்றத்தை கண்டுள்ளது. இங்குள்ள மக்கள் இந்திரா காந்தி குடும்பத்தினரை பலமுறை தேர்ந்தெடுத்தும் பல ஆண்டுகாலமாக மின்சார வசதி கிடைக்காத கிராமங்களுக்கும் மோடியின் ஆட்சியில் மின்சார இணைப்பு வழங்கப்பட்டுள்ளது.

      மோடியின் அரசு மீதும் பாஜகவின் மீதும் மக்கள் வைத்திருக்கும் நம்பிக்கைக்கு இங்கு பெருந்திரளாக கூடியிருக்கும் மக்கள் கூட்டமே சாட்சி. வாரிசு ஆட்சிமுறை ஒழிந்து நாடு முன்னேற வேண்டுமானால் மத்தியில் மீண்டும் பாஜக அரசு அமைய வேண்டும் என அனைவரும் ஆவலுடன் எதிர்பார்க்கிறார்கள். 

      தேர்தல் முடிவுகள் வெளியாகி அபாரமான பெரும்பான்மையுடன் பாஜக ஆட்சி அமைக்கும்போது எதிர்க்கட்சிகளின் குற்றச்சாட்டுகள் எல்லாம் மவுனமாக முடங்கிப் போகும் எனவும் அவர் குறிப்பிட்டார். #BJPwillwin #AmethiLSpolls #AmitShah
      bjp   amit shah  rahul gandhi  பாராளுமன்ற தேர்தல்  அமித்ஷா  ஸ்மிருதி இரானி  ராகுல் காந்தி 
      category icon செய்திகள்
      டெல்லியில் ஆம் ஆத்மி வேட்பாளர்களை ஆதரித்து பிரகாஷ்ராஜ் பிரசாரம்
      சென்னை

      டெல்லியில் ஆம் ஆத்மி வேட்பாளர்களை ஆதரித்து பிரகாஷ்ராஜ் பிரசாரம்

      பாராளுமன்ற தேர்தலில் போட்டியிடும் ஆம் ஆத்மி வேட்பாளர்களுக்கு ஆதரவாக நடிகர் பிரகாஷ்ராஜ் டெல்லியில் இன்றிலிருந்து ஒருவாரத்துக்கு பிரசாரம் செய்கிறார்.
      புதுடெல்லி:

      நடிகர் பிரகாஷ்ராஜ் கர்நாடக மாநிலத்தில் உள்ள மத்திய பெங்களூரு பாராளுமன்ற தொகுதியில் சுயேட்சை வேட்பாளராக போட்டியிட்டார். இதைடொடர்ந்து, டெல்லியில் ஆம் ஆத்மி வேட்பாளர்களுக்கு ஆதரவாக இன்றிலிருந்து ஒருவாரத்துக்கு பிரசாரம் செய்யப் போவதாக பிரகாஷ்ராஜ் தெரிவித்துள்ளார்.

      டெல்லி மக்களுக்கு தேவையான நல்ல சுகாதாரம், கல்வி ஆகியவற்றை குறிக்கோளாக வைத்து இந்த தேர்தலை சந்திக்கும் ஆம் ஆத்மி போன்ற கட்சிகளை ஆதரித்து ஜனநாயகத்தை மீட்டெடுக்க வேண்டும். மதவாத அரசின் வெறுப்பு அரசியலை எதிர்த்து வெல்வதற்கு மாற்று சிந்தனை கொண்ட சக்திகள் ஒன்றிணைய வேண்டும் என டெல்லியில் உள்ள ஆம் ஆத்மி கட்சி தலைமையலகத்தில் செய்தியாளர்களுக்கு பேட்டியளித்த பிரகாஷ் ராஜ் குறிப்பிட்டார்.

      இன்று மாலை வடகிழக்கு டெல்லி பாராளுமன்ற தொகுதியில் பிரசாரத்தை தொடங்கும் பிரகாஷ்ராஜ், நாளை புதுடெல்லி மற்றும் கிழக்கு டெல்லி தொகுதிகளில் பிரசாரத்தை தொடர்கிறார். #PrakashRaj #PrakashRajcampaign #DelhiAAP 
      prakash raj  aap  parliament election  பாராளுமன்ற தேர்தல்  ஆம் ஆத்மி கட்சி  பிரகாஷ்ராஜ் 
      category icon செய்திகள்
      சபாநாயகரை நேரில் சந்தித்து விளக்க கடிதம் கொடுப்பேன் - பிரபு எம்எல்ஏ
      சென்னை

      சபாநாயகரை நேரில் சந்தித்து விளக்க கடிதம் கொடுப்பேன் - பிரபு எம்எல்ஏ

      சபாநாயகரை நேரில் சந்தித்து விளக்க கடிதம் கொடுப்பேன் என்று கள்ளக்குறிச்சி பிரபு எம்.எல்.ஏ. கூறியுள்ளார். #ADMK #3ADMKMLAs

      சென்னை:

      அ.தி.மு.க.வை சேர்ந்த அறந்தாங்கி எம்.எல்.ஏ. ரத்தினசபாபதி, விருத்தாசலம் எம்.எல்.ஏ. கலைச்செல்வன், கள்ளக்குறிச்சி எம்.எல்.ஏ. பிரபு ஆகிய 3 பேரும் டி.டி. வி.தினகரனுக்கு ஆதரவாக செயல்பட்டு வருவதாக கூறி விளக்கம் கேட்டு சபாநாயகர் நோட்டீசு அனுப்பி இருந்தார்.

      இதில் ரத்தினசபாபதியும், கலைச்செல்வனும் சுப்ரீம் கோர்ட்டுக்கு என்று சபாநாய கர் நடவடிக்கைக்கு தடை கோரி வழக்கு தொடர்ந்தனர். ஆனால் கள்ளக்குறிச்சி எம்.எல்.ஏ. பிரபு கோர்ட்டில் வழக்கு தொடரவில்லை.

      இதுபற்றி பிரபு எம்.எல்.ஏ. விடம் கேட்டபோது அவர் கூறியதாவது:-

      எம்.எல்.ஏ.க்கள் ரத்தின சபாபதியும், கலைச்செல்வனும் யார் கொடுத்த யோசனையில் கோர்ட்டுக்கு சென்றார்கள் என்று தெரிய வில்லை. இருந்தாலும் கோர்ட்டு எந்த உத்தரவு பிறப்பித்தாலும் அது எனக்கும் பொருந்தும்.

      நான் அ.தி.மு.க.வில் இருப்பதால் என் மீது சபாநாயகர் நடவடிக்கை எடுக்க மாட்டார் என நம்புகிறேன். ஆட்சிக்கு எதிராக நான் செயல்படவில்லை.

      திங்கள் அல்லது செவ்வாய்க்கிழமை சபாநாயகரை நேரில் சந்தித்து விளக்க கடிதம் கொடுக்க இருக்கிறேன். அ.தி.மு.க. கட்சிக்கு விரோதமாக செயல்பட மாட்டேன் என்றும் கூறுவேன்.

      இதற்கு பிறகும் சபாநாயகர் என் மீது நடவடிக்கை எடுத்தால் அது அ.தி.மு.க.வுக்குதான் இழப்பாகும். காலம்தான் பதில் சொல்லும்.

      இவ்வாறு அவர் கூறினார். #ADMK #3ADMKMLAs

      prabhu Mla  Speaker letter  speaker  சபாநாகர்  சபாநாகர் கடிதம்  பிரபு எம்எல்ஏ 
      category icon செய்திகள்
      தமிழ்நாட்டில் அதிமுக ஆட்சி நீடிக்கும் மத்தியில் மீண்டும் மோடி ஆட்சி அமையும் - தமிழிசை சவுந்தரராஜன்
      சென்னை

      தமிழ்நாட்டில் அதிமுக ஆட்சி நீடிக்கும் மத்தியில் மீண்டும் மோடி ஆட்சி அமையும் - தமிழிசை சவுந்தரராஜன்

      தமிழ்நாட்டில் அதிமுக ஆட்சி நீடிக்கும் மத்தியில் மீண்டும் பிரதமர் மோடி ஆட்சி அமையும் என்று தமிழிசை சவுந்தரராஜன் கூறியுள்ளார். #BJP #TamilisaiSoundararajan

      சென்னை:

      தமிழக பா.ஜனதா தலைவர் தமிழிசை சவுந்தரராஜன் சென்னை விமான நிலையத்தில் நிருபர்களுக்கு பேட்டி அளித்தார்.

      வடமாநிலங்களில் பா.ஜனதா தேர்தல் பிரசாரத்துக்காக செல்கிறேன். நடந்து முடிந்த தேர்தலில் தமிழ்நாட்டில் அ.தி.மு.க.-பா.ஜனதா கூட்டணி வெற்றி பெறும்.

      மத்தியில் தாமரை மலரும். மீண்டும் பிரதமர் மோடி தலைமையிலான ஆட்சி அமையும். தமிழ்நாட்டில் அ.தி.மு.க. ஆட்சி தொடரும். எதிர்க்கட்சி தலைவர் மு.க.ஸ்டாலின் கனவு காண்கிறார். அது பலிக்காது.

      பத்திரிகை சுதந்திரம் இல்லை என்று சொல்வது தவறு. காங்கிரஸ் ஆட்சியில் நெருக்கடி நிலையை கொண்டு வந்தனர். அப்போது பத்திரிகை சுதந்திரம் நசுக்கப்பட்டது. இப்போது அந்த நிலை இல்லை.

      தமிழ்நாட்டில் தமிழர்களுக்கு வேலை வாய்ப்பு மறுக்கப்படுவதாக சொல்வதை ஏற்க முடியாது. மாநில உரிமைகாக்கப்படுவது போல தேசிய ஒற்றுமையும் அவசியம். தமிழ்நாட்டை சேர்ந்தவர்களுக்கு உரிய அங்கீகாரம் நிச்சயம் கிடைக்கும்.

      கடந்த ஆண்டை விட இந்த ஆண்டில் அதிக எண்ணிக்கையிலான மாணவ-மாணவிகள் நீட் தேர்வு எழுதுகிறார்கள். தேர்வை சந்திக்க அனைத்து வசதிகளும் செய்து கொடுத்தது தான் இதற்கு காரணம். தமிழில் நீட் தேர்வு எழுதுபவர்கள் அனைவருக்கும் தமிழ்நாட்டிலேயே தேர்வு மையம் அமைக்கப்பட்டுள்ளது.

      ஆங்கிலத்தில் நீட் தேர்வு எழுதும் சிலருக்கு தான் வெளிமாநிலங்களில் தேர்வு மையம் உள்ளது. அதுவும் அவர்களுடைய விருப்பப்படியே தேர்வு மையத்தை தேர்ந்து எடுத்து இருக்கிறார்கள்.

      கஜா புயலின் போது பிரதமர் தமிழ்நாட்டுக்கு வரவில்லை என்கிறார்கள். காங்கிரஸ் ஆட்சியில் புயல் தாக்கிய போது மன்மோகன்சிங் எத்தனை முறை தமிழ்நாட்டுக்கு வந்தார்?

      இந்திய பொருளாதாரம் சரிந்துவிட்டதாக சிலர் தவறான தகவலை கூறுவது தவறு. பொருளாதாரம் வளர்ந்து இருக்கிறது. ஜி.எஸ்.டி. வரி மூலம் தமிழ் நாட்டுக்கு ஒரு லட்சம் கோடி வருமானம் கிடைத்துள்ளது.

      இவ்வாறு அவர் கூறினார். #BJP #TamilisaiSoundararajan

      Parliament election  Tamilisai Soundararajan  admk  அதிமுக  தமிழிசை சவுந்தரராஜன்  பாராளுமன்ற தேர்தல் 
      category icon செய்திகள்
      4 தொகுதி இடைத்தேர்தல் - தலைவர்கள் சூறாவளி பிரசாரம்
      சென்னை

      4 தொகுதி இடைத்தேர்தல் - தலைவர்கள் சூறாவளி பிரசாரம்

      4 தொகுதிகளிலும் போட்டியிடும் வேட்பாளர்களை ஆதரித்து அந்தந்த கட்சி தலைவர்களும், கூட்டணி கட்சி தலைவர்களும் சூறாவளி தேர்தல் பிரசாரத்தில் ஈடுபட்டுள்ளனர். #TNAssemblyByElection
      சென்னை:

      திருப்பரங்குன்றம், சூலூர், அரவக்குறிச்சி, ஓட்டப்பிடாரம் ஆகிய 4 சட்டசபை தொகுதிகளுக்கு வருகிற 19-ந் தேதி இடைத்தேர்தல் நடக்கிறது. இந்த தேர்தலில் அ.தி.மு.க., தி.மு.க., அ.ம.மு.க., மக்கள் நீதிமய்யம், நாம் தமிழர் கட்சி ஆகிய வேட்பாளர்களிடையே 5 முனைப்போட்டி ஏற்பட்டுள்ளது.

      திருப்பரங்குன்றம் தொகுதியில் அ.தி.மு.க. வேட்பாளராக முனியாண்டி, தி.மு.க. வேட்பாளராக டாக்டர் சரவணன், அ.ம.மு.க. வேட்பாளராக மகேந்திரன், மக்கள் நீதி மய்யம் வேட்பாளராக சக்திவேல், நாம் தமிழர் கட்சி வேட்பாளராக ரேவதி போட்டியிடுகிறார்கள்.

      அரவக்குறிச்சி தொகுதியில் அ.தி.மு.க. வேட்பாளராக வி.பி.செந்தில் நாதன், தி.மு.க. வேட்பாளராக செந்தில் பாலாஜி, அ.ம.மு.க. வேட்பாளராக சாகுல் அமீது, மக்கள் நீதி மய்யம் வேட்பாளராக மோகன்ராஜ், நாம் தமிழர் கட்சி வேட்பாளராக செல்வம் போட்டியிடுகிறார்கள்.

      சூலூர் தொகுதியில் அ.தி.மு.க. வேட்பாளராக வி.பி. கந்தசாமி, தி.மு.க. வேட்பாளராக பொங்களூர் பழனிசாமி, அ.ம.மு.க. வேட்பாளராக சுகுமார், மக்கள் நீதி மய்யம் வேட்பாளராக ஜி.மயில் சாமி, நாம் தமிழர் கட்சி வேட்பாளராக எம்.வி.விஜயராகவன் ஆகியோர் போட்டியிடுகிறார்கள்.

      ஓட்டப்பிடாரம் தொகுதியில் அ.தி.மு.க. வேட்பாளராக பெ.மோகன், தி.மு.க. வேட்பாளராக சண்முகையா, அ.ம.மு.க. வேட்பாளராக சுந்தர்ராஜ், மக்கள் நீதி மய்யம் வேட்பாளராக காந்தி, நாம் தமிழர் கட்சி வேட்பாளராக அகல்யா போட்டியிடுகிறார்கள்.

      4 தொகுதிகளிலும் போட்டியிடும் வேட்பாளர்களை ஆதரித்து அந்தந்த கட்சி தலைவர்களும், கூட்டணி கட்சி தலைவர்களும் சூறாவளி தேர்தல் பிரசாரத்தில் ஈடுபட்டுள்ளனர்.

      அ.தி.மு.க. வேட்பாளர்களை ஆதரித்து முதல்-அமைச்சர் எடப்பாடி பழனிசாமி ஏற்கனவே சூலூர் தொகுதியில் பிரசாரம் செய்துள்ளார். மீண்டும் அவர் நாளை முதல் பிரசாரம் செய்கிறார்.

      அரவக்குறிச்சி தொகுதியில் நாளை (5-ந் தேதி) முதல்-அமைச்சர் எடப்பாடி பழனிசாமி பிரசாரம் செய்கிறார். மாலை 5 மணிக்கு தளவாபாளையம், 5.45 மணிக்கு வேலாயுதம் பாளையம், 6.30 மணிக்கு புன்னம் சத்திரம், இரவு 7.15 மணிக்கு க.பரமத்தி, 8 மணிக்கு தென்னிலை, 8.45 மணிக்கு சின்னதாராபுரம், 9.15 மணிக்கு நஞ்சை காளகுறிச்சி ஆகிய இடங்களில் பிரசாரம் செய்கிறார்.

      6-ந் தேதி மாலை 5 மணிக்கு திருப்பரங்குன்றம் தொகுதி வீரகனூர், 5.45 மணிக்கு ஐராவதநல்லூர், 6.30 மணிக்கு சிந்தாமணி, இரவு 7.30 மணிக்கு வளையங்குளம், 8 மணிக்கு பெருங்குடி, 8.45 மணிக்கு அவனியாபுரம் பஸ்நிலையம், 9.20 மணிக்கு எம்.எம்.எஸ். காலனி ஆகிய இடங்களில் பிரசாரம் செய்கிறார்.

      7-ந்தேதி ஓட்டப்பிடாரம் தொகுதியில் பிரசாரம் செய்கிறார். மாலை 5 மணிக்கு ஓட்டப்பிடாரம், 5.40 மணிக்கு புதியம்புத்தூர், 6.20 மணிக்கு தருவைக்குளம், இரவு 7 மணிக்கு மாப்பிள்ளை ஊரணி, 8 மணிக்கு முத்தம்மாள் காலனி, 8.45 மணிக்கு முத்தையாபுரம், 9.20 மணிக்கு புதுக்கோட்டை ஆகிய இடங்களில் பிரசாரம் செய்கிறார்.

      11-ந்தேதி மாலை 5 மணிக்கு திருப்பரங்குன்றம் தொகுதி நாகமலை புதுக்கோட்டை, 5.30 மணிக்கு வடபழஞ்சி, 6.30 மணிக்கு தனக்கன்குளம், இரவு 7.15 மணிக்கு ஆர்.வி. பட்டி, 8 மணிக்கு நிலையூர் கைத்தறி நகர் பகுதிகளில் பிரசாரம் செய்கிறார். 8.45 மணிக்கு திருப்பரங்குன்றம் பஸ் நிலையத்தில் பொதுக் கூட்டத்தில் பேசுகிறார்.

      12-ந் தேதி மாலை 5 மணிக்கு ஓட்டப்பிடாரம் தொகுதி வசவப்புரம், 5.45 மணிக்கு வல்லநாடு, 6.30 மணிக்கு தெய்வ செயல்புரம், இரவு 7.15 மணிக்கு சவாலப்பேரி, 8 மணிக்கு ஒட்டநத்தம், 8.45 மணிக்கு ஒசநூத்து, 9.15 மணிக்கு குறுக்குச்சாலை ஆகிய இடங்களில் பிரசாரம் செய்கிறார்.

      13-ந்தேதி மாலை 5 மணிக்கு அரவக்குறிச்சி தொகுதியில் சீத்தாப்பட்டி காலனி, 5.45 மணிக்கு அரவக்குறிச்சி, 6.30 மணிக்கு பள்ளப்பட்டி, இரவு 7.15 மணிக்கு கினங்கனூர், 8 மணிக்கு குரும்பப்பட்டி, 8.45 மணிக்கு ஆண்டில்பட்டி கோட்டை, 9.15 மணிக்கு ஈசரத்தப் பகுதியில் பிரசாரம் செய்கிறார்.

      14-ந்தேதி மாலை 5 மணிக்கு சூலூர் தொகுதி சின்னியம் பாளையம், 5.45 மணிக்கு முத்துக்கவுண்டம்புதூர், 6.45 மணிக்கு லாகராயம்பாளைம், இரவு 7.15 மணிக்கு கிட்டாம்பாளையம் நால்ரோடு, 8 மணிக்கு கருமத்தம்பட்டி, 8.30 மணிக்கு சாமளாபுரம், 9.20 மணிக்கு சூலூர் ஆகிய இடங்களில் பிரசாரம் செய்கிறார்.

      அ.தி.மு.க. வேட்பாளர்களை ஆதரித்து துணை முதல்-அமைச்சர் ஓ.பன்னீர்செல்வம் நாளை (5-ந் தேதி) முதல் 14-ந்தேதி வரை பிரசாரம் செய்கிறார்.

      நாளை (5-ந்தேதி) ஓட்டப்பிடாரம் தொகுதி, 8-ந்தேதி திருப்பரங்குன்றம் தொகுதி, 9-ந்தேதி ஓட்டப்பிடாரம் தொகுதி, 11-ந்தேதி சூலூர் தொகுதி, 12-ந்தேதி அரவக்குறிச்சி தொகுதி, 13 மற்றும் 14-ந்தேதிகளில் திருப்பரங்குன்றம் தொகுதி ஆகிய இடங்களில் பிரசாரம் செய்கிறார்.

      தி.மு.க. வேட்பாளர்களை ஆதரித்து கட்சித் தலைவர் மு.க.ஸ்டாலின் நாளை (ஞாயிற்றுக்கிழமை) சூலூர் தொகுதியில் பிரசாரம் மேற்கொள்கிறார். நாளை காலை 7.30 மணிக்கு இருகூர் பேரூராட்சி ஞாயிறு சந்தையில் ஆதரவு திரட்டுகிறார்.

      மாலை 5 மணிக்கு தென்னம்பாளையம் ஊராட்சியிலும், 5.30 மணிக்கு வாகராயம் பாளையம் ஊராட்சியிலும் 6 மணிக்கு கருமத்தம் பட்டி பேரூராட்சியிலும், 6.30 மணிக்கு சோமனூரிலும், இரவு 7 மணிக்கு சாமளாபுரம் பேரூராட்சியிலும், 7.30 மணிக்கு சூலூர் பேரூராட்சியிலும், 8 மணிக்கு கண்ணம்பாளையம் பேரூராட்சியிலும், 8.30 மணிக்கு பாப்பம் பட்டி பிரிவிலும் பிரசாரம் செய்கிறார்.

      6-ந்தேதி சூலூர் தொகுதியில் 2-வது நாள் பிரசாரத்தை மேற்கொள்கிறார். அன்று மாலை 5 மணிக்கு பாப்பம்பட்டியில் தனது பிரசாரத்தை தொடங்குகிறார். பல்வேறு பகுதிகளில் பிரசாரம் செய்யும் அவர் சுல்தான் பேட்டையில் பிரசாரத்தை முடிக்கிறார்.

      7-ந்தேதி மற்றும் 8-ந்தேதி அரவக்குறிச்சி தொகுதியில் மு.க.ஸ்டாலின் பிரசாரம் செய்கிறார்.

      அம்மா மக்கள் முன்னேற்ற கழக வேட்பாளர்களை ஆதரித்து அதன் பொதுச்செயலாளர் டி.டி. வி.தினகரன் சூறாவளி பிரசாரம் செய்து வருகிறார். இன்று மாலை 4 மணிக்கு அவர் அரவக்குறிச்சி தொகுதி தும்பிலாடியில் பிரசாரத்தை தொடங்குகிறார். 4.30 மணிக்கு ஆரியூர், 5 மணிக்கு எல்லமேடு, 5.15 மணிக்கு புஞ்சை காளிக்குறிச்சி, 6 மணிக்கு ராஜபுரம், 6.15 மணிக்கு சின்ன தாராபுரம், 6.45 மணிக்கு ஒத்தமாந்துறை, இரவு 7 மணிக்கு பெரிய திருமங்களம் ஆகிய இடங்களில் பிரசாரம் செய்கிறார்.

      மக்கள் நீதி மய்யம் கட்சி வேட்பாளர்களை ஆதரித்து கட்சித் தலைவவர் கமல்ஹாசன் பிரசாரம் செய்கிறார். இன்று மாலை 5 மணிக்கு ஓட்டப்பிடாரம் தொகுதியில் புதுக்கோட்டை, 5.30 மணிக்கு காலங்கரை, 6.15 மணிக்கு ஓட்டப்பிடாரம், 7 மணிக்கு புதியம்புத்தூர் ஆகிய இடங்களில் பிரசாரம் செய்கிறார்.

      அ.தி.மு.க. வேட்பாளர்களை ஆதரித்து சமத்துவ மக்கள் கட்சி தலைவர் சரத்குமார் 10-ந்தேதி முதல் 17-ந்தேதி வரை பிரசாரம் செய்கிறார்.

      10-ந்தேதி திருப்பரங்குன்றம் தொகுதியிலும், 12-ந்தேதி சூலூர் தொகுதியிலும், 15-ந்தேதி அரவக்குறிச்சி தொகுதியிலும், 16 மற்றும் 17-ந்தேதிகளில் ஓட்டப்பிடாரம் தொகுதியிலும் பிரசாரம் செய்கிறார்.

      அ.தி.மு.க. வேட்பாளர்களை ஆதரித்து நடிகர் கார்த்திக் 7-ந்தேதி முதல் 13-ந்தேதி வரை பிரசாரம் செய்கிறார்.

      7-ந்தேதி சூலூர் தொகுதியிலும்,10-ந்தேதி அரவக்குறிச்சி தொகுதியிலும், 12-ந்தேதி திருப்பரங்குன்றம் தொகுதியிலும், 13-ந்தேதி ஓட்டப்பிடாரம் தொகுதியிலும் அவர் பிரசாரம் செய்கிறார்.

      அ.தி.மு.க. வேட்பாளர்களை ஆதரித்து பெருந்தலைவர் மக்கள் கட்சித் தலைவர் என்.ஆர்.தனபாலன் 5 நாட்கள் தீவிர பிரசாரம் செய்கிறார். வருகிற 6-ந்தேதி ஓட்டப்பிடாரம் தொகுதியிலும், 9-ந்தேதி திருப்பரங்குன்றம் தொகுதியிலும், 13-ந்தேதி சூலூர் தொகுதியிலும், 14-ந்தேதி ஓட்டப்பிடாரம் தொகுதியிலும், 15-ந்தேதி அரவக்குறிச்சி தொகுதியிலும் அ.தி.மு.க. வேட்பாளர்களை ஆதரித்து பிரசாரம் செய்கிறார்.

      நாம் தமிழர் கட்சி வேட்பாளர்களை ஆதரித்து கட்சியின் தலைமை ஒருங்கிணைப்பாளர் சீமான் இன்று திருப்பரங்குன்றம் தொகுதியில் பிரசாரம் செய்கிறார். இன்று மாலை 5 மணிக்கு திருப்பரங்குன்றம் 16 கால் மண்டபம் அருகிலும், இரவு 8 மணிக்கு அவனியாபுரம் பஸ் நிலையம் அருகிலும் பிரசாரம் செய்கிறார்.

      நாளை (5-ந்தேதி) மாலை 5 மணிக்கு ஓட்டப்பிடாரம் தொகுதியில் தருவைக்குளம் மாதா கோவில் அருகிலும், இரவு 8 மணிக்கு தாளமுத்துநகர் பஸ் நிலையம் அருகிலும் பிரசாரம் செய்கிறார். #TNAssemblyByElection
      Four constituency by election  TN  political leaders  election campaign  4 தொகுதி இடைத்தேர்தல்  தலைவர்கள்  தேர்தல் பிரசாரம் 
      category icon செய்திகள்
      4 தொகுதி இடைத்தேர்தல்: வாக்காளர்களுக்கு இடதுகை நடுவிரலில் அடையாள மை
      சென்னை

      4 தொகுதி இடைத்தேர்தல்: வாக்காளர்களுக்கு இடதுகை நடுவிரலில் அடையாள மை

      4 தொகுதி இடைத்தேர்தலில் வாக்காளர்களுக்கு இடது கை நடுவிரலில் அடையாள மை வைக்கப்படும் என்று தேர்தல் ஆணையம் அறிவுறுத்தியுள்ளது. #TNElections2019 #TNAssemblyBypoll

      சென்னை:

      வருகிற 19-ந் தேதி திருப்பரங்குன்றம், அரவக்குறிச்சி, சூலூர், ஓட்டப்பிடாரம் சட்டமன்ற தொகுதிகளுக்கு இடைத்தேர்தல் நடைபெறுகிறது.

      இந்த தொகுதிகளுக்கான பிரசாரம் சூடு பிடித்துள்ளது. முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர் செல்வம், தி.மு.க. தலைவர் மு.க.ஸ்டாலின், டி.டி.வி.தினகரன், கமல்ஹாசன் ஆகியோர் தங்கள் கட்சி வேட்பாளர்களுக்காக பிரசாரம் செய்து வருகிறார்கள்.

      கட்சி தொண்டர்களும், வேட்பாளர்களும் வீதி வீதியாக சென்று வாக்கு சேகரித்து வருகிறார்கள். இந்த 4 தொகுதிகளிலும், அனல் பறக்கும் பிரசாரம் நடந்து வருகிறது.


      இடைத்தேர்தல் நடைபெறும் 4 தொகுதிகளுக்கும் தேவையான வாக்குச்சாவடிகள் அமைக்க தேர்தல் ஆணையம் ஏற்பாடு செய்துள்ளது. வாக்குப்பதிவு எந்திரங்களும் தயாராக உள்ளன.

      அனைத்து வாக்குச்சாவடிகளுக்கும் தலா ஒரு நுண்பார்வையாளர் நியமிக்கப்படுகிறார். இந்த தொகுதிகளில் பறக்கும் படையினர் வாகன சோதனைகளில் ஈடுபட்டு வருகிறார்கள்.

      வாக்காளர்கள் அனைவருக்கும் பூத்சிலிப் வழங்கப்பட வேண்டும் என்று தேர்தல் ஆணையம் அறிவுறுத்தியுள்ளது. அதன்படி பூத்சிலிப் வழங்க ஏற்பாடு செய்யப்பட்டுள்ளது.

      நடந்து முடிந்த பாராளுமன்ற தேர்தலில் வாக்காளர்களுக்கு இடது கை ஆள்காட்டி விரலில் அடையாள மை வைக்கப்பட்டது. எனவே வாக்குப்பதிவு நடைபெற இருக்கும் 4 தொகுதிகளிலும், ஓட்டுப் போடுபவர்களுக்கு இடது கை நடுவிரலில் அடையாள மை வைக்கப்படுகிறது. #TNElections2019 #TNAssemblyBypoll

      இடைத்தேர்தல்  வாக்காளர்கள்  இடதுகை நடுவிரல் மை 
      category icon செய்திகள்
      அமேதி தொகுதி வாக்காளர்களுக்கு ராகுல் திடீர் கடிதம்
      சென்னை

      அமேதி தொகுதி வாக்காளர்களுக்கு ராகுல் திடீர் கடிதம்

      அமேதி தொகுதியில் போட்டியிடும் காங்கிரஸ் தலைவர் ராகுல் காந்தி, தன்னை மீண்டும் தேர்வு செய்ய வேண்டும் எனக்கூறி, வாக்காளர்களுக்கு கடிதம் எழுதியுள்ளார். #RahulGandhi

      புதுடெல்லி:

      காங்கிரஸ் தலைவர் ராகுல்காந்தி உத்தர பிரதேச மாநிலம் அமேதி தொகுதியிலும், கேரள மாநிலம் வயநாடு தொகுதியிலும் போட்டியிடுகிறார்.

      வயநாடு தொகுதியில் கடந்த மாதம் ஓட்டுப்பதிவு முடிந்து விட்டது. அமேதி தொகுதியில் நாளை மறுநாள் (திங்கட்கிழமை) ஓட்டுப்பதிவு நடைபெற உள்ளது.

      இந்த நிலையில் அமேதி தொகுதியில் ராகுல் காந்திக்கு எளிதான வெற்றி கிடைக்காது என்று நேற்று தகவல்கள் வெளியானது. அமேதி தொகுதி மக்கள் ராகுல் மீது அதிருப்தி அடைந்து இருப்பதாகவும் எனவே அவருக்கு இந்த தடவை வாக்களிக்க மாட்டார்கள் என்றும் அந்த தகவலில் குறிப்பிடப்பட்டு இருந்தது.

      ராகுல் காந்தி கடந்த 5 ஆண்டுகளில் சில தடவை மட்டுமே அமேதிக்கு வந்ததாக அந்த தொகுதி மக்கள் புகார் சொல்கிறார்கள். மேலும் ராகுல் காந்தி வயநாடு தொகுதிக்கு போட்டியிட சென்றதை ஏற்றுக் கொள்ள இயலவில்லை என்றும் அந்த தொகுதி மக்கள் வேதனை தெரிவித்து உள்ளனர்.

      இந்த நிலையில் அமேதி தொகுதி வாக்காளர்களுக்கு ராகுல் நேற்று திடீரென கடிதம் எழுதி உள்ளார். அந்த கடிதம் வாக்காளர்கள் ஒவ்வொருவரையும் சென்று சேரும் வகையில் காங்கிரஸ் நிர்வாகிகள் அனுப்பி வருகிறார்கள். “அமேதி என் குடும்பம்” என்று தலைப்பிட்டு மிக உருக்கமாக எழுதப்பட்டுள்ள அந்த கடிதத்தில் கூறப்பட்டு இருப்பதாவது:-

       


      அமேதி தொகுதி என் குடும்பம் ஆகும். இந்த தொகுதியில் உள்ள ஒவ்வொருவரையும் நான் எனது குடும்ப உறுப்பினராக கருதுகிறேன்.

      அமேதி மக்கள் கொடுத்த அன்பின் அடிப்படையில் தான் நான் நாட்டின் அனைத்து பகுதிகளுக்கும் சென்று பிரசாரம் செய்து வருகிறேன். இதன் மூலம் நாட்டின் அனைத்து திசைகளையும் ஒற்றுமைப்படுத்த முயல்கிறேன்.

      அமேதி மக்களின் உண்மை, நேர்மை, எளிமையில்தான் அவர்களது பலம் அடங்கி இருப்பதாக நான் கருதுகிறேன். உங்களது துணிச்சலால்தான் நானும் உண்மையை கடைபிடித்து வருகிறேன். எனவே வரும் தேர்தலில் எனக்கு அதிக அளவில் வாக்களித்து மீண்டும் வெற்றி பெற செய்ய வேண்டும்.

      தற்போது நாட்டில் 2 விதமான சித்தாந்தங்கள் உள்ளன.

      1. தொழில் அதிபர்களுக்காகவே பாரதிய ஜனதா செயல்படுகிறது.

      2. ஏழை-எளியவர்களுக்காக காங்கிரஸ் கட்சி வேலை செய்கிறது. இந்த சித்தாந்தத்தை நீங்கள் புரிந்து கொள்ள வேண்டும்.

      அமேதி தொகுதியில் ஏராளமான நலத்திட்டங்கள் தொடங்க நான் நடவடிக்கை எடுத்து இருந்தேன். அந்த திட்டங்கள் அனைத்தையும் பா.ஜனதா அரசு முடக்கி வைத்துள்ளது.

      மத்தியில் காங்கிரஸ் ஆட்சிக்கு வந்ததும் இந்த தடைகள் அனைத்தும் உடைக்கப்படும். அமேதி தொகுதியில் மக்களுக்கு தேவையான அனைத்து வளர்ச்சி திட்டங்களும் தொடங்கப்படும்.

      இவ்வாறு அந்த கடிதத்தில் ராகுல் எழுதி உள்ளார். #RahulGandhi

      Parilament election  Amethi constituency  Rahul Gandhi  ராகுல் காந்தி  பாராளுமன்ற தேர்தல்  அமேதி தொகுதி 
      category icon செய்திகள்
      சூலூர் தொகுதியில் மு.க.ஸ்டாலின் நாளை பிரசாரம்
      கோயம்புத்தூர்

      சூலூர் தொகுதியில் மு.க.ஸ்டாலின் நாளை பிரசாரம்

      சூலூர் தொகுதியில் தி.மு.க. தலைவர் மு.க. ஸ்டாலின் நாளை பிரசாரம் மேற்கொள்கிறார். #MKStalin #SulurConstituency
      கோவை:

      சூலூர், திருப்பரங்குன்றம், அரவக்குறிச்சி, ஒட்டப்பிடாரம் ஆகிய 4 தொகுதிகளுக்கு வருகிற 19-ந் தேதி இடைத்தேர்தல் நடைபெறுகிறது.

      இந்த தேர்தலில் போட்டியிடும் தி.மு.க. வேட்பாளர்களை ஆதரித்து தி.மு.க. தலைவர் மு.க.ஸ்டாலின் பிரசாரம் செய்து வருகிறார். ஒட்டப்பிடாரத்தில் தி.மு.க. வேட்பாளருக்கு ஆதரவு திரட்டிய மு.க. ஸ்டாலின் இன்று திருப்பரங்குன்றத்தில் பிரசாரம் மேற்கொண்டார்.

      மு.க. ஸ்டாலின் நாளை (ஞாயிற்றுக்கிழமை) சூலூர் தொகுதியில் பிரசாரம் மேற்கொள்கிறார். நாளை காலை 7.30 மணிக்கு இருகூர் பேரூராட்சி ஞாயிறு சந்தையில் தி.மு.க. வேட்பாளர் பொங்கலூர் பழனிசாமிக்கு ஆதரவு திரட்டுகிறார்.

      சந்தைக்கு வரும் விவசாயிகள், பொதுமக்கள் மற்றும் வியாபாரிகளிடம் அவர் தி.மு.க. வேட்பாளருக்கு வாக்கு சேகரிக்கிறார். மாலை 5 மணிக்கு தென்னம் பாளையம் ஊராட்சியிலும், 5.30 மணிக்கு வாகராயம் பாளையம் ஊராட்சியிலும் வேனில் நின்றவாறு தி.மு.க. வேட்பாளர் பொங்கலூர் பழனிசாமிக்கு ஆதரவு திரட்டுகிறார்.

      மாலை 6 மணிக்கு கருமத்தம்பட்டி பேரூராட்சியிலும், 6.30 மணிக்கு சோமனூரிலும், இரவு 7 மணிக்கு சாமளாபுரம் பேரூராட்சியிலும், 7.30 மணிக்கு சூலூர் பேரூராட்சியிலும், 8 மணிக்கு கண்ணம்பாளையம் பேரூராட்சியிலும், 8.30 மணிக்கு பாப்பம் பட்டி பிரிவிலும் பிரசாரம் செய்கிறார்.

      பின்னர் கோவையில் உள்ள ஓட்டலில் தங்குகிறார்

      நாளை மறுநாள் மு.க.ஸ்டாலின் சூலூர் தொகுதியில் 2-வது நாள் பிரசாரத்தை மேற்கொள்கிறார். அன்று மாலை 5 மணிக்கு பாப்பம்பட்டியில் தனது பிரசாரத்தை தொடங்குகிறார். பல்வேறு பகுதிகளில் பிரசாரம் செய்யும் அவர் சுல்தான் பேட்டையில் பிரசாரத்தை முடிக்கிறார். #MKStalin #SulurConstituency

      MK Stalin  election campaign  Sulur Constituency  சூலூர் தொகுதி  முக ஸ்டாலின்  தேர்தல் பிரசாரம் 
      category icon செய்திகள்
      கருணாநிதி பிறந்த நாளில் மத்தியிலும், மாநிலத்திலும் ஆட்சி மாற்றம் ஏற்படும் - மு.க.ஸ்டாலின்
      மதுரை

      கருணாநிதி பிறந்த நாளில் மத்தியிலும், மாநிலத்திலும் ஆட்சி மாற்றம் ஏற்படும் - மு.க.ஸ்டாலின்

      கருணாநிதி பிறந்த நாளில் மத்தியிலும், மாநிலத்திலும் ஆட்சி மாற்றம் ஏற்படும் என்று தி.மு.க. தலைவர் மு.க.ஸ்டாலின் கூறியுள்ளார். #MKStalin #DMK

      மதுரை:

      திருப்பரங்குன்றம் தொகுதி இடைத்தேர்தலுக்கான வாக்குப்பதிவு வருகிற 19-ந்தேதி நடை பெறுகிறது. திருப்பரங்குன்றம் தொகுதியில் தி.மு.க. வேட்பாளராக டாக்டர் சரவணன் போட்டியிடுகிறார். அவரை ஆதரித்து தி.மு.க. தலைவர் மு.க.ஸ்டாலின் விளாச்சேரி, திருநகர், அவனியாபுரம் பகுதிகளில் தேர்தல் பிரசாரம் செய்தார்.

      ஜெயலலிதா அப்பல்லோ ஆஸ்பத்திரியில் இருந்த போது தான் திருப்பரங்குன்றம் இடைத்தேர்தல் வந்தது. அப்போது அவர் உயிரோடு இருந்தாரா? சுய நினைவோடு இருந்தாரா? என்பது கேள்விக் குறியாகவே இருக்கிறது. ஜெயலலிதா மரணம் மர்மமாகவே உள்ளது.

      ஏ.கே.போஸ் வெற்றி செல்லாது என்று நீதி மன்றத்துக்கு சென்று வெற்றி பெற்ற சரவணன்தான் இப்போது தி.மு.க. வேட்பாளராக போட்டியிடுகிறார். அ.தி.மு.க. ஆட்சிக்கு இன்னும் 2 ஆண்டுகள் இருந்தாலும் அவர்கள் மைனாரிட்டி ஆட்சி நடத்திக் கொண்டிருக்கிறார்கள்.


      விளாச்சேரியில் மு.க.ஸ்டாலின் தேர்தல் பிரசாரம் செய்தார்.

      பாராளுமன்ற தேர்தல் முடிவுகள் மற்றும் 22 சட்டசபை தொகுதிகளுக்கான இடைத்தேர்தல் முடிவுகள் வருகிற 23-ந் தேதி வெளியாகிறது. அன்று மோடி வீட்டுக்கு போவது போல எடப்பாடி பழனிசாமியும் வீட்டுக்கு போய் விடுவார். கருணா நிதி பிறந்த நாளான ஜூன் 3-ந்தேதி மத்தியிலும், மாநிலத்திலும் புதிய ஆட்சி மலரும். அப்போது ஜெயலலிதா மரணத்துக்கு காரணமானவர்களை சிறையில் போடுவதுதான் முதல் வேலை. இதை நான் சொல்லும் போதெல்லாம் அ.தி.மு.க. தோழர்கள் மிகுந்த மகிழ்ச்சி அடைகிறார்கள்.

      அவர்களே எங்களிடம், நீங்கள் ஆட்சிக்கு வந்தால் தான் ஜெயலலிதா சாவில் உள்ள மர்மம் விலகும் என்று கூறுகிறார்கள். கோடநாடு கொலை, பொள்ளாச்சி பாலியல் விவகாரம் குறித்தும் முழுமையாக விசாரிக்கப்படும்.

      பெரம்பலூர் எம்.எல்.ஏ. வேலை வாய்ப்பு வாங்கித் தருகிறேன் என்று கூறி பெண்களை வரவழைத்து தனது அலுவலகத்திலேயே அசிங்கப்படுத்தி போட்டோ - வீடியோ எடுத்து மிரட்டுகிறார்.

      இதுகுறித்து வக்கீல் போலீசிடம் புகார் கொடுத்தார். ஆனால் அவரை பிடித்து உள்ளே வைத்து விட்டார்கள். இதுபோன்ற அக்கிரமித்துக்கு முற்றுப் புள்ளி வைக்க வேண்டும்.

      மேற்கண்டவாறு அவர் பேசினார். #MKStalin #DMK

      MK Stalin  DMK  Karunanidhi  கருணாநிதி  திமுக  முக ஸ்டாலின் 
      ×
        X