டி.ஆர்.பாலு விமர்சனத்தை கருத்தில் கொள்ளவில்லை- ரவீந்திரநாத் குமார் எம்.பி.

அவனியாபுரம்:

தேனி பாராளுமன்ற உறுப்பினர் ரவீந்திரநாத் குமார் மதுரை விமான நிலையத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

கேள்வி:- பாரதிய ஜனதா எந்த திட்டத்தை கொண்டு வந்தாலும் எதிர்க்கட்சியினர் நிராகரிக்கிறார்களே?

பதில்:- பிரதமர் இந்தியாவை புதிய இந்தியாவாக கட்டமைப்பதில் தொடர்ந்து ஈடுபட்டு வருகிறார். சுதந்திர தின விழாவுக்கு பின்னர் நடைபெறும் பாராளுமன்ற கூட்டத்தொடர் மிகவும் சிறப்பாக அமையும்.

கே:- பாராளுமன்றத்துக்கு தனி எம்.பி.யாக செல்லும் தங்களை மற்ற மாநில எம்.பி.க்கள் எப்படி அணுகுகிறார்கள்?

கே:- பாராளுமன்ற கூட்டத்தின்போது தங்களை டி.ஆர்.பாலு முதுகெலும்பற்ற பாராளுமன்ற உறுப்பினர் என்று விமர்சித்ததை எவ்வாறு எதிர் கொள்கிறீர்கள்?

ப:- நாட்டின் உரிமைக்காகத்தான் நான் குரல் கொடுத்தேன். எனவே இதுகுறித்த கருத்தை அவரிடம்தான் கேட்க வேண்டும்

மேலும் இதுபோன்ற விமர்சனங்களை பெரிதாக கருத்தில் கொள்வதாக இல்லை. பிரதமர் நாட்டின் வளர்ச்சிக்காக எடுக்கும் நடவடிக்கைகளுக்கு என்றும் ஆதரவாக இருப்பேன்.

கே:- நீட் தேர்வு குறித்து எவ்விதமான கோரிக்கை முன்வைக்கப்படும்?

ப:- முன்பே கூறியது போன்று தமிழக அரசின் நிலைமை மற்றும் முதல்வரின் கோரிக்கையை பாராளுமன்றத்தில் பிரதிபலிப்பேன்.

இவ்வாறு அவர் கூறினார்.