திமுக தலைவருக்கு நேரில் அஞ்சலி செலுத்த மோடி, ராகுல்காந்தி நாளை சென்னை வருகை

சென்னை:

94 வயதான திமுக தலைவர் கருணாநிதி உடல்நலக்குறைவு காரணமாக சிகிச்சை பலனின்றி இன்று மாலை உயிரிழந்தார். அவரது மறைவுக்கு பல்வேறு தலைவர்கள் தங்களது இரங்கலை தெரிவித்து வருகின்றனர்.

இதையடுத்து திமுக தலைவர் கருணாநிதியின் உடல் இன்று இரவு அவரது கோபாலபுரம் இல்லம் கொண்டுவரப்பட்டு பொதுமக்கள் அஞ்சலிக்காக நாளை ராஜாஜி ஹாலில் வைக்கப்படவுள்ளது.

இந்நிலையில், கருணாநிதியின் மறைவுக்கு நேரில் அஞ்சலி செலுத்த காங்கிரஸ் கட்சியின் தலைவர் ராகுல்காந்தியும், பிரதமர் மோடியும் நாளை சென்னை வரவுள்ளதாக தகவல் வெளியாகியுள்ளது. #RIPKalaignar