தங்கம் விலை சவரனுக்கு ரூ.352 குறைந்தது

சென்னை:

தங்கம் விலை கடந்த வாரம் ஏற்ற இறக்கமாக காணப்பட்டது. ஆனால் இந்த வார தொடக்கத்தில் இருந்தே தங்கம் விலை தொடர்ந்து குறைந்து வந்தது.

கடந்த 24-ந்தேதி 1 பவுன் தங்கம் ரூ.38,440-க்கு விற்கப்பட்டது. மறுநாள் 25-ந்தேதி அது அதிரடியாக உயர்ந்து ரூ.38,800 ஆனது. 26-ந்தேதி தங்கம் விலை ரூ.38,560 ஆக குறைந்தது. 27-ந்தேதி மீண்டும் குறைந்து ரூ.38,440-க்கு விற்கப்பட்டது.

29-ந்தேதி மீண்டும் குறைந்து ரூ.38,120-க்கு விற்பனையானது. நேற்று முன்தினம் ரூ.38,320 ஆக உயர்ந்தது. இந்த நிலையில் நேற்று ரூ.38,032 ஆக குறைந்தது.

இந்த நிலையில் தங்கம் விலை இன்று அதிரடியாக குறைந்து ரூ.38 ஆயிரத்துக்கு கீழே வந்தது. இன்று பவுனுக்கு ரூ.352 குறைந்து ரூ.37,680-க்கு விற்பனை ஆகிறது.

கடந்த ஜூலை மாதம் 27-ந்தேதி 1 பவுன் தங்கம் ரூ.37,880-க்கு விற்றது. அதன் பிறகு இன்று பவுன் ரூ.38 ஆயிரத்துக்கு கீழே வந்தது. நேற்று ஒரு கிராம் தங்கம் ரூ.4,754-க்கு விற்கப்பட்டது. இன்று கிராமுக்கு ரூ.44 குறைந்து ரூ.4,710-க்கு விற்கப்படுகிறது.

இதேபோல் வெள்ளி விலையும் இன்று குறைந்துள்ளது. நேற்று ஒரு கிராம் வெள்ளி ரூ.60-க்கு விற்கப்பட்டது. இன்று கிராமுக்கு 2 ரூபாய் குறைந்து ரூ.58-க்கு விற்கப்படுகிறது. ஒரு கிலோ பார் வெள்ளி ரூ.58,000-க்கு விற்பனையாகிறது.