மு.க.ஸ்டாலின் முன்னிலையில் தினகரன் கட்சி நிர்வாகிகள் தி.மு.க.வில் இணைந்தனர்

சென்னை:

தி.மு.க. தலைமைக்கழகம் வெளியிட்டுள்ள செய்திக்குறிப்பில் கூறியிருப்பதாவது:-

தி.மு.க. தலைவர் மு.க.ஸ்டாலின் முன்னிலையில் அண்ணா அறிவாலயத்தில் இன்று அ.ம.மு.க. கட்சியின் திருப்பரங்குன்றம் ஒன்றிய அம்மா பேரவை செயலாளர் வி.வேட்டையன் தி.மு.க. வில் இணைந்தார். அவருடன் அந்த கட்சியின் மாவட்ட விவசாய அணி, துணை அமைப்பாளர் பி.முத்துசமி, நிலையூர் கிளைச்செயலாளர் முருகன் ஆகியோரும் இணைந்தனர்.

அப்போது தி.மு.க. முதன்மை செயலாளர் டி.ஆர்.பாலு, மதுரை வடக்கு மாவட்ட தி.மு.க. செயலாளர் பி.மூர்த்தி எம்.எல்.ஏ., மதுரை தெற்கு மாவட்ட செயலாளர் மணிமாறன் ஆகியோர் உடன் இருந்தனர்.

இவ்வாறு அதில் கூறப்பட்டுள்ளது. #DMK