நான் மைக்குமார் அல்ல, மைக் டைசன்- தினகரனுக்கு அமைச்சர் ஜெயக்குமார் பதிலடி

சென்னை:

சென்னை மூலக்கொத்தளத்தில் நடைபெற்ற அ.தி.மு.க. 47-ம் ஆண்டு தொடக்க விழா நிகழ்ச்சியில் அமைச்சர் டி.ஜெயக்குமார் பங்கேற்று நலத்திட்ட உதவிகள் வழங்கினார்.

அப்போது அவர் நிருபர்களிடம் கூறியதாவது:-

என்னை ‘மைக்குமார்’ என்று டிடி.வி.தினகரன் கூறி இருக்கிறார். என்னை பொறுத்தவரை ‘மைக்’ முன்னாடி பேசுவது தவறா? தவறே கிடையாது.

ஆனால் அவருக்கு நான் சொல்லிக் கொள்கிறேன். நான் ‘மைக்குமார் அல்ல, மைக்டைசன்’

மைக்டைசன் பற்றி கேள்விப்பட்டிருக்கிறீர்கள் அல்லவா? அவர் மாதிரி நாங்க அடிச்சா ‘நாக் அவுட் தான்’ அந்த மாதிரி அடிப்போம்.

இவ்வாறு அவர் கூறினார்.

நிருபர்கள் அவரிடம் ‘நீங்கள்தான் மைக்டைசனா? என்று கேட்டனர். அதற்கு அவர், நான் பாக்சிங் செய்வேன். வேண்டுமானால் மோதிப் பார்க்க வாருங்கள். இங்கேயே மேடை உள்ளது. நான் எப்படி நாக்அவுட் பண்ணுகிறேன், எப்படி பஞ்ச் செய்கிறேன் என்று நீங்கள் பாருங்கள். இப்போது கூட ‘பாக்சிங்’ செய்து உங்களை ஜெயிக்க முடியும்.

இவ்வாறு சிரித்தப்படி கூறி கலகலப்பை ஏற்படுத்தினார். #ADMK #TNMinister #Jayakumar #TTVDhinakaran