காதல் திருமணம் செய்த பெண் தற்கொலை

கோவை ஒண்டிப்புதூரை சேர்ந்தவர் விஜய். கோவை மாநகராட்சியில் ஒப்பந்த துப்புரவு பணியாளராக வேலை பார்த்து வருகிறார். இவரது மனைவி முத்து லட்சுமி (22). இவர்கள் கடந்த 4 வருடத்திற்கு முன் காதலித்து திருமணம் செய்து கொண்டனர்.விஜூய்க்கு குடிப்பழக்கம் இருந்து வந்தது. இதனை நிறுத்துமாறு முத்துலட்சுமி கூறி வந்துள்ளார்.

இது தொடர்பாக கணவன் -மனைவிக்கு இடையே தகராறு உருவானது.இதனால் முத்து லட்சுமி கோபித்து கொண்டு தனது தாய் வீட்டிற்கு சென்றார். அங்கு வி‌ஷம் குடித்து விட்டார். இதில் மயங்கி விழுந்த அவரை மீட்டு கோவை அரசு ஆஸ்பத்திரியில் சேர்த்தனர். அங்கு சிகிச்சை பலன் இன்றி இறந்தார்.இது குறித்து சிங்காநல்லூர் போலீசார் விசாரணை நடத்தி வருகிறார்கள்.

கோவை சிவானந்தபுரம் ஓம் சிவசக்தி நகரை சேர்ந்தவர் அருண். இவரது மனைவி தேவிகா (24). இவர்களுக்கு திருமணமாகி 8 வருடம் ஆகிறது. கணவன்-மனைவி இடையே தகராறு உருவானது.இதில் மனம் உடைந்த தேவிகா தூக்கு போட்டு தற்கொலை செய்து கொண்டார். இது குறித்து சரவணம் பட்டி போலீசார் விசாரணை நடத்தி வருகிறார்கள்.#tamilnews