19.2.2024 முதல் 25.2.2024 வரை
ஆதாயமான வாரம். ராசி அதிபதி சுக்ரன் பாக்கிய ஸ்தானத்தில் உச்சம் பெற்ற 7,12-ம் அதிபதி செவ்வாயுடன் சேர்க்கை பெறுவதால் வெளிநாட்டு வேலை. அரசு வேலை முயற்சி வெற்றி தரும். தொழில் தொடர்பான இழுபறிகள் குறையும்.பெயர், புகழ், அந்தஸ்து அதிகரிக்கும்.சிலருக்கு கவுரவ பதவிகள் கிடைக்கும். அதிர்ஷ்டசாலியாக திகழ்வீர்கள். தனித் தனியாக வேறு வேறு இடங்களில் பணிபுரிந்தவர்கள் சேர்ந்து வாழும் அமைப்பு உருவாகும். புத ஆதித்திய யோகத்தால் பூர்வீக சொத்து தொடர்பான இழுபறிகள், நீங்கும். உங்களுக்கு சேர வேண்டிய பாகப் பிரிவினை பங்கு முழுமையாக சொத்தாகவோ, பணமாகவோ வந்து சேரும்.
சகோதரரால் சகாயங்கள் உண்டாகும். சித்தப்பாவின் எதிர்பாராத உதவிகள் கிடைக்கும்.சிலர் பூர்வீகப் பங்குப் பிரிவினை பணத்தில் பழைய கடன்களை தீர்த்து விட்டு புதிய வீடு, வாகனம் வாங்கலாம். மாணவர்களுக்கு கல்வி ஆர்வம் கூடும். நோய் தாக்கம், வைத்தியச் செலவால் ஏற்பட்ட மன உளைச்சல் சீராகும். மறைமுக எதிரிகளால் ஏற்பட்ட இன்னல்கள் விலகும். மாசி மகத்தன்று சந்தன அபிசேகம் செய்து சிவனை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406