11.3.2024 முதல் 17.3.2024 வரை
பொருளாதார நெருக்கடிகள் விலகும் வாரம். ராசி அதிபதி சுக்ரன் தொழில் ஸ்தானத்தில் பாக்கியாதிபதி சனியுடன் சேருவதால் ரிஷபத்தினர் எதிலும் துணிச்சலாக செயல்பட்டு வெற்றி பெறுவீர்கள்.பணம் பல வழிகளில் வர ஆரம்பிக்கும். குறிப்பாக தாய்மாமன் வழியில் பணவரவு கிடைக்கக்கூடும். தந்தைக்கும் உங்களுக்கும் உறவு நிலை சிறக்கும். சுபநிகழ்ச்சி களுக்கான பேச்சு வார்த்தை சாதகமாகும். குடும்ப சங்கடங்கள் விலகும். பொன், பொருள் சேர்க்கை அதிகமாகும்.
புத்திரர்களால் ஆதாயம், வெற்றி கிடைக்கப்பெறும். அசையும், அசையா சொத்துகள் சேரும். வெளிநாட்டில் வசிப்பவர்கள் மனைவி, பிள்ளைகளுடன் ஓய்விற்கு தாய் நாடு வந்து செல்லும் வாய்ப்பு உள்ளது. குடும்பத்துடன் குலதெய்வ கோவிலுக்கு சென்று வர திட்டமிடுவீர்கள். உத்தியோகத்தில் பணியில் இருந்த நெருக்கடிகள் குறையும். அடமான நகைகள் மீண்டு வரும். பெண்களின் எதிர்பார்ப்பு மற்றும் தேவைகள் நிறைவேறும். உடல் நலனில் மாற்றம் உண்டாகும். தினமும் மகாலஷ்மி அஷ்டோத்திரம் படிக்க தன வரவு அதிகரிக்கும்.
`பிரசன்ன ஜோதிடர்'
ஐ.ஆனந்தி
செல்: 98652 20406