8.4.2024 முதல் 14.4.2024 வரை
நம்பிக்கை அதிகரிக்கும் வாரம். ராசி அதிபதி சுக்ரன் லாப ஸ்தானத்தில் உச்சம் பெற்று 7-ம் அதிபதி செவ்வாய் தொழில் ஸ்தானத்தில் தொழில் ஸ்தான அதிபதி சனியுடன் சேர்க்கை பெறுவதால் மனைவி மற்றும் தொழில் கூட்டாளிகளால் ஆதாயம் உண்டாகும். நண்பர்களுடன் இணைந்து புதிய தொழில் முயற்சி களில் ஈடுபடலாம். பெயர், புகழ், அந்தஸ்து உயரும். தொழிலில் நல்ல பணப்புழக்கம் இருக்கும். வர்த்தகம் லாபத்துடன் நடக்கும். பூர்வீகச் சொத்து தொடர்பான இழுபறிகள் நீங்கும். உங்களுக்கு சேர வேண்டிய பாகப் பிரிவினை பங்கு முழுமையாக சொத்தாகவோ, பணமாகவோ வந்து சேரும். 2,5-ம் அதிபதி புதன் வக்ரமடைவதால் அதிர்ஷ்டத்தை துரத்தி ஏமாறவும் வாய்ப்பு உள்ளது. கணவன் அல்லது மனைவிக்கு உத்தியோக ரீதியான மாற்றங்கள் உண்டாகும்.
தனித்தனியாக வேறு வேறு ஊர்களில் பணிபுரிய நேரும். ஊடகங்களில் பணிபுரிபவர்களின் தனித் திறமைக்கு உரிய அங்கீகாரம் கிடைக்கும். வங்கி கடனை திரும்பச் செலுத்த கால அவகாசம் கிடைக்கும். சிலருக்கு விருப்ப திருமணம் நடைபெறும். பிள்ளைகளால் ஏற்பட்ட பிரச்சினை மனக்கசப்பு முடிவுக்கு வரும். கடவுள் நம்பிக்கை அதிகரிக்கும். கிருஷ்ணரை வழிபட இன்பங்கள் பெருகும்.
`பிரசன்ன ஜோதிடர்'
ஐ.ஆனந்தி
செல்: 98652 20406