6.5.2024 முதல் 12.5.2024 வரை
சுப விரயங்கள் மிகுதியாகும் வாரம். ராசியில் குரு. விரய ஸ்தானத்தில் சனி பார்வையில் சூரியன். புதன், சுக்ரன். விரய ஸ்தானம் பலம் பெறுகிறது. குடும்பத்தில் மகிழ்ச்சியும் நிம்மதியும் சுழலும்.வேலை தொழில் தடைகள் நீங்கி முன்னேற்றம் உருவாகும்.வேலை இல்லாதவர்களுக்கும், வேலை இழந்த வர்களுக்கும் நல்ல வேலை கிடைக்கும். பதவி, பொறுப்புகள் அதிகரித்து மகிழ்ச்சி சேரும்.8ம்மிடம் என்பது பண பர ஸ்தானம். பண பர ஸ்தான அதிபதி குரு ராசியில் நிற்பது விபரீத ராஜ யோகம். விட்டதை பிடிக்கும் நேரம். இது ஜன்ம குரு காலம் என்று யாராவது அச்சுறுத்தினால் பயப்பட வேண்டாம். சொத்துக்களில் முதலீடு செய்வீர்கள். வெற்றிகளை அள்ளி குவிப்பீர்கள்.
எதையும் சமாளிக்கும் தைரியமும் ஆற்றலும் உண்டாகும். எத்தனை அலைச்சல்கள் இடமாற்றங்கள் வந்தாலும் மன உறுதியும் நம்பிக்கையும் தளராது. பூர்வீக சொத்துகள் வந்து சேரும். விட்டுக் கொடுப்பதாலும், வீண் ரோஷம் தவிர்ப்பதாலும் முன்னேற்றங்கள் அதிகரிக்கும். திருமணத் தடை அகலும். ஆண் குழந்தை பிறக்கும்.சிறு சிறு வைத்தியச் செலவு, கண் பாதிப்புகள் வந்து போகலாம். அமாவாசையன்று மகாலட்சுமியை வழிபடவும்.
'பிரசன்ன ஜோதிடர்'
ஐ.ஆனந்தி
செல்: 98652 20406