12.2.2024 முதல் 18.2.2024 வரை
அதிர்ஷ்டமான வாரம். ராசி அதிபதி சுக்ரன் பூர்வ புண்ணிய ஸ்தான அதிபதி புதனுடன் பாக்கிய ஸ்தானத்தில் பலம் பெறுவது ரிஷபத்திற்கு இலக்கை அடைய உதவும். குலதெய்வ அனுகிரகமும், முன்னோர்களின் நல்லாசியும் மகிழ்ச்சியான நிலைக்கு அழைத்துச்செல்லும். பொருளாதார முன்னேற்றத்தால் பணப் புழக்கம் சரளமாக இருக்கும் பூர்வீகச் சொத்துக்கள் கைக்கு வந்து சேரும்.வெளிநாட்டு வேலை அரசு உத்தியோக முயற்சி பலிதமாகும். அடமானச் சொத்து நகைகளை மீட்கலாம். புதிய சொத்து, வாகனங்கள் சேரும். தொழில் கூட்டாளிகளிடம் ஏற்பட்ட மனக் கசப்பு மாறும்.
புதிய ஒப்பந்தங்களை ஏற்றுக் கொள்ளக் கூடிய நல்ல சூழ்நிலை உண்டாகும். விரும்பிய ஊர் மாற்றம், உத்தியோக மாற்றம் வந்து சேரும். கவுரவப் பதவிகள், பெயர், புகழ், சலுகைகள் என வெற்றிப் பாதையை நோக்கி முன்னேறுவீர்கள். எதிரி தொல்லை, கண் திருஷ்டி பாதிப்பு விலகும். திருமணத் தடை அகலும். உயர் கல்வி முயற்சி சித்திக்கும். வளர்பிறை வெள்ளிக்கிழமை லலிதா சகஸ்ஹர நாமம் படிக்கவும்.
`பிரசன்ன ஜோதிடர்'
ஐ.ஆனந்தி
செல்: 98652 20406