1.1.2024 முதல் 7.1.2024 வரை
இல்லறம் நல்லறமாகும் வாரம். ராசி அதிபதி சுக்ரன் தன் வீட்டைத் தானே பார்க்கிறார். உங்கள் செயல்பாட்டில் மற்றவர்களின் குறுக்கீடு இருக்காது. கொடுத்த வாக்கையும் ,நாணயத்தையும் காப்பாற்றுவீர்கள். வார இறுதியில் தொழிலில் நிலவிய மந்தநிலை மாறி, தொழிலை விரிவுபடுத்தும் வாய்ப்பு உருவாகும். வாழ்க்கைத் துணையின் படிப்பிற்கேற்ற வேலை கிடைக்கும். உடன் பிறந்தவர்களுடன் நல்லுறவு ஏற்படும். இடமாற்றம், ஊர் மாற்றம், வேலை மாற்றம் என நிம்மதியைத் தரும் மாற்றங்கள் உண்டு. 2,5-ம் அதிபதி புதன் வக்ர நிவர்த்தி பெறுவதால் பங்குச் சந்தையில் எதிர்பாராத உபரி லாபம் உண்டு.
பணப் பற்றாக்குறையால் பிறரிடம் கைமாற்று வாங்கிய நிலை மாறி உபரி லாபம் கிடைக்கும். ஒரு சிலருக்கு கவுரவப் பதவிகள் கிடைக்கும். புத்திர பிராப்தம் ஏற்படும். குடும்பத்தில் நிலவிய பிரச்சினைகள் குறையும். தடைபட்ட வீடு கட்டும் பணி துரிதமாகும். தாயின் உடல் நலம் சீராகும். உயர் கல்விக்காக எடுத்த முயற்சி கைகூடும். வீட்டில் சுப காரியப் பேச்சு வார்த்தை நடைபெறும். பெண்கள் குடும்ப முன்னேற்றதால் மகிழ்ச்சி காண்பர். திருமணத் தடை அகலும். அமாவாசையன்று பசுவை வழி படவும்.
`பிரசன்ன ஜோதிடர்'
ஐ.ஆனந்தி
செல்: 98652 20406