26.11.2023 முதல் 3.12.2023 வரை
திட்டமிட்டு வெற்றி பெறும் வாரம். வார இறுதியில் ராசி அதிபதி சுக்ரன் 6-ல் ஆட்சி பலம் பெறுவதால் பிறர் பாராட்டும் படியான செயல்கள் செய்வீர்கள். ஆளுமைத் திறன் மேம்படும்.உங்கள் திறமைக்கு உரிய அங்கீகாரம் கிடைக்கும். சமூகத்தில் உங்கள் மீதான மதிப்பு, மரியாதை அதிகரிக்கும். உங்களின் நீண்ட நாள் ஆசைகள் நிறைவேறும். வாரத் துவக்கத்தில் சில காரியங்களில் தொய்வு ஏற்பட்டாலும் முடிவில் வெற்றி கிடைக்கும். வீண் மனசஞ்சலம் அகலும். குடும்பத்தில் மகிழ்ச்சியும், அமைதியும் நிலவும். புதிய சொத்துக்கள் வாங்குதல் பிள்ளைகளின் முன்னேற்றத்திற்கு திட்டமிடுதல் என குடும்ப நலனை ஒட்டியே உங்கள் செயல்பாடுகள் இருக்கும்.
தொழில், வியாபாரம் நன்றாக இருக்கும். 7ம் அதிபதி செவ்வாய் ஆட்சி பலம் பெறுவதால் புதிய வாடிக்கையாளர் நண்பர்கள், தொழில் கூட்டாளிகள் கிடைப்பார்கள். திருமணத் தடை அகலும்.பணவரவு திருப்திகரமாக இருக்கும். குடும்பத்தில் மகிழ்ச்சி கூடும். வாழ்க்கை துணை யின் மூலம் அனுகூலம் உண்டாகும். தான தர்மங்கள் உதவிகள் செய்து மகிழ்வீர்கள். ஆரோக்கியத்தில் முன்னேற்றம் ஏற்படும்.வாசனை மலர்கள் சூட்டி மகாலட்சுமியை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406