என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
ஆட்வேர் கோளாறு காரணமாக பிளே ஸ்டோரில் இருந்து செயலிகளை நீக்கிய கூகுள்
Byமாலை மலர்20 Aug 2019 3:57 AM GMT (Updated: 20 Aug 2019 4:11 AM GMT)
கூகுள் நிறுவனம் தனது பிளே ஸ்டோரில் ஆட்வேர் கொண்டிருந்த செயலிகளை அதிரடியாக நீக்கியுள்ளது. இதுபற்றிய விவரங்களை பார்ப்போம்.
கூகுள் நிறுவனம் தனது பிளே ஸ்டோரில் இருந்து 85 செயலிகளை நீக்கியுள்ளதாக அறிவித்துள்ளது. டிரென்ட் மைக்ரோ எனும் பாதுகாப்பு ஆராய்ச்சியாளர்கள் குழு கண்டறிந்து தெரிவித்த தகவல்களை கொண்டு கூகுள் இந்த நடவடிக்கையை மேற்கொண்டு இருக்கிறது.
செயலிகளில் தீங்கு ஏற்படுத்தும் தன்மை கொண்ட ஆட்வேர்கள் மறைந்திருந்ததை டிரென்ட் மைக்ரோ குழு கண்டறிந்தது. இது கூகுள் பிளே ஸ்டோரில் பெரும் தாக்கத்தை ஏற்படுத்தும் வாய்ப்புகள் இருப்பதாக கூறப்படுகிறது. வழக்கமான ஆட்வேர்களை போன்று இல்லாமல் இவற்றில் தோன்றும் விளம்பரங்களை க்ளோஸ் செய்வது கடினமாகும்.
ஆட்வேர்களின் தன்மை கூகுள் பிளேவில் பெரும் தாக்கத்தை ஏற்படுத்தலாம் என கண்டறிந்திருக்கிறோம். டிரென்ட் மைக்ரோ புதிய ஆட்வேர்களை AndroidOS_Hidenad.HRXH என கணித்திருக்கிறது. இவை வழக்கமாக தோன்றும் விளம்பரங்களை போன்றில்லாமல் இவற்றில் பின்பற்றப்பட்டும் வழிமுறைகளால் இவற்றை க்ளோஸ் செய்வதே கடினமானதாகும். என டிரென்ட் மைக்ரோ தெரிவித்துள்ளது.
ஆட்வேர் நிறைந்ததாக கண்டறியப்பட்ட செயலிகளில் பெரும்பான்மையானவை புகைப்படம் மற்றும் கேமிங் சார்ந்து உருவாக்கப்பட்டிருக்கின்றன. இவற்றை சுமார் 80 லட்சத்திற்கும் அதிகமானோர் டவுன்லோடு செய்திருந்தனர். இதில் சூப்பர் செல்ஃபி, காஸ் கேமரா, ஒன் ஸ்டிரோக் லைன் பஸுல் உள்ளிட்டவை பிரபல செயலிகளாக அறியப்படுகின்றன.
இந்த செயலிகள் வெவ்வேறு டெவலப்பர் அக்கவுண்ட்களில் இருந்து பதிவேற்றம் செய்யப்பட்டிருக்கின்றன. இவற்றை பல்வேறு டிஜிட்டல் சான்றிதழ்கள் மூலம் கையெழுத்திடப்பட்டு இருக்கின்றன. எனினும், இவை ஒரே மாதிரியான அம்சங்கள் மற்றும் கோட்களை பயன்படுத்தியிருக்கின்றன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X