நீங்கள் தேடியது "விரும்பவில்லை"

சென்னை:

ஜெயலலிதா மரணம் குறித்து ஓய்வுபெற்ற ஐகோர்ட்டு நீதிபதி ஆறுமுகசாமி தலைமையிலான ஆணையம் விசாரணை நடத்தி வருகிறது. ஜெயலலிதாவை வெளிநாட்டு சிகிச்சைக்கு அழைத்து செல்லாதது குறித்தும், ஜெயலலிதாவுக்கு ஆஞ்சியோ சிகிச்சை அளிக்கப்படாதது குறித்தும் பல்வேறு முரண்பட்ட தகவல்களை டாக்டர்கள் மற்றும் அரசு அதிகாரிகள் வாக்குமூலமாக அளித்துள்ளனர்.

இந்தநிலையில் ஜெயலலிதாவுக்கு சிகிச்சை அளித்த லண்டன் டாக்டர் ரிச்சர்டு பீலே, ஜெயலலிதா சிகிச்சை தொடர்பாக பேசியபோது ரகசியமாக பதிவு செய்யப்பட்ட வீடியோ ஒன்று தற்போது சமூக வலைதளங்களில் வேகமாக பரவி வருகிறது. 2 நிமிடங்கள் ஓடக்கூடிய இந்த வீடியோவில் ஜெயலலிதாவிற்கு அறுவை சிகிச்சை செய்வது தொடர்பாக ஆலோசிக்கப்பட்டதாக ஒருவரிடம் ரிச்சர்டு பீலே கூறுகிறார்.



மேலும் அந்த வீடியோவில், ‘ஜெயலலிதாவுக்கு அறுவை சிகிச்சை செய்ய வேண்டும் என்று நாங்கள் கூறினோம். ஆனால், ஜெயலலிதா அறுவை சிகிச்சை வேண்டாம் என்று கூறினார். ஜெயலலிதா மேல்சிகிச்சைக்காக வெளிநாட்டிற்கு செல்ல விரும்பவில்லை.

ஜெயலலிதா உடல்நிலையில் முன்னேற்றம் இருந்ததால் 2016-ம் ஆண்டு நவம்பர் 2-ந்தேதிக்கு பிறகு என்னை அழைக்கவில்லை. அப்பல்லோ மருத்துவமனை நிர்வாகம் ஜெயலலிதாவிற்கு முடிந்த அளவு சிறப்பான சிகிச்சை அளித்தது என்றும் கூறுகிறார்.

ரிச்சர்டு பீலே பேசும் வீடியோவை தற்போது வெளியிட்டது யார்? என்று தெரியவில்லை. இந்த வீடியோ வெளியாகி இருப்பது பரபரப்பை ஏற்படுத்தி உள்ளது. #Jayalalithaa #LondonDoctor #RichardBeale #ApolloHospital 

வாஷிங்டன்:

சவுதி அரேபியாவை சேர்ந்த பத்திரிகையாளர் ஜமால் கசோக்கி கடந்த மாதம் 2-ந் தேதி துருக்கியில் உள்ள சவுதி துணை தூதரகத்தில் படுகொலை செய்யப்பட்டார். இவர் அமெரிக்காவின் ‘வாஷிங்டன் போஸ்ட்’ பத்திரிகையில் பணியாற்றி வந்ததால், இந்த விவகாரத்தை அமெரிக்கா கடுமையாக எடுத்துக்கொண்டு விசாரித்து வருகிறது.

கசோக்கி கொலை சம்பவம் அடங்கிய ஆடியோ டேப்பை துருக்கி அரசு கைப்பற்றியது. இதை பிரான்ஸ், இங்கிலாந்து, அமெரிக்கா போன்ற நாடுகளுக்கு அளித்து இருப்பதாக துருக்கி அதிபர் எர்டோகன் கடந்த சில நாட்களுக்கு முன்பு கூறியிருந்தார்.



இந்த டேப்பை கேட்டீர்களா? என அமெரிக்க ஜனாதிபதி டிரம்பிடம் நேற்று முன்தினம் செய்தி நிறுவனம் ஒன்று கேள்வி எழுப்பியது. அதற்கு அவர் பதிலளிக்கையில், ‘அந்த டேப்பை நான் கேட்க விரும்பவில்லை. ஏனெனில் அது ஒரு துயரமான டேப். அது கொடூரமானது’ என்று கூறினார்.

மேலும் இந்த கொலையில் தனக்கு எந்த தொடர்பும் இல்லை என சவுதி இளவரசர் முகமது பின் சல்மான், தன்னிடம் கூறியதாக தெரிவித்த டிரம்ப், இதையே மேலும் பலரும் குறிப்பிடுவதாகவும் கூறினார்.  #KhashoggiMurder #DonaldTrump