நீங்கள் தேடியது "பிரன்ட்லைன் மிலேனியம் பள்ளி"

திருப்பூர் :

மண்டல அளவிலான டேக்வாண்டோ போட்டியில், பிரன்ட்லைன் மிலேனியம் பள்ளி மாணவர்கள் அசத்தினர்.

தமிழக மேற்கு மண்டல அளவிலான டேக்வாண்டோ போட்டி திருப்பூர் மாவட்ட உள்விளையாட்டு அரங்கில் நடந்தது. இப்போட்டியில், பிரன்ட்லைன் பள்ளி மாணவ ர்கள் பங்கேற்று தங்கம், வெண்கல பதக்கங்களை வென்றிருந்தனர். குழு பிரிவில், மாணவர் சந்திரேஷ் தங்கமும், ஒற்றையர் பிரிவில், ரிஸ்வான்ட் வெண்கலம் வென்றனர். போட்டியில் வெற்றி பெற்று, பள்ளிக்கு பெருமை சேர்த்த மாணவர்களை பள்ளியின் தாளாளர் சிவசாமி, செயலாளர் சிவகாமி, இயக்குநர் சக்திநந்தன், துணை செயலாளர் வைஷ்ணவி, பள்ளி முதல்வர் லாவண்யா ஆகியோர் பாராட்டினர்.

திருப்பூர் :

திருப்பூர் பிரன்ட்லைன் மிலேனியம் பள்ளியில், குழந்தைகளின் திறமைகளை வெளிக் கொணரும் வகையில், 'சிசுஉத்சவ்' நிகழ்ச்சி 8வது ஆண்டாக கொண்டாடப்பட்டது.

இதில், மாவட்டத்தை சேர்ந்த, 700க்கு மேற்பட்ட குழந்தைகள் பங்கேற்றனர். பாட்டு, நடனம், சமையல், கதை சொல்லுதல், கணிதத் திறமைகளை வெளிக் கொணரும் வகையிலான போட்டி, யோகா, வாசித்தல், அறிவை சோதித்தல், விளையாட்டு உள்ளிட்ட பல்வேறு போட்டிகள் நடத்தப்பட்டன.

விழாவின் ஒரு பகுதியாக, மழை நடனம், சாகசப் பூங்கா, மேஜிக், உருவப்படம் வரைதல் உள்ளிட்ட பொழுதுபோக்கு நிகழ்ச்சிகளும் நடந்தது.

போட்டிகளில் பங்கேற்று வெற்றி பெற்ற குழந்தைகளுக்கு பள்ளியின் தாளாளர் டாக்டர் சிவசாமி, செயலாளர் டாக்டர் சிவகாமி, பள்ளி இயக்குனர் சக்திநந்தன், துணை செயலாளர் வைஷ்ணவி சக்திநந்தன், பிரன்ட்லைன் குழு பள்ளிகளின் முதல்வர்கள் பதக்கம் மற்றும் கோப்பைகளை வழங்கினர்."