நீங்கள் தேடியது "Hero MotoCorp"

ஹீரோ மோட்டோகார்ப் நிறுவனம் இந்திய சந்தையில் தனது எண்ட்ரி லெவல் 100சிசி மாடல், HF டீலக்ஸ்-ஐ அப்டேட் செய்து இருக்கிறது. தற்போது இதன் விலை ரூ. 60 ஆயிரத்து 760 என்று துவங்குகிறது. புதிய ஹீரோ HF டீலக்ஸ் டாப் எண்ட் மாடல் விலை ரூ. 67 ஆயிரத்து 208 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

2023 ஹீரோ HF டீலக்ஸ் மாடலில் டியூப்லெஸ் டயர்கள் ஸ்டாண்டர்டு அம்சமாக வழங்கப்படுகிறது. இத்துடன் i3s (ஸ்டார்ட்/ஸ்டாப் தொழில்நுட்பம்) வழங்கப்படுகிறது. இத்துடன் யுஎஸ்பி சார்ஜிங் வசதியும் உள்ளது. இந்த பைக்குடன் ஐந்து ஆண்டுகள் வாரண்டி மற்றும் ஐந்து இலவச சர்வீஸ் வழங்கப்படுகிறது.

ஹீரோ HF டீலக்ஸ் மாடலில் ஏர் கூல்டு, 97சிசி, சிங்கில் சிலிண்டர் ஸ்லோபர் என்ஜின் வழங்கப்பட்டு இருக்கிறது. இந்த என்ஜின் 8 ஹெச்பி பவர், 8.05 நியூட்டன் மீட்டர் டார்க் இழுவிசையை வெளிப்படுத்துகிறது. இந்த என்ஜின் OBD 2 மற்றும் E20 ரக எரிபொருளில் இயங்கும் வகையில் உருவாக்கப்பட்டு இருக்கிறது.

இத்துடன் 4 ஸ்பீடு கியர்பாக்ஸ் வழங்கப்படுகிறது. இந்த என்ஜின் டபுல் கிராடில் ஃபிரேமில் வைக்கப்பட்டு உள்ளது. சஸ்பென்ஷனுக்கு டெலிஸ்கோபிக் முன்புற ஃபோர்க்குகள், பின்புறம் 2 ஸ்டெப் அ்ட்ஜஸ்ட் செய்க்கூடிய டுவின் ஷாக் அப்சார்பர் செட்டப் வழங்கப்படுகிறது. இந்த மாடலில் 9.6 லிட்டர் ஃபியூவல் டேன்க் உள்ளது.

இந்திய சந்தையில் புதிய ஹீரோ HF டீலக்ஸ் மாடல்- டிரம், கிக் ஸ்டார்ட் மற்றும் டிரம் செல்ஃப் ஸ்டார்ட் என மூன்று வேரியண்ட்களில் கிடைக்கிறது. இவற்றின் விலை முறையே ரூ. 60 ஆயிரத்து 760, ரூ. 67 ஆயிரத்து 208, ரூ. 64 ஆயிரத்து 900 என்று நிர்ணயம் செய்யப்பட்டு உள்ளது. இந்த விலைகள் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஹீரோ மோட்டோகார்ப் நிறுவனத்தின் 2023 எக்ஸ்பல்ஸ் 200 4V மோட்டார்சைக்கிள் இந்திய சந்தையில் அறிமுகம் செய்யப்பட்டு உள்ளது. இதன் விலை ரூ. 1 லட்சத்து 44 ஆயிரம் என்று துவங்குகிறது. எக்ஸ்பல்ஸ் சீரிசின் ரேலி எடிஷன் தற்போது ப்ரோ வேரியண்ட் என்று அழைக்கப்படுகிறது. இதன் விலை ரூ. 1 லட்சத்து 51 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய மாடலில் ரிடிசைன் செய்யப்பட்ட எல்இடி ஹெட்லைட், 60mm அளவில் உயரமான விண்ட்ஸ்கிரீன் வழங்கப்பட்டு இருக்கிறது. இத்துடன் ரிடிசைன் செய்யப்பட்ட பெரிய ஹேண்ட் கார்டுகள் வழங்கப்பட்டு உள்ளன. இந்த மாடலில் உள்ள 200சிசி ஆயில் கூல்டு என்ஜின் புதிய OBD-2 விதிகள் மற்றும் E20 ரக எரிபொருளில் இயங்கும் வகையில் உருவாக்கப்பட்டு இருக்கிறது.

2023 ஹீரோ எக்ஸ்பல்ஸ் 200 4V மாடலில்: ரோடு, ஆஃப் ரோடு மற்றும் ரேலி என மூன்று ரைடு மோட்கள், சிங்கில் சேனல் ஏபிஎஸ் வழங்கப்பட்டு இருக்கிறது. இந்த மாடலின் ரைடர் டிரையாங்கில் டுவீக் செய்யப்பட்டுள்ளது. இத்துடன் யுஎஸ்பி சார்ஜர் காக்பிட் அருகில் மாற்றப்பட்டுள்ளது. இதன் ப்ரோ வேரியண்டில் ரேலி கிட் ஸ்டாண்டர்டு ஃபிட்மெண்ட் ஆக வழங்கப்படுகிறது.

ஹீரோ மோட்டோகார்ப் நிறுவனம் தனது எக்ஸ்பல்ஸ் 200 4V மாடல் விரைவில் அப்டேட் செய்யப்பட இருப்பதை புதிய டீசர்களின் மூலம் உறுதிப்படுத்தி இருக்கிறது. அந்த வகையில் மேம்பட்ட புதிய மாடலில் ரிடிசைன் செய்யப்பட்ட எல்இடி ஹெட்லைட், பல்வேறு நிலைகளில் ஏபிஎஸ் போன்ற அம்சங்கள் வழங்கப்படும் என்று தெரியவந்துள்ளது.

எக்ஸ்பல்ஸ் 200 4V மாடலின் குறிப்பிடத்தக்க மாற்றமாக புதிய எல்இடி ஹெட்லைட் இருக்கும் என்று தெரிகிறது. இந்த யூனிட்டில் H வடிவம் கொண்ட ரிடிசைன் செய்யப்பட்ட டேடைம் ரன்னிங் லைட்கள் வழங்கப்படுகின்றன. இத்துடன் டூயல் சேனல் ஏபிஎஸ் வழங்கப்படும் என்று தெரிகிறது. இத்துடன் மூன்று நிலைகளில் அட்ஜஸ்ட் செய்யக்கூடிய ஏபிஎஸ் சென்சிடிவிட்டி - ரோடு, ஆஃப்-ரோடு மற்றும் ரேலி வழங்கப்படுகிறது.

இதன் ரோடு வெர்ஷன் வழக்கமான டூயல் சேனல் ஏபிஎஸ் செட்டப் கொண்டிருக்கும் என்று தெரிகிறது. இரண்டு முக்கிய மாற்றங்கள் தவிர, இந்த மாடலின் தோற்றம் அதன் தற்போதைய வெர்ஷனை போன்றே காட்சியளிக்கும் என்று எதிர்பார்க்கப்படுகிறது.

ஹீரோ எக்ஸ்பல்ஸ் 200 4V மாடலில் 199.6சிசி ஏர்/ஆயில் கூல்டு என்ஜின் வழங்கப்பட்டு இருக்கிறது. இந்த என்ஜின் 19.1 ஹெச்பி பவர், 17.35 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாற்றங்களின் மூலம் ஹீரோ எக்ஸ்பல்ஸ் 200 4V மாடலின் விலை தற்போதைய வெர்ஷனை விட அதிகமாக நிர்ணயம் செய்யப்படும் என்றே தெரிகிறது.

ஹீரோ மோட்டோகார்ப் நிறுவனம் தனது விடா V1 எலெக்ட்ரிக் ஸ்கூட்டர் விலையை அதிரடியாக குறைத்து இருக்கிறது. முன்னதாக ரூ. 1 லட்சத்து 45 ஆயிரத்துக்கு விற்பனை செய்யப்பட்டு வந்த விடா V1 எலெக்ட்ரிக் ஸ்கூட்டர் தற்போது ரூ. 1 லட்சத்து 19 ஆயிரத்து 900 என்று குறைக்கப்பட்டு இருக்கிறது.

விடா V1 பிளஸ் ரூ. 1 லட்சத்து 19 ஆயிரத்து 900 என்றும் ப்ரோ வெர்ஷன் விலை ரூ. 1 லட்சத்து 39 ஆயிரம் என்றும் மாறி இருக்கிறது. முன்னதாக விடா V1 ப்ரோ மாடல் ரூ. 1 லட்சத்து 59 ஆயிரம் விலையில் விற்பனை செய்யப்பட்டு வந்தது. நாடு முழுக்க விடா V1 சீரிஸ் விலை ஒவ்வொரு பகுதிக்கு ஏற்ப வேறுபடும் என்று தெரிவிக்கப்பட்டு உள்ளது.

அதன்படி குஜராத் மாநிலத்தில் விடா V1 பிளஸ் மற்றும் V1 ப்ரோ வேரியண்ட்களின் விலை முறையே ரூ. 99 ஆயிரத்து 900 மற்றும் ரூ. 1 லட்சத்து 19 ஆயிரத்து 900 என்று நிர்ணயம் செய்யப்பட்டுள்ளன. இதில் மாநிலம் சார்பில் வழங்கப்படும் மாணியங்களும் அடங்கும்.

விலைகுறைப்பு மட்டுமின்றி ஹீரோ மோட்டோகார்ப் நிறுவனம் நாடு முழுக்க பல்வேறு பகுதிகளில் எலெக்ட்ரிக் வாகனங்கள் விற்பனையை அதிகப்படுத்த இருப்பதாக அறிவித்து இருக்கிறது. அதன்படி நாடு முழுக்க 100 நகரங்களில் விடா V1 ஸ்கூட்டர்கள் விற்பனைக்கு கிடைக்கும்.

ஏற்கனவே அறிவிக்கப்பட்டதை போன்று ஹீரோ மோட்டோகார்ப் நிறுவனம் பெங்களூரு, ஜெய்பூர் மற்றும் டெல்லியை தொடர்ந்து அதிக நகரங்களில் விடா V1 ஸ்கூட்டர்களை விற்பனை செய்து வருகிறது. அதன்படி பூனே, ஆமதாபாத், நாக்பூர், நாசிக், ஐதராபாத், சென்னை, கோழிக்கோடு மற்றும் கொச்சி போன்ற நகரங்களில் விடா V1 சீரிஸ் விற்பனை நடைபெற்று வருகிறது.

ஹீரோ மோட்டோகார்ப் நிறுவனம் முற்றிலும் புதிய பேஷன் எக்ஸ்ப்ரோ மோட்டார்சைக்கிளை அறிமுகம் செய்ய இருக்கிறது. புதிய மோட்டார்சைக்கிளின் விளம்பர படப்பிடிப்பு துவங்கி நடைபெற்று வருகிறது. இதனை உறுதிப்படுத்தும் புகைப்படங்கள் இணையத்தில் வெளியாகியுள்ளன.

புகைப்படங்களின் படி புதிய பேஷன் எக்ஸ்ப்ரோ மாடலில் அழகு சார்ந்த மாற்றங்கள் மேற்கொள்ளப்பட்டு இருப்பது தெரியவந்துள்ளது. இந்த பைக்கின் முன்புறம் முற்றிலும் புதிய ஹெட்லேம்ப் வழங்கப்பட்டு இருக்கிறது. இது ஸ்ப்லிட் டிசைன் கொண்டிருக்கிறது. இதன் மேல்புறத்தில் ஹை பீம், கீழ்புறம் லோ பீம் உள்ளது. இத்துடன் H வடிவம் கொண்ட டிஆர்எல் வழங்கப்பட்டு இருக்கிறது.

இதில் உள்ள விண்ட்ஸ்கிரீன் முழுமையாக பிளாக்டு அவுட் செய்யப்பட்டுள்ளது. இதில் உள்ள எரிபொருள் டேன்க் கவர் ரிடிசைன் செய்யப்பட்டு, ஸ்போர்ட்ஸ் சார்ந்த ஸ்டைலிங் கொண்டிருக்கிறது. இத்துடன் புதிய மேட் ஃபினிஷ் பெயிண்ட் மோட்டார்சைக்கிள் தோற்றத்தை அடுத்தக்கட்டத்திற்கு கொண்டு செல்கிறது.

செயல்திறனை பொருத்தவரை இந்த மாடலிலும் 110சிசி சிங்கில் சிலிண்டர், ஏர் கூல்டு என்ஜின் வழங்கப்படும் என்றே தெரிகிறது. இந்த யூனிட் 8 ஹெச்பி பவர், 9 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 4-ஸ்பீடு கியர்பாக்ஸ் வழங்கப்படுகிறது. புதிய ஹீரோ பேஷன் எக்ஸ்ப்ரோ மாடலின் விற்பனை ஏற்கனவே வங்கதேசத்தில் நடைபெற்று வருகிறது.

இந்தியாவில் அமலுக்கு வந்துள்ள புதிய OBD 2 விதிகளுக்கு ஏற்ப அப்டேட் செய்வதால், இதன் இந்திய வெளியீடு தாமதமாகி இருக்கிறது. அனைத்து புதிய மோட்டார்சைக்கிள்களும் இந்த விதிகளுக்கு ஏற்ப உருவாக்கப்பட்டு இருக்க வேண்டும் என்பதால், ஹீரோ நிறுவனம் புதிய பேஷன் எக்ஸ்ப்ரோ மாடலை இந்தியாவில் அறிமுகப்படுத்த முடிவு செய்திருக்கிறது.

ஹீரோ மோட்டோகார்ப் நிறுவனத்தின் விடா V1 எலெக்ட்ரிக் ஸ்கூட்டர் ப்ளிப்கார்ட் தளத்தில் விற்பனைக்கு கிடைக்கிறது. விரைவில் விடா V1 இ ஸ்கூட்டர் முதல் மற்றும் இரண்டாம் தர நகரங்களில் விற்பனைக்கு வர இருக்கிறது. சென்னை அஞ்சல் குறியீட்டிற்கு விடா V1 மாடலை ப்ளிப்கார்ட் தளத்தில் தேடும் போது தற்போதைக்கு வினியோகம் செய்யப்படாது என்றே குறிப்பிடப்பட்டு இருக்கிறது.

இந்திய சந்தையில் விடா V1 எலெக்ட்ரிக் ஸ்கூட்டர் பிளஸ் மற்றும் ப்ரோ என்று இரண்டு வேரியண்ட்களில் கிடைக்கிறது. இவற்றில் முறையே 3.44 கிலோவாட் ஹவர் மற்றும் 3.94 கிலோவாட் ஹவர் என இருவித பேட்டரிகள் வழங்கப்பட்டுள்ளன. இவை முறையே 143 கிலோமீட்டர் மற்றும் 165 கிலோமீட்டர் வரையிலான ரேன்ஜ் வழங்குகின்றன.

புதிய விடா V1 எலெக்ட்ரிக் ஸ்கூட்டர்களில் கழற்றக்கூடிய பேட்டரிகள் வழங்கப்பட்டுள்ளன. இந்த ஸ்கூட்டரின் இரண்டு வேரியண்ட்களில் ப்ரோ வேரியண்ட் விலை அதிகமாக நிர்ணயம் செய்யப்பட்டு இருப்பதோடு, நீண்ட ரேஞ்ச், சிறப்பான அக்செல்லரேஷன் மற்றும் அதிக நிற ஆப்ஷன்களிலும் கிடைக்கிறது.

விடா V1 பிளஸ் மாடல் மணிக்கு 40 கிலோமீட்டர் வேகத்தை 3.4 நொடிகளிலும், ப்ரோ மாடல் மணிக்கு 40 கிலோமீட்டர் வேகத்தை 3.2 நொடிகளிலும் எட்டிவிடுகிறது. ஹீரோ நிறுவனத்தின் விடா V1 எலெக்ட்ரிக் ஸ்கூட்டர் ஒலா S1 ப்ரோ, ஏத்தர் 450X, பஜாஜ் செட்டக் மற்றும் டிவிஎஸ் ஐகியூப் போன்ற மாடல்களுக்கு போட்டியாக அமைகிறது.

இது மட்டுமின்றி விடா V1 ஸ்கூட்டருக்கு போட்டியாக உள்ள எந்த எலெக்ட்ரிக் ஸ்கூட்டரிலும் கழற்றக்கூடிய பேட்டரி வசதியோ, இவற்றின் விற்பனை ஆன்லைன் விற்பனை தளங்களிலோ நடைபெறுவதில்லை என்பது குறிப்பிடத்தக்கது.

ஹீரோ மோட்டோகார்ப் நிறுவனம் தனது விடா V1 எலெக்ட்ரிக் ஸ்கூட்டரை முதற்கட்டமாக பெங்களூரு, ஜெய்பூர் மற்றும் டெல்லி என மூன்று நகரங்களில் மட்டும் விற்பனை செய்து வந்தது. மூன்று நகரங்களை தொடர்ந்து ஹீரோ விடா V1 சென்னையில் விற்பனைக்கு வர இருக்கிறது. சென்னையில் விடா V1 எலெக்ட்ரிக் ஸ்கூட்டர் மாடலுக்கான முன்பதிவு துவங்கி நடைபெற்று வருகிறது.

இந்த ஸ்கூட்டருக்கான முன்பதிவு கட்டணம் ரூ. 499 என நிர்ணயம் செய்யப்பட்டு உள்ளது. முன்பதிவு தவிர, இந்த ஸ்கூட்டரின் விலை மற்றும் வினியோக விவரங்கள் பற்றி ஹீரோ நிறுவனம் இதுவரை எந்த தகவலும் வழங்கப்படவில்லை. பெங்களூருவில் விடா V1 எலெக்ட்ரிக் ஸ்கூட்டர் விலோ ரூ. 1 லட்சத்து 45 ஆயிரம், எக்ஸ்-ஷோரூம் என துவங்குகிறது. விடா V1 எலெக்ட்ரிக் ஸ்கூட்டர் பிளஸ் மற்றும் ப்ரோ என இரண்டு வேரியண்ட்களில் கிடைக்கிறது.

இவற்றில் ப்ரோ வேரியண்ட் விலை அதிகமாக நிர்ணயம் செய்யப்பட்டு இருப்பதோடு, நீண்ட ரேஞ்ச், சிறப்பான அக்செல்லரேஷன் மற்றும் அதிக நிற ஆப்ஷன்களிலும் கிடைக்கிறது. விடா V1 பிளஸ் மாடல் மணிக்கு 40 கிலோமீட்டர் வேகத்தை 3.4 நொடிகளிலும், ப்ரோ மாடல் மணிக்கு 40 கிலோமீட்டர் வேகத்தை 3.2 நொடிகளிலும் எட்டிவிடும். இதோடு ப்ரோ மாடலில் 3.94 கிலோவாட் ஹவர் பேட்டரியும், பிளஸ் வேரியண்டில் 3.44 கிலோவாட் ஹவர் பேட்டரியும் வழங்கப்படுகிறது.

ஹீரோ விடா V1 எலெக்ட்ரிக் ஸ்கூட்டர்களின் இரு வேரியண்ட்களும் மணிக்கு அதிகபட்சம் 80 கிலோமீட்டர் வேகத்தில் செல்லும் திறன் கொண்டுள்ளது. மேலும் இந்த ஸ்கூட்டர்களில்: இகோ, ரைட், ஸ்போர்ட் மற்றும் பயனர் கஸ்டமைஸ் செய்து கொள்ளும் வகை என மொத்தம் நான்கு ரைட் மோட்கள் உள்ளன.

ஹீரோ மோட்டோகார்ப் நிறுவனம் புதிய கரிஸ்மா மாடலின் மூலம் பாரம்பரியம் மிக்க மோட்டார்சைக்கிள் பிராண்டு அவதாரத்தை மீண்டும் எடுக்க இருப்பதாக தகவல் வெளியாகி உள்ளது. ஹீரோ நிறுவனம் முற்றிலும் புதிய அடுத்த தலைமுறை கரிஸ்மா மாடலை உருவாக்கும் பணிகளில் ஈடுபட்டு வருகிறது. இந்த மாடல் முற்றிலும் புதிய எஞ்சின் மற்றும் சேசிஸ் கொண்டிருக்கும் என தெரிகிறது.

பிரீமியம் பிரிவில் களமிறங்கி போட்டியை ஏற்படுத்த செய்யும் முற்றிலும் புதிய பிளாட்ஃபார்மை ஹீரோ நிறுவனம் தயார் நிலையில் வைத்திருப்பதாக கூறப்படுகிறது. பழைய கரிஸ்மா மாடலில் 223சிசி, ஏர் கூல்டு ஃபியூவல் இன்ஜெக்ட் செய்யப்பட்ட எஞ்சின் வழங்கப்பட்டு இருந்தது. இந்த எஞ்சின் 20 ஹெச்பி பவர் வெளிப்படுத்தும் திறன் கொண்டிருந்தது.

புதிய ஹீரோ கரிஸ்மா மாடலில் 210சிசி, லிக்விட் கூல்டு எஞ்சின் வழங்கப்பட இருக்கிறது. இந்த எஞ்சின் 25 ஹெச்பி பவர், 30 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மோட்டார்சைக்கிள் பற்றிய இதர விவரங்கள் மர்மமாகவே உள்ளது.

புதிய தலைமுறை கரிஸ்மா மாடல் அதன் முந்தைய வெர்ஷனை போன்ற ஸ்டைலிங் கொண்டிருக்கும் என தெரிகிறது. கரிஸ்மா பிராண்டு ஹீரோ நிறுவனத்தின் பாரம்பரியம் மிக்க ஒன்றாகவும், அதிக பிரீமியம் மாடலாகவும் இருந்து வந்தது. ஹீரோ நிறுவனத்திற்கு அதிகளவு புகழை ஈட்டிக்கொடுத்த மாடலாக கரிஸ்மா விளங்கியது.

எனினும், 2014 வாக்கில் அறிமுகமான ஃபேஸ்லிஃப்ட் செய்யப்பட்ட மாடல் எதிர்பார்த்த வரவேற்பை பெறவில்லை. இதைத் தொடர்ந்து மெல்ல இந்த மாடலின் விற்பனை குறையத் தொடங்கியது. காலப்போக்கில் இதன் விற்பனையும் நிறுத்தப்பட்டு விட்டது. புதிய மோட்டார்சைக்கிள் ஹீரோ மோட்டோகார்ப் நிறுவனத்திற்கு முக்கியத்துவம் வாய்ந்த ஒன்றாக பார்க்கப்படுகிறது.

புதிய கரிஸ்மா மாடலின் மூலம் ஹீரோ மோட்டோகார்ப் நிறுவனம் பிரீமியம் பிரிவில் அதிக பங்குகளை கைப்பற்ற இலக்கு நிர்ணயம் செய்துள்ளது. தற்போது ஹீரோ நிறுவனம் எக்ஸ்பல்ஸ் மாடல் மட்டுமே விற்பனையில் நல்ல வரவேற்பை பெற்று வருகிறது. எக்ஸ்பல்ஸ் 200S மாடல் எதிர்பார்த்த வரவேற்பை பெறவில்லை.

இந்திய சந்தையில் புதிய கரிஸ்மா மாடல் முற்றிலும் புதிய பல்சர் 250s, ஜிக்சர் 250s மற்றும் டாமினர் 250 போன்ற மாடல்களுக்கு போட்டியாக அமைகிறது.

இந்திய இருசக்கர வாகனங்கள் உற்பத்தியாளரான ஹீரோ மோட்டோகார்ப் மற்றும் கலிஃபோர்னியாவை சேர்ந்த ஜீரோ மோட்டார்சைக்கிள்ஸ் நிறுவனங்கள் இணைந்து பிரீமியம் எலெக்ட்ரிக் மோட்டார்சைக்கிள் மாடல்களை உருவாக்க திட்டமிட்டுள்ளன.

இரு நிறுவனங்கள் கூட்டணியில் ஜீரோ நிறுவனம் பவர்டிரெயின்களை உருவாக்குகிறது. உற்பத்தி, உதிரிபாகங்கள் மற்றும் விளம்பர பணிகளை ஹீரோ மோட்டோகார்ப் மேற்கொள்ள இருக்கிறது. முன்னதாக கடந்த ஆண்டு செப்டம்பர் மாத வாக்கில் ஹீரோ மோட்டோகார்ப் நிறுவனத்தின் நிர்வாக குழு ஜீரோ மோட்டார்சைக்கிள்ஸ் நிறுவனத்தில் 60 மில்லியன் டாலர்கள், இந்திய மதிப்பில் ரூ. 491 கோடியை முதலீடு செய்ய அனுமதி அளித்தது.

எனினும், இரு நிறுவனங்கள் கூட்டணியில் உருவாகும் வாகனங்கள் எப்போது வெளியிடப்படும் என்பது குறித்து இதுவரை எந்த தகவலும் வழங்கப்படவில்லை. சர்வதேச வலைத்தளத்தில் ஜீரோ மோட்டார்சைக்கிள்ஸ் நிறுவனம் ஏற்கனவே பல்வேறு மாடல்களை பட்டியலிட்டுள்ளது. இவற்றில் ரோட்ஸ்டர், ஸ்போர்ட்ஸ் டூரர் மற்றும் அட்வென்ச்சர் பிரிவு எலெக்ட்ரிக் மோட்டார்சைக்கிள்கள் இடம்பெற்றுள்ளன.

இதுதவிர ஹீரோ மோட்டோகார்ப் நிறுவனம் சமீபத்தில் அறிமுகம் செய்த விடா V1 எலெக்ட்ரிக் ஸ்கூட்டர் மாடலை வினியோகம் செய்யும் பணிகளை துவங்கிவிட்டது. இதுதவிர பொது சார்ஜிங் உள்கட்டமைப்புகளையும் செயல்பாட்டுக்கு கொண்டுவந்துள்ளது. முதற்கட்டமாக இந்நிறுவனத்தின் சார்ஜிங் சேவைகள் பெங்களூரு, டெல்லி மற்றும் ஜெய்பூர் ஆகிய நகரங்களில் செயல்படுகிறது.

தற்போது பெங்களூரு, டெல்லி மற்றும் ஜெய்பூர் நகரங்களில் ஹீரோ மோட்டோகார்ப் நிறுவனம் கிட்டத்தட்ட 300 சார்ஜிங் பாயிண்ட்களை பொதுமக்கள் பயன்பாட்டுக்காக நிறுவப்பட்டு இருக்கிறது. 

ஹீரோ மோட்டோகார்ப் நிறுவனம் சமீபத்தில் அறிமுகம் செய்த 110சிசி ஸ்கூட்டர் Xoom முன்பதிவை துவங்கி இருக்கிறது. கடந்த மாதம் இந்தியாவில் அறிமுகம் செய்யப்பட்ட ஹீரோ Xoom வினியோகம் விரைவில் துவங்கும் என எதிர்பார்க்கலாம். புதிய ஹீரோ Xoom மாடல்- LX, VX மற்றும் ZX என மூன்று விதமான வேரியண்ட்களில் கிடைக்கிறது. இதன் பேஸ் வேரியண்ட் LX விலை ரூ. 68 ஆயிரத்து 499 என நிர்ணயம் செய்யப்பட்டு உள்ளது.

விலை விவரங்கள்:

ஹீரோ Xoom LX ரூ. 68 ஆயிரத்து 999 என்றும் Xoom VX ரூ. 71 ஆயிரத்து 799 என்றும் ஹீரோ Xoom ZX ரூ. 76 ஆயிரத்து 699 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. இந்திய சந்தையில் ஹீரோ Xoom 110 மாடல் ஹோண்டா டியோ மற்றும் டிவிஎஸ் ஜூப்பிட்டர் SmartXonnect வேரியண்டிற்கு போட்டியாக அமைகிறது.

முற்றிலும் புது டிசைன் கொண்டிருக்கும் ஹீரோ Xoom 110 மாடலில் முன்புறம் எல்இடி ப்ரோஜெக்டர் ஹெட்லைட், H வடிவம் கொண்ட எல்இடி டிஆர்எல், H வடிவ எல்இடி டெயில் லைட் உள்ளிட்டவை இடம்பெற்று இருக்கிறது. இவைதவிர புது ஹீரோ Xoom 110 ஸ்கூட்டர் ஐந்து விதமான நிறங்களில் விற்பனைக்கு கிடைக்கிறது.

இந்த ஸ்கூட்டரில் டெலிஸ்கோபிக் ஃபோர்க்குகள், ஒற்றை ரியர் ஷாக், 12 இன்ச் அலாய் வீல்கள் வழங்கப்பட்டுள்ளன. இதில் உள்ள அலாய் வீல் டிசைன் விடா V1 மாடலில் உள்ளதை போன்றே காட்சியளிக்கிறது. இதன் LX வேரியண்ட் டிரம் பிரேக்குகளையும், VX மற்றும் ZX வேரியண்ட்களில் முன்புறம் டிஸ்க் பிரேக், பின்புறம் பைபிர் கேலிப்பர் வழங்கப்பட்டு இருக்கிறது.

புதிய ஹீரோ Xoom 110 மாடலிலும் 110.9சிசி என்ஜின் வழங்கப்பட்டு இருக்கிறது. இந்த என்ஜின் 8.15 பிஎஸ் பவர், 8.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஹீரோ i3S தொழில்நுட்பம், ஸ்டார்ட்-ஸ்டாப் சிஸ்டம் உள்ளது.

ஹீரோ மோட்டோகார்ப் நிறுவனம் இந்திய சந்தையில் அதிகம் எதிர்பார்க்கப்பட்ட Xoom 110 ஸ்கூட்டரை அறிமுகம் செய்தது. இது ஏற்கனவே இந்தியாவில் விற்பனை செய்யப்பட்டு வரும் ஹீரோ மேஸ்ட்ரோ எட்ஜ் 110 மாடலின் ஸ்போர்ட் வேரியண்ட் ஆகும். இந்திய சந்தையில் ஹீரோ Xoom 110 மாடல் LX, VX மற்றும் ZX என மூன்று வேரியண்ட்களில் கிடைக்கிறது.

ஹீரோ Xoom 110 விலை விவரங்கள்:

ஹீரோ Xoom LX ரூ. 68 ஆயிரத்து 999

ஹீரோ Xoom VX ரூ. 71 ஆயிரத்து 799

ஹீரோ Xoom ZX ரூ. 76 ஆயிரத்து 699

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்திய சந்தையில் ஹீரோ Xoom 110 மாடல் ஹோண்டா டியோ மற்றும் டிவிஎஸ் ஜூப்பிட்டர் SmartXonnect வேரியண்டிற்கு போட்டியாக அமைகிறது. இவற்றின் விலை முறையே ரூ. 68 ஆயிரத்து 625 மற்றும் ரூ. 69 ஆயிரத்து 990 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

முற்றிலும் புது டிசைன் கொண்டிருக்கும் ஹீரோ Xoom 110 மாடலில் முன்புறம் எல்இடி ப்ரோஜெக்டர் ஹெட்லைட், H வடிவம் கொண்ட எல்இடி டிஆர்எல், H வடிவ எல்இடி டெயில் லைட் உள்ளிட்டவை இடம்பெற்று இருக்கிறது. இவைதவிர புது ஹீரோ Xoom 110 ஸ்கூட்டர் ஐந்து விதமான நிறங்களில் விற்பனைக்கு கிடைக்கிறது.

இந்த ஸ்கூட்டரில் டெலிஸ்கோபிக் ஃபோர்க்குகள், ஒற்றை ரியர் ஷாக், 12 இன்ச் அலாய் வீல்கள் வழங்கப்பட்டுள்ளன. இதில் உள்ள அலாய் வீல் டிசைன் விடா V1 மாடலில் உள்ளதை போன்றே காட்சியளிக்கிறது. இதன் LX வேரியண்ட் டிரம் பிரேக்குகளையும், VX மற்றும் ZX வேரியண்ட்களில் முன்புறம் டிஸ்க் பிரேக், பின்புறம் பைபிர் கேலிப்பர் வழங்கப்பட்டு இருக்கிறது.

பாதுகாப்பிற்கு இந்த ஸ்கூட்டரில் இண்டகிரேட் செய்யப்பட்ட பிரேக்கிங் சிஸ்டம், ஹீரோ லிங்கோ கம்பைன்டு பிரேக்கிங் சிஸ்டம் வழங்கப்பட்டு இருக்கிறது. இந்த ஸ்கூட்டரில் கார்னர் பெண்ட் லேம்ப்கள், டிஜிட்டல் கன்சோல், ஸ்மார்ட்போன் கனெக்டிவிட்டி, ரியல்-டைம் மைலேஜ் இண்டிகேட்டர், போன் பேட்டரி ஸ்டேட்டஸ், கால்/எஸ்எம்எஸ் அலெர்ட்கள் வழங்கப்பட்டுள்ளன.

ஹீரோ Xoom 110 அண்டர்சீட் ஸ்டோரேஜில் எல்இடி லைட், ஓபன் குளோவ் பாக்ஸ், யுஎஸ்பி சார்ஜிங் போர்ட் உள்ளிட்டவை வழங்கப்பட்டு இருக்கிறது. இந்த ஸ்கூட்டரில் வெளிப்புற ஃபியூவல் ஃபில்லர் கேப் வழங்கப்படவில்லை. மேஸ்ட்ரோ எட்ஜ் மாடலில் உள்ளதை போன்றே இந்த மாடலிலும் 110.9சிசி என்ஜின் வழங்கப்பட்டு இருக்கிறது.

இந்த என்ஜின் 8.15 பிஎஸ் பவர், 8.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஹீரோ i3S தொழில்நுட்பம், ஸ்டார்ட்-ஸ்டாப் சிஸ்டம் உள்ளது. 

ஹீரோ மோட்டோகார்ப் நிறுவனத்தின் எலெக்ட்ரிக் இருசக்கர வாகனங்கள் பிராண்டு விடா இந்தியாவில் தனது முதல் எலெக்ட்ரிக் ஸ்கூட்டர் வினியோகத்தை துவங்கி இருக்கிறது. விடா V1 எலெக்ட்ரிக் ஸ்கூட்டரின் முதல் யூனிட் பெங்களூரு நகரில் வினியோகம் செய்யப்பட்டு இருக்கிறது. பெங்களூரு நகரில் உள்ள விட்டல் மல்லையா சாலையில் உள்ள விடா எக்ஸ்பீரியன்ஸ் செண்டரில் வைத்து எலெக்ட்ரிக் ஸ்கூட்டர்கள் வினியோகம் செய்யப்பட்டன.

முதற்கட்டமாக பெங்களூரு நகரில் வினியோகம் துவங்கி இருக்கும் நிலையில், டெல்லி மற்றும் ஜெய்பூர் நகரங்களில் விடா V1 வினியோகம் விரைவில் துவங்க இருக்கிறது. இந்திய சந்தையில் விடா V1 எலெக்ட்ரிக் ஸ்கூட்டர் விடா V1 பிளஸ் மற்றும் V1 ப்ரோ என இரண்டு வேரியண்ட்களில் கிடைக்கிறது. இவை நிறம், பேட்டரி திறன் மற்றும் பிக்கப் வேகம் உள்ளிட்ட பிரிவுகளில் வித்தியாசப்படுத்தப்பட்டு உள்ளன.

விடா V1 பிளஸ் மாடல் மணிக்கு 0 முதல் 40 கிலோமீட்டர் வேகத்தை 3.4 நொடிகளிலும், விடா V1 ப்ரோ வேரியண்ட் மணிக்கு 0 முதல் 40 கிலோமீட்டர் வேகத்தை 3.2 நொடிகளில் எட்டிவிடும். இதன் ப்ரோ வேரியண்ட் 3.94 கிலோவாட் ஹவர் பேட்டரியும், பிளஸ் வேரியண்டில் 3.44 கிலோவாட் ஹவர் பேட்டரி வழங்கப்பட்டு இருக்கிறது. இரு வேரியண்ட்களும் மணிக்கு அதிகபட்சம் 80 கிலோமீட்டர் வேகத்தில் செல்லும் திறன் கொண்டுள்ளன.

இத்துடன் இகோ, ரைடு, ஸ்போர்ட் மற்றும் யூசர் கஸ்டமைசபில் என நான்கு வித ரைடிங் மோட்களை கொண்டிருக்கின்றன. விடா V1 பிளஸ் - மேட் வைட், மேட் ஸ்போர்ட்ஸ் ரெட் மற்றும் கிளாஸ் பிளாக் என மூன்று நிறங்களில் கிடைக்கிறது. ப்ரோ வேரியண்ட் - மேட் வைட், மேட் ஸ்போர்ட்ஸ் ரெட், கிளாஸ் பிளாக் மற்றும் மேட் அப்ரக்ஸ் என நான்கு வித நிறங்களில் கிடைக்கிறது.