என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Ferrari"
- ஃபெர்ராரி 488 ஜிடிபி (Ferrari 488 GTB ) எனும் விலையுயர்ந்த சொகுசு கார் பரிசு
- இத்தனை குழந்தைகளை பெற்று கொடுத்ததற்கு நன்றி
மலேசியாவில் தனது அன்பு மனைவிக்கு ஒரு தொழிலதிபர் பொது இடத்தில் வழங்கியிருக்கும் பரிசு குறித்த வீடியோ ஒன்று சமூக வலைதளங்களில் பேசுபொருளாகியிருக்கிறது.
அந்த வீடியோவில் காணப்படுவது:-
அந்த தொழிலதிபர் மலேசியா நாட்டின் பெடாலிங் ஜெயா பகுதியில் 128 ஸன்வே சாலையில், ஸன்வே பல்கலைகழகம் அருகில் காஃபி ஷாப் நடத்தி வருகிறார். அவர் தனது மனைவியை ஒரு சிகப்பு நிற துணியால் மூடப்பட்ட ஒரு காரை நோக்கி அழைத்து செல்கிறார்.
அந்த கார் முழுவதும் சிகப்பு மற்றும் வெள்ளை நிற பலூன்களால் அலங்கரிக்கப்பட்டிருக்கிறது. அந்த காரின் பிராண்ட் அந்த துணியில் தெரிகிறது. இருவரும் அந்த காரை நெருங்கும்போது அந்த தொழிலதிபர், காரிலிருந்து அந்த துணியை மெதுவாக விலக்குகிறார்.
அதில் ஃபெர்ராரி 488 ஜிடிபி (Ferrari 488 GTB ) எனும் விலையுயர்ந்த சொகுசு கார் தெரிகிறது. அதன்விலை சுமார் ரூ. 3.68 கோடிகளாகும் (Singapore Dollar 351,800).
இக்காட்சிகளை பலர் தங்கள் ஸ்மார்ட்போன்களில் படம் பிடித்தனர். இந்த காட்சிகளுக்கு ஆதரவாகவும், விமர்சித்தும் பல கருத்துக்கள் வலைதளங்களில் பதிவிடப்படுகிறது.
"எனக்காக இத்தனை குழந்தைகளை பெற்று கொடுத்ததற்கு நன்றி. உனக்கு மிகவும் கடினமாக இருந்திருக்கும்" என அவர் மென்மையாக மனைவியிடம் தெரிவித்ததாக ஒரு சமூக வலைதள பயனாளி தெரிவித்தார்.
சாதாரண நிலையிலிருந்து மிகப்பெரும் தொழிலதிபரான அவர்கள் இருவரின் ஒற்றுமையை நெட்டிசன்கள் வியந்து பாராட்டி கருத்து தெரிவிக்கின்ற அதே வேளையில், அவரது பகட்டான செயலை விமர்சித்தும் பலர் கருத்து தெரிவிக்கின்றனர்.
இந்த சம்பவத்தால் அந்த கடை இருக்கும் முழு தெருவும் போக்குவரத்து தடையால் ஸ்தம்பித்தது என்பது குறிப்பிடத்தக்கது.
- ஃபெராரி ஸ்பைடர் மாடலில் ஹார்டு டாப் வழங்கப்பட்டு இருக்கிறது.
- இதில் உள்ள மூன்று எலெக்ட்ரிக் மோட்டார்கள் இணைந்து 233 ஹெச்பி பவர் வெளிப்படுத்துகின்றன.
ஃபெராரி நிறுவனம் SF90 ஹைப்ரிட், SF90 XX ஸ்டிராடேல் மற்றும் ஸ்பைடர் மாடல்களின் ப்ரோடக்ஷன் மாடலை அறிமுகம் செய்தது. இந்த கார்கள் முறையே 799 மற்றும் 599 யூனிட்கள் தான் உற்பத்தி செய்யப்பட உள்ளன. 2005-ம் ஆண்டு அறிமுகம் செய்ப்பட்ட XX மாடல்களில் புதிய வேரியண்ட் இது ஆகும்.
முந்தைய மாடல்களை போன்று இல்லாமல், புதிய மாடல்கள் சாலையில் பயன்படுத்துவதற்கான உரிமம் பெற்று இருக்கின்றன. இதுதவிர முற்றிலும் புதிய XX சீரிஸ் மாடல்களில் ஏரோடைனமிக் அப்கிரேடுகள் செய்யப்பட்டுள்ளன. மேலும் இவற்றின் திறன் அதிகப்படுத்தப்பட்டு இருக்கிறது.
இந்த காரின் பின்புறம் மெல்லிய லைட்பார், பம்ப்பரில் டிஃப்யுசர் மற்றும் பல்வேறு வென்ட்கள் வழங்கப்படுகிறது. இவை கார் என்ஜினில் ஏற்படும் வெப்பத்தை குறைக்கும். ஸ்பைடர் மாடலில் ஹார்டு டாப் வழங்கப்பட்டு இருக்கிறது. இதனை கார் 45 கிலோமீட்டர் வேகத்தில் செல்லும் போது 14 நொடிகளில் திறந்து, மூட முடியும்.
இதன் ஹைப்ரிட் என்ஜின் 1016 ஹெச்பி பவர் வெளிப்படுத்துகிறது. வி8 என்ஜின் 786 ஹெச்பி பவர் வெளிப்படுத்துகிறது. இத்துடன் மூன்று எலெக்ட்ரிக் மோட்டார்கள் இணைந்து 233 ஹெச்பி பவர் வெளிப்படுத்துகின்றன. இந்த யூனிட் உடன் 8 ஸ்பீடு டூயல் கிளட்ச் ஆட்டோமேடிக் கியர்பாக்ஸ் வழங்கப்படுகிறது.
- பெராரி நிறுவனம் இந்திய சந்தையில் புதிய 296 GTB சூப்பர்காரை அறிமுகம் செய்து இருக்கிறது.
- இந்த சூப்பர்கார் பெராரி F8 ட்ரிபுடோ மாடலின் மேம்பட்ட வெர்ஷன் ஆகும்.
2022 பெராரி 296 GTB இந்திய சந்தையில் அறிமுகம் செய்யப்பட்டு இருக்கிறது. புதிய பெராரி காரின் விலை ரூ. 5 கோடியே 40 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் முன்னதாக கடந்த ஆண்டு ஜூன் மாத வாக்கில் அதிகாரப்பூர்வமாக அறிமுகம் செய்யப்பட்டது. இது பெராரி F8 ட்ரிபுடோ காரின் மேம்பட்ட மாடல் ஆகும்.
புதிய பெராரி 296 GTB மாடலில் 3.0 லிட்டர், வி6 பெட்ரோல் என்ஜின் வழங்கப்பட்டு இருக்கிறது. இந்த என்ஜின் 645 ஹெச்பி பவர் வெளிப்படுத்தும் திறன் கொண்டது ஆகும். இத்துடன் எலெக்ட்ரிக் மோட்டார் ஒன்றும் உள்ளது. இது 164 ஹெச்பி பவர் வெளிப்படுத்துகிறது. பெட்ரோல் என்ஜின் மற்றும் எலெக்ட்ரிக் மோட்டார் ஒருங்கிணைந்து 809 ஹெச்பி பவர், 741 நியூட்டன் மீட்டர் டார்க் இழுவிசையை வெளிப்படுத்துகிறது.
டிரான்ஸ்மிஷனுக்கு 8 ஸ்பீடு DCT யூனிட் வழங்கப்பட்டு இருக்கிறது. இந்த கார் மணிக்கு 100 கிலோமீட்டர் வேகத்தை 2.9 நொடிகளில் எட்டிவிடும். இதில் உள்ள 7.45 கிலோவாட் ஹவர் பேட்டரி, பியுர் எலெக்ட்ரிக் மோடில் காரை 25 கிலோமீட்டர் வரை பயணிக்க செய்யும், இந்த காரில் டியர்டிராப் வடிவ ஹெட்லைட்கள், அகலமான ஏர் டேம், டோர் மவுண்ட் செய்யப்பட்ட ORVMகள், மெல்லிய எல்இடி டெயில் லைட்கள் வழங்கப்பட்டுள்ளன.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்