சென்னை:
தமிழ்நாடு காங்கிரஸ் வெளியிட்டுள்ள செய்திக்குறிப்பில் கூறியிருப்பதாவது:-
தமிழக காங்கிரஸ் தலைவர் கே.எஸ். அழகிரி 9 மாவட்டங்களில் நடைபெற உள்ள உள்ளாட்சித் தேர்தலையொட்டி மாவட்ட காங்கிரஸ் நிர்வாகிகளை சந்தித்து தேர்தல் வெற்றி வாய்ப்புகள் குறித்து கீழ்க்கண்ட தேதிகளில் ஆய்வு செய்து சுற்றுப்பயணம் மேற்கொள்கிறார்.
உள்ளாட்சி தேர்தலில் போட்டியிடுகிற வேட்பாளர்கள், முன்னணி தலைவர்கள், மாநில, மாவட்ட காங்கிரஸ் நிர்வாகிகள், முன்னணி அமைப்புகள் மற்றும் துறைகளின் நிர்வாகிகள் ஆகியோர் இக்கூட்டங்களில் பங்கேற்குமாறு கேட்டுக்கொள்ளப்படுகிறார்கள். சுற்றுப்பயண விபரம் வருமாறு:-
நாளை (புதன்கிழமை) காலை 10 மணி செங்கல்பட்டு வடக்கு மற்றும் தெற்கு மாவட்ட காங்கிரஸ் சார்பில் குரோம்பேட்டை ஆனந்தா திருமண மண்டபத்தில் நடைபெறும் கூட்டத்தில் பங்கேற்று பேசுகிறார்.
காலை 11 மணிக்கு காஞ்சிபுரம் மாவட்டம், இடம்: ஸ்ரீபெரும்புதூர். மதியம் 1 மணிக்கு ராணிப்பேட்டை மாவட்டம், இடம் : சோளிங்கர். மாலை 4 மணிக்கு வேலூர் மாவட்டம், இடம் : பேரணாம்பட்டு.மாலை 6 மணிக்கு திருப்பத்தூர் மாவட்டம், இடம் : ஆம்பூர்.
30-ந்தேதி (வியாழக்கிழமை) காலை 11 மணிக்கு விழுப்புரம் வடக்கு மாவட்டம், இடம் : செஞ்சி. மதியம் 1 மணி விழுப்புரம் மத்திய மாவட்டம், இடம் : விழுப்புரம். மாலை 4 மணி கள்ளக்குறிச்சி மாவட்டம், இடம் : கள்ளக்குறிச்சி.
அக்டோபர் 3-ந்தேதி (ஞாயிற்றுக்கிழமை) காலை 11.00 மணி திருநெல்வேலி மாவட்டம், மாலை 5 மணிக்கு தென்காசி மாவட்டம்.
