என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
விளையாட்டு
X
100-வது டெஸ்ட் போட்டி: விராட் கோலிக்கு தெண்டுல்கர், கங்குலி வாழ்த்து
Byமாலை மலர்4 March 2022 4:33 AM GMT (Updated: 4 March 2022 4:54 AM GMT)
விராட் கோலி என்னுடன் இருந்த சமயங்களில் கற்றுக்கொள்ள ஆர்வமாக இருந்ததையும், ஆட்டத்திறனை மேம்படுத்துவதில் அதிக அக்கறை காட்டியதையும் அறிவேன் என சச்சின் தெரிவித்தார்.
100-வது டெஸ்டில் களம் இறங்கும் விராட் கோலிக்கு இந்திய கிரிக்கெட் வாரிய தலைவர் சவுரவ் கங்குலி, சாதனை மன்னன் சச்சின் தெண்டுல்கர் வாழ்த்து தெரிவித்துள்ளனர். ‘இந்திய கிரிக்கெட்டில் இது ஒரு மைல்கல். நாட்டுக்காக ஒரு வீரர் விளையாடத் தொடங்கும் போது 100 டெஸ்ட் என்பது ஒரு கனவாக இருக்கும். ஏனெனில் 100 டெஸ்டில் ஆடுவது எளிதான விஷயம் அல்ல. கோலிக்கு இது ஒரு மகத்தான தருணம். இன்னும் அவர் நிறைய சாதனைகள் படைப்பார் என்று நம்புகிறேன்’ என்று கங்குலி குறிப்பிட்டார்.
தெண்டுல்கர் கூறுகையில், ‘என்ன ஒரு அற்புதமான சாதனை. 2007-08-ம் ஆண்டில் நாங்கள் ஆஸ்திரேலியாவில் விளையாடிக்கொண்டிருந்த போது விராட் கோலி பற்றி முதல்முறையாக கேள்விப்பட்டேன். அப்போது மலேசியாவில் நடந்து கொண்டிருந்த 19 வயதுக்குட்பட்டோருக்கான உலக கோப்பை கிரிக்கெட்டில் விளையாடும் வீரர்கள் பற்றி பேசிக் கொண்டிருந்தோம். அதில் ஒரு வீரர் நன்றாக ஆடுவதாக என்னிடம் கூறினர். அது தான் கோலி. பின்னாளில் நானும், அவரும் இணைந்து இந்திய அணிக்காக விளையாடினோம். எங்களது பயணம் நீண்ட காலம் இல்லை என்றாலும் என்னுடன் இருந்த சமயங்களில் கற்றுக்கொள்ள ஆர்வமாக இருந்ததையும், ஆட்டத்திறனை மேம்படுத்துவதில் அதிக அக்கறை காட்டியதையும் அறிவேன். இந்திய கிரிக்கெட்டுக்கு அவர் அளித்த மிகப்பெரிய பங்களிப்பே அவரது உண்மையான வெற்றி’ என்றார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X