காஞ்சிபுரம்

ஸ்ரீபெரும்புதூர்:

பெங்களூரைச் சேர்ந்தவர் சுதாபிரியன் (80) மத்திய உள்துறை அமைச்சகத்தில் அதிகாரியாக பணியாற்றி ஓய்வு பெற்றவர்.

இவருக்கு சுங்குவார் சத்திரம் அருகே உள்ள பொடாவூர் பகுதியில் பண்ணை வீடு உள்ளது. மரம், செடிகளுக்கு மத்தியில் விசாலமான விடப்பட்ட காலி இடத்திற்கு மத்தியில் வீடு கட்டுப்பட்டுள்ளது.

இந்த வீட்டுக்கு எப்போதாவது விடுமுறையில் வந்து தங்கி செல்வார்கள். காவலாளியாக சரவணன் (45) இருந்தார். பண்ணை வீட்டிற்கு எதிரே மனைவி யமுனாவுடன் வசித்து வருகிறார்.

நேற்றிரவு அவர் பண்ணை வீட்டில் தூங்கி கொண்டிருந்தார். நள்ளிரவு ஒரு மணியளவில் 3 பேர் கொண்ட கொள்ளை கும்பல் பண்ணை வீட்டின் கதவை கடப்பாறையால் உடைக்க முயற்சி செய்தது.

சத்தம் கேட்டு எழுந்த சரவணன் கொள்ளையர்கள் மூவரையும் எதிர்த்து போராடினார். 3 பேருடன் துணிச்சலுடன் மல்லுக் கட்டினார். இதனால் கொள்ளையர்கள் என்ன செய்வது என்று தடு மாறினார்கள்.

3 கொள்ளையர்களும் சரவணனிடம் இருந்து தப்பிக்க முயன்றனர். ஆனால் நீண்ட நேர போராட்டத்திற்கு இடையே 2 பேர் அங்கிருந்து தப்பி ஓடி விட்டனர். ஒருவன் மட்டும் சிக்கி கொண்டான்.

சத்தம் கேட்டு சரவணனின் மனைவி யமுனா ஓடி வந்தார். கொள்ளையனை பிடிக்க கணவருடன் அவரும் போராடினார்.

உருட்டுகட்டையால் கொள்ளையனை சராமாரியாக சரவணன் தாக்கினார். அவரும் திருப்பி தாக்கினார். யமுனாவுக்கு உருட்டு கட்டை அடி விழுந்ததில் காயம் ஏற்பட்டது.

இதனால் ஆத்திரம் அடைந்த சரவணன், கொள்ளையனின் தலை, முகம் போன்ற பகுதியில் சரமாரியாக தாக்கினார். நிலை குலைந்த கொள்ளையன் ரத்த வெள்ளத்தில் அதே இடத்தில் பிணமானான்.

கணவனும், மனைவியும் கொள்ளையனிடம் நீண்ட நேரமாக போராடி தப்பித்தனர். சிறிது நேரத்துக்கு பிறகு அக்கம் பக்கத்தில் உள்ளவர்கள் ஓடி வந்தனர். ரத்த காயத்துடன் இருந்த யமுனாவை ஸ்ரீபெரும்புதூர் அரசு மருத்துவமனையில் சேர்த்தனர்.

போலீஸ் இன்ஸ்பெக்டர் ஜான்விக்டர் சம்பவ இடத்துக்கு வந்து விசாரணை நடத்தினார்.

கொலையுண்ட கொள்ளையனுக்கு சுமார் 45 வயது இருக்கும். அவன்யார்? எந்த ஊர் என்பது போன்ற விவரங்களை போலீசார் சேகரித்து வருகின்றனர். அவனோடு வந்த 2 கொள்ளையர்களை பிடிக்க போலீசார் தீவிர வேட்டையில் ஈடுபட்டு உள்ளனர்.

போரூர்:

சாலிகிராமம், எஸ்.எஸ்.ஆர். பங்கஜம் சாலையில் வசித்து வருபவர் ஆனந்தி. இவரது வீட்டில் அதே பகுதியை சேர்ந்த புனிதா கடந்த 5 வருடமாக வேலை பார்த்து வந்தார்.

ஆயுத பூஜையையொட்டி வீட்டில் உள்ள பொருட்களை ஆனந்தி சுத்தம் செய்தபோது பீரோவில் இருந்த 15 பவுன் நகை மாயமாகி இருந்தது. கடந்த சில நாட்களாக புனிதாவும் வேலைக்கு வர வில்லை. அவர் நகையுடன் தலைமறைவாகி இருப்பது தெரிந்தது.

இதுகுறித்து விருகம்பாக்கம் போலீசில் புகார் செய்யப்பட்டது. போலீசார் வழக்குப் பதிவு செய்து கோயம்பேடு அருகே பதுங்கி இருந்த புனிதாவை கைது செய்தனர். அவரிடம் இருந்து 15 பவுன் நகை மீட்கப்பட்டது.

காஞ்சீபுரம் மாவட்டத் தில் உள்ள 11 சட்டமன்ற தொகுதிகளின் வாக்காளர்கள் விவரம் வருமாறு:-

சோழிங்கநல்லூர் தொகுதியில் ஆண்கள் 3,13,789, பெண்கள் 3,10,542, இதர வாக்காளர்கள் 74 என மொத்தம் 6,24,405 பேர் உள்ளனர்.

ஆலந்தூர் தொகுதியில் ஆண்கள் 1,79,335, பெண்கள் 1,80,887, இதர வாக்காளர்கள் 7 என மொத்தம் 3,60,229 வாக்காளர்கள்.

ஸ்ரீபெரும்புதூர் (தனி) தொகுதியில் ஆண்கள் 1,54,847, பெண்கள் 1,62,959, இதர வாக்காளர்கள் 47 என மொத்தம் 3,17,853 பேர் உள்ளனர்.

பல்லாவரம் தொகுதியில் ஆண்கள் 2,08,776, பெண்கள் 2,09,403, இதர வாக்காளர்கள் 25 என மொத்தம் 4,18,204 வாக்காளர்கள்.

தாம்பரம் தொகுதியில் ஆண்கள் 1,95,888, பெண்கள் 1,96,180, இதர வாக்காளர்கள் 35 என மொத்தம் 3,92,103 பேர் உள்ளனர்.

செங்கல்பட்டு தொகுதியில் ஆண்கள் 1,90,470, பெண்கள் 1,95,923, இதர வாக்காளர்கள் 43 என மொத்தம் 3,86,436 வாக்காளர்கள்.

திருப்போரூர் தொகுதியில் ஆண்கள் 1,31,664, பெண்கள் 1,35,846, இதர வாக்காளர்கள் 19 என மொத்தம் 2,67,529 வாக்காளர்கள் உள்ளனர்.

செய்யூர் (தனி) தொகுதியில் ஆண்கள் 1,07,139, பெண்கள் 1,10,094, இதர வாக்காளர்கள் 29 என மொத்தம் 2,17,262 வாக்காளர்கள்.

மதுராந்தகம் (தனி) தொகுதியில் ஆண்கள் 1,09,948, பெண்கள் 1,14,615, இதர வாக்காளர்கள் 47 என மொத்தம் 2,24,610 வாக்காளர்கள் உள்ளனர்.

உத்திரமேரூர் தொகுதியில் ஆண்கள் 1,17,836, பெண்கள் 1,25,782, இதர வாக்காளர்கள் 14 என மொத்தம் 2,43,632 வாக்காளர்கள்.

காஞ்சீபுரம் தொகுதியில் ஆண்கள் 1,44,584, பெண்கள் 1,54,372, இதர வாக்காளர்கள் 11 என மொத்தம் 2,98,967 வாக்காளர்கள் உள்ளனர்.

திருவள்ளுர் மாவட்டத்தில் உள்ள 10 சட்டமன்றத் தொகுதிகளில் உள்ள வாக்காளர்களின் எண்ணிக்கை வருமாறு:-

கும்மிடிப்பூண்டி தொகுதியில் ஆண்கள் 1 லட்சத்து 31ஆயிரத்து 104, பெண்கள் 1 லட்சத்து 36 ஆயிரத்து 781, இதர வாக்காளர்(திருநங்கைகள்) 33 உள்பட மொத்தம் 2 லட்சத்து 67 ஆயிரத்து 918 பேர் உள்ளனர்.

பொன்னேரி தொகுதியில் ஆண்கள்1 லட்சத்து 25 ஆயிரத்து 431, பெண்கள் 1 லட்சத்து 30 ஆயிரத்து 384, இதர வாக்காளர்கள் 59 உள்பட மொத்தம் 2 லட்சத்து 55 ஆயிரத்து 874 பேர் உள்ளனர்.

திருத்தணி தொகுதியில் ஆண்கள் 1 லட்சத்து 37 ஆயிரத்து 177, பெண்கள் 1 லட்சத்து 42 ஆயிரத்து 552 இதர வாக்காளர்கள் 29 உள்பட மொத்தம் 2 லட்சத்து 79 ஆயிரத்து 758 வாக்காளர்கள்.

திருவள்ளுர் தொகுதியில் ஆண்கள் 1 லட்சத்து 29 ஆயிரத்து 263, பெண்கள் 1 லட்சத்து 35 ஆயிரத்து 20 இதர வாக்காளர்கள் 25 உள்பட மொத்தம் 2 லட்சத்து 64 ஆயிரத்து 308 வாக்காளர்கள் உள்ளனர்.

பூந்தமல்லி தொகுதியில் ஆண்கள் 1 லட்சத்து 63 ஆயிரத்து 387, பெண்கள் 1 லட்சத்து 66 ஆயிரத்து 556இதர வாக்காளர்கள் 52 உள்பட மொத்தம் 3 லட்சத்து 29 ஆயிரத்து 995 வாக்காளர்கள்.

ஆவடி தொகுதியில் ஆண்கள் 2 லட்சத்து 5 ஆயிரத்து 825, பெண்கள் 2 லட்சத்து 5 ஆயிரத்து 430ம், இதர வாக்காளர்கள் 89 உள்பட மொத்தம் 4 லட்சத்து 11 ஆயிரத்து 344 வாக்காளர்கள் உள்ளனர்.

மதுரவாயல் தொகுதியில் ஆண்கள் 2 லட்சத்து 10 ஆயிரத்து 298, பெண்கள் 2 லட்சத்து 4 ஆயிரத்து 618, இதர வாக்காளர்கள் 130 உள்ளிட்ட மொத்தம் 4 லட்சத்து 15 ஆயிரத்து 46 வாக்காளர்கள் உள்ளனர்.

அம்பத்தூர் தொகுதியில் ஆண்கள், 1 லட்சத்து 86 ஆயிரத்து 225, பெண்கள் 1 லட்சத்து 84 ஆயிரத்து 202, இதர வாக்காளர்கள் 102 உள்பட மொத்தம் 3 லட்சத்து 70 ஆயிரத்து 529 பேர் உள்ளனர்.

மாதவரம் தொகுதியில் ஆண்கள் 2 லட்சத்து 7 ஆயிரத்து 154, பெண்கள், 2 லட்சத்து 7 ஆயிரத்து 105 இதர வாக்காளர்கள் 90 உள்பட மொத்தம் 4 லட்சத்து 14 ஆயிரத்து 349 வாக்காளர்கள்.

திருவொற்றியூர் தொகுதியில் ஆண்கள் 1 லட்சத்து 45 ஆயிரத்து 450, பெண்கள் 1 லட்சத்து 47 ஆயிரத்து 993, இதரவாக்காளர்கள் 111 உள்ளிட்ட மொத்தம் 2 லட்சத்து 93 ஆயிரத்து 554 பேர் உள்ளனர்.

திருவள்ளூர் மாவட்டம் முழுவதும் உள்ள 10 சட்டமன்றத் தொகுதிகளிலும் சேர்த்து மொத்தம் ஆண்கள் 16 லட்சத்து 41 ஆயிரத்து 314, பெண்கள் 16 லட்சத்து 60 ஆயிரத்து 641, இதர வாக்காளர்கள் 720 உள்பட மொத்தம் 33 லட்சத்து 2 ஆயிரத்து 675 பேர் உள்ளனர்.

திருப்போரூர்:

பழைய மாமல்லபுரம் சாலையில் திருப்போரூரை அடுத்த சிறுதாவூர் கிராமத்தில் மறைந்த முதல்வர் ஜெயலலிதா தங்கிச்சென்ற பங்களா உள்ளது.

சசிகலா, இளவரசி பெயரில் உள்ள இந்த பங்களாவிற்கு ஜெயலலிதா அடிக்கடி வந்து தங்கியிருந்தார். இந்த பங்களாவின் ஒரு பகுதி சொத்துகுவிப்பு வழக்கில் சேர்க்கப்பட்டுள்ளது.

கடந்த 15 ஆண்டுகளுக்கும் மேலாக இந்த பங்களாவிற்கு போலீஸ் பாதுகாப்பு உள்ளது. ஜெயலலிதா முதல்வராக இருந்தபோது இங்கு வந்து தங்கிசெல்லும் போது பங்களாவைச் சுற்றிலும் சுமார் 15-க்கும் மேற்பட்ட செக்போஸ்ட்கள் அமைக்கப்பட்டு போலீஸ் பாதுகாப்பு அதிகமாக இருக்கும். இதற்காக பாதுகாப்பு பணியில் ஈடுபடும் போலீசார் திருப்போரூர், ஆலத்தூர், பையனூர் பகுதிகளில் தங்க வைக்கப்பட்டு பாதுகாப்பு பணியில் ஈடுபட்டு வந்தனர்.

மேலும் அவர் முதல்வராக இல்லாதபோது குறைந்த அளவே போலீசார் பாதுகாப்பு பணியில் இருப்பர். ஜெயலலிதா மறைவிற்கு பிறகு இந்த பங்களாவிற்கு போடப்பட்ட போலீஸ் பாதுகாப்பு குறைக்கப்பட்டது.

தற்போது அ.தி.மு.க.வில் ஏற்பட்டுள்ள அரசியல் மாற்றங்களால் தற்போது சசிகலா பெயரில் உள்ள இந்த பங்களாவிற்கு தமிழக போலீசாரின் பாதுகாப்பு கடந்த சில மாதங்களாக குறைக்கப்பட்டு உள்ளது. இந்த பங்களாவைச்சுற்றி உள்ள பகுதியில் யாரும் எளிதாக உள்ளே நுழைய முடியாத நிலை இருந்தது.

தனியார் நிலங்களுக்கு செல்வோர் பலத்த சோதனைக்கு பிறகே செல்ல முடியும். தற்போது எந்தவித கெடுபிடிகளும் இல்லாமல் எவ்வித சோதனைகளும் இல்லாமல் செல்லும் நிலை உள்ளது.

தற்போது பங்களா நுழைவாயில் மற்றும் பங்களாவிற்கு பக்கவாட்டில் உள்ள 2 தனியார் வழிகள் உள்ளிட்ட 3 இடங்களில் மட்டுமே ஷிப்டுக்கு 6 போலீசார் பாதுகாப்பு பணியில் உள்ளனர்.

பங்களாவிற்குள் தனியார் பாதுகாவலர்கள் பாதுகாப்பில் உள்ளதாக கூறப்படுகிறது. சசிகலா கணவர் நடராஜன் சோழிங்கநல்லூரை அடுத்த பெரும்பாக்கத்தில் உள்ள தனியார் மருத்துவமனையில் கவலைக்கிடமான நிலையில் சிகிச்சைபெற்று வருகிறார்.

இதற்காக சிறையில் இருக்கும் சசிகலா பரோல் கேட்டு கணவரை பார்க்க சென்னைக்கு வர உள்ளார். அப்படி வந்தால் மருத்துவ மனையிலிருந்து சுமார் 25 கி.மீட்டர் தொலைவில் உள்ள இந்த பங்களாவிற்கு வந்து செல்வாரா? என்று தெரியவில்லை.

ஸ்ரீபெரும்புதூர்:

திருவள்ளூர் மாவட்டம் பேரம்பாக்கம் பகுதியை சேர்ந்தவர் பாபு (வயது 35). துணி வியாபாரம் செய்து வருகிறார்.

துணிகளை சுங்குவார் சத்திரம் அடுத்த பேரம்பாக்கம், மதுரமங்கலம் உள்ளிட்ட பகுதியில் விற்றுவிட்டு தவணை முறையில் பணத்தை வசூல் செய்து வந்தார்.

3 மாதத்துக்கு முன் எடையார்பாக்கம் பகுதியில் பணத்தை வசூல் செய்து மோட்டார் சைக்கிளில் எடையார்பாக்கம் ஏரிக்கரை அருகே வந்தபோது எதிரே மோட்டார் சைக்கிளில் வந்த 2 மர்ம மனிதர்கள் பாபுவை வழிமறித்து கத்தியை காட்டி மிரட்டி அவர் வைத்திருந்த ரூ. 75 ஆயிரம் பணம், செல்போனை பறித்து தப்பி சென்றனர்.

இது குறித்து பாபு சுங்குவார்சத்திரம் போலீஸ் நிலையத்தில் புகார் செய்தார். இன்ஸ்பெக்டர் ஜான் விகிடன் வழக்குப்பதிவு செய்து விசாரணை செய்தார். வழிப்பறியில் ஈடுபட்டவர்களை பற்றி எந்த துப்பும் கிடைக்காததால் அவர்களின் அங்க அடையாளங்களை வைத்து கொள்ளையர்கள் படம் வரைந்து தேடி வந்தனர்.

விசாரணையில் வழிப்பறி கொள்ளையில் ஈடுபட்டவர்கள் திருவள்ளூர் மாவட்டம் மப்பேடு நரசிங்கபுரம் பகுதியை சேர்ந்த அஜித், விஜி என்பது தெரியவந்தது. அவர்களை போலீசார் கைது செய்து 2 கத்தி,2 செல்போன், பைக் ரூ. 60 ஆயிரம் ரொக்கப்பணம் ஆகியவற்றை பறிமுதல் செய்தனர்.

கடந்த மாதம் 25-ந் தேதி பிள்ளைச்சத்திரம் அருகே சென்னை - பெங்களூர் தேசிய நெடுஞ்சாலையில் கணேசன் என்பவர் தனது லாரியை சாலையோரம் நிறுத்திய போது மர்ம நபர்கள் 4 பேர் மோட்டார் சைக்கிளில் வந்து கணேசனை கத்தியை காட்டி சரமாரியாக தாக்கி அவரிடம் இருந்த செல்போன், ரூ. 5 ஆயிரத்தை பறித்து தப்பினர்.

அதே பகுதியில் இரும்பு கடை வைத்துள்ள ராதாகிருஷ்ணன் என்பவரிடம் அதே கும்பல் கத்தியை காட்டி மிரட்டி ரூ. 20 ஆயிரம் மற்றும் செல்போன் ஆகியவற்றை பறித்து தப்பிச் சென்றனர்.

இது குறித்த புகாரின் பேரில் சுங்குவார்சத்திரம் போலீசார் வழக்குப்பதிவு செய்து வழிப்பறியில் ஈடுபட்ட மொளச்சூர் பகுதியை சேர்ந்த சத்திரியன், ஆனந்த், வெங்கடேசன் ஆகிய 3 பேரையும் கைது செய்து அவர்களிடம் இருந்து 3, கத்தி, 2 செல்போன், 4 ஆயிரம் ரொக்கப்பணம் ஆகியவற்றை பறிமுதல் செய்தனர். தலைமறைவாக உள்ள விக்னேஷ் என்பவரை தேடி வருகின்றனர்.

ஆலந்தூர்:

தி.மு.க. செயல் தலைவர் மு.க.ஸ்டாலின் இன்று கோவை செல்லும் வழியில் சென்னை விமான நிலையத்தில் நிருபர்களுக்கு பேட்டி அளித்தார்.

அ.தி.மு.க. அரசு எதற்கும் லாயக்கற்றது. அவர்கள் பதவி அதிகாரத்தை தொடர்ந்து தக்க வைத்துக் கொண்டு கமி‌ஷன் வாங்க நடத்தப்படுகிற ஆட்சி. மக்கள் படும் இன்னல்கள் பற்றி கொஞ்சம் கூட கவலை இல்லாத அரசு.

எம்.ஜி.ஆர். நூற்றாண்டு விழா என்ற பெயரில் மக்கள் வரி பணமான அரசு பணத்தை நியாயமாக செலவு செய்கிறார்களா? உண்மையில் எம்.ஜி.ஆரின் புகழுக்காக நடைபெற்று இருந்தால் விமர்சிக்க மாட்டோம்.

உட் கட்சி விவகாரங்கள், எதிர்க்கட்சிகளை விமர்சனம் செய்வதுதான் அ.தி.மு.க. ஆட்சியில் நடைபெற்று வருகின்றன. அரசு நிகழ்ச்சிக்கு மாணவர்களை அழைத்து வரக் கூடாது என்று நீதிமன்றம் உத்தர விட்ட பிறகும் நேற்று நடந்த நிகழ்ச்சியில் மாணவர்கள் அவர்களது பள்ளி வாகனத்தில் அழைத்து வரப்பட்டுள்ளன. எந்த வகையிலும் இந்த ஆட்சி நீடித்து நிலைத்து இருக்காது.

ஏற்கனவே இருந்த கவர்னர் போல் இல்லாமல் தற்போது நியமிக்கப்பட்டுள்ள புதிய கவர்னர் ஜனநாயகத்தை பாதுகாக்கும் வகையில் குறிப்பாக தமிழ்நாட்டின் அரசியல் சூழ்நிலையை புரிந்து பணியாற்ற வேண்டும் என்று கேட்டுக் கொள்கிறேன்.

சிவாஜி மணி மண்டபத்தில் தி.மு.க. தலைவர் கருணாநிதியின் பெயரை அகற்றி உள்ளனர். கடற்கரையில் இருந்து சிவாஜி சிலையை அவர்கள் அப்புறப்படுத்தியது ஏன்? என்று அனைவருக்கும் தெரியும். கலைஞருடைய பெயர் ஜெயலலிதாவுக்கு முதலில் உறுத்தியது. தற்போது எடப்பாடி பழனிசாமிக்கும், அ.தி.மு.க. ஆட்சியாளர்களுக்கு உறுத்தி உள்ளது. அதனால் தான் சிலையை அங்கிருந்து அகற்றினார்கள். ஜெயலலிதா பெயரை பொறிப்பதற்காக சிவாஜி சிலை கடற்கரையில் இருந்து அகற்றப்பட்டது.

கலைஞர் தலைமையில் 2006-11 வரை மைனாரிட்டியாக இருந்த தி.மு.க. அரசு காங்கிரஸ் மற்றும் பா.ம.க.வுடன் கூட்டணி வைத்து தொடர்ந்து 5 ஆண்டுகள் ஆட்சியை நடத்தியது. தற்போது அ.தி.மு.க. ஆட்சியில் அவர்களுடைய எம்.எல்.ஏ.க்களே கவர்னரை சந்தித்து மனு கொடுத்து உள்ளனர். அவர்கள் தான் மைனாரிட்டி அரசு. எங்களை பார்த்து அவர்கள் மைனாரிட்டி என்று சொல்வதா? இது திரிசங்கு ஆட்சி.

நான் அ.தி.மு.க. அமைச்சர்களை போல் கற்பனை செய்து கனவு காண்பவன் அல்ல. நாங்கள் ஆட்சியில் இருந்தாலும் இல்லாவிட்டாலும் தொடர்ந்து மக்கள் பணியில் ஈடுபடுவோம்.

இவ்வாறு மு.க.ஸ்டாலின் கூறினார்.