என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
திருச்சி அருகே கழிப்பறையில் குழந்தையை வீசிச்சென்ற தாய்
Byமாலை மலர்18 Sep 2019 1:31 PM GMT (Updated: 18 Sep 2019 1:31 PM GMT)
திருச்சி அருகே கழிப்பறையில் பிறந்த குழந்தையை தாய் வீசிச்சென்ற சம்பவம் பரபரப்பை ஏற்படுத்தியுள்ளது.
டால்மியாபுரம்:
திருச்சி மாவட்டம் புள்ளம்பாடி கல்லக்குடி அருகே உள்ள கே.கே.நகர் பகுதியில் பொதுகழிப்பறை உள்ளது. இன்று காலை பொதுமக்கள் அங்கு சென்றபோது , ஒரு பகுதியில் இருந்து குழந்தையின் அழு குரல் சத்தம் கேட்டது. அதிர்ச்சியடைந்த பொதுமக்கள் சத்தம் வரும் பகுதிக்கு சென்று பார்த்தபோது, பிறந்து சில மணி நேரமே ஆன ஆண் குழந்தை கிடந்தது.
அதைப்பார்த்த பொதுமக்கள் அதிர்ச்சியடைந்ததுடன், உடனடியாக கல்லக்குடி போலீசாருக்கு தகவல் தெரிவித்தனர். சப்-இன்ஸ்பெக்டர் இளங்கோவன் மற்றும் போலீசார் சம்பவ இடத்திற்கு விரைந்து சென்று குழந்தையை மீட்டனர். 108 ஆம்புலன்ஸ் குழுவினரும் வரவழைக்கப்பட்டனர். டிரைவர் அண்ணாத்துரை மற்றும் மருத்துவஉதவியாளர் தனுசியா ஆகியோர் குழந்தைக்கு முதலுதவி சிகிச்சை அளித்தனர்.
பின்னர் திருச்சி சைல்டு லைன் உறுப்பினர்கள் கல்பனா, முரளி ஆகியோர் உதவியுடன் குழந்தையை மீட்டு சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு குழந்தைக்கு சிகிச்சை அளிக்கப்பட்டு வருகிறது. கழிப்பறையில் குழந்தையை வீசிச்சென்ற தாய் யாரென்று தெரியவில்லை. தகாத உறவால் பிறந்ததால் குழந்தையை வீசி சென்றிருக்கலாம் என தெரிகிறது. இது குறித்து கல்லக்குடி போலீசார் வழக்குப்பதிவு செய்து குழந்தையின் தாயை தேடி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X