செய்திகள்
இலங்கை அருகே மேலடுக்கு சுழற்சி: தமிழகத்தில் மிதமான மழைக்கு வாய்ப்பு
இலங்கை அருகே மேலடுக்கு சுழற்சி காரணமாக தமிழகத்தில் மிதமான மழைக்கு வாய்ப்பு உள்ளதாக வானிலை மைய அதிகாரி கூறியுள்ளார்.
சென்னை:
சென்னை வானிலை மைய அதிகாரி கூறியதாவது:-
தென்மேற்கு வங்க கடல் மற்றும் அதையொட்டி உள்ள இலங்கை அருகே வளி மண்டல மேலடுக்கு சுழற்சி ஏற்பட்டுள்ளதால் தமிழகம் மற்றும் புதுச்சேரியில் ஒரு சில இடங்களில் மழை பெய்துள்ளது.
தூத்துக்குடியில் 3 செ.மீ., விருதுநகர் 2 செ.மீ., கேளம் பாக்கத்தில் 1 செ.மீ. மழை பதிவாகி உள்ளது.
அடுத்த 24 மணி நேரத்தில் வடதமிழகம்-புதுச்சேரியில் ஒருசில இடங்களிலும், தென் தமிழகத்தில் மிதமான மழையும் பெய்யும். சென்னை மற்றும் புறநகரில் வானம் மேகமூட்டத்துடன் காணப்படும். சில பகுதிகளில் லேசான மழை பெய்ய வாய்ப்பு உள்ளது.
இவ்வாறு அவர் கூறினார்.