ஆஷஸ் தொடர்: ஆஸ்திரேலிய அணியின் ஆலோசகராக ஸ்டீவ் வாக் நியமனம்

இங்கிலாந்தில் உலகக்கோப்பை கிரிக்கெட் தொடர் முடிந்த உடன் ஐந்து போட்டிகள் கொண்ட ஆஷஸ் கிரிக்கெட் தொடர் ஆகஸ்ட் 1-ந்தேதி தொடங்குகிறது. ஆஸ்திரேலியா 2001-ம் ஆண்டு இங்கிலாந்தில் ஆஷஸ் தொடரை வென்றது. அதன்பின் இங்கிலாந்து மண்ணில் தொடரை வென்றது கிடையாது.

அப்போது ஆஸ்திரேலியா அணியின் கேப்டனாக ஸ்டீவ் வாக் இருந்தார். அவரது ஆலோசனை அணிக்கு மிகப்பெரிய அளவில் உதவியாக இருக்கும் என அந்நாட்டு கிரிக்கெட் வாரியம் விரும்புகிறது. இதனால் ஸ்டீவ் வாக்கை ஆலோசகராக நியமித்துள்ளது ஆஸ்திரேலியா. ஸ்டீவ் வாக்கை ஆலோசகராக நியமித்ததை டெஸ்ட் அணி கேப்டன் டிம் பெய்ன் வரவேற்றுள்ளார்.