கொழும்பு டெஸ்ட் - தென் ஆப்பிரிக்காவுக்கு எதிரான டெஸ்டில் டாஸ் வென்ற இலங்கை பேட்டிங்

கொழும்பு:

பாப் டு பிளிஸ்சிஸ் தலைமையிலான தென் ஆப்பிரிக்க கிரிக்கெட் அணி இலங்கையில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் பங்கேற்றுள்ளது.

காலேயில் நடந்த முதலாவது டெஸ்டில் தென் ஆப்பிரிக்காவை 3-வது நாளுக்குள் சுருட்டிய இலங்கை அணி 278 ரன்கள் வித்தியாசத்தில் வெற்றி பெற்று தொடரில் 1-0 என்ற கணக்கில் முன்னிலை வகிக்கிறது.

இந்நிலையில் இவ்விரு அணிகள் இடையிலான 2-வது மற்றும் கடைசி டெஸ்ட் போட்டி கொழும்பில் இன்று காலை 10 மணிக்கு தொடங்கியது.

டாஸ் வென்ற இலங்கை அணி முதலில் பேட்டிங்கை தேர்வு செய்து விளையாடி வருகிறது. தொடக்க ஆட்டக்காரர்களாக தனுஷ்கா குணதிலகா, திமுத் கருணாரத்னா ஆகியோர் களமிறங்கி விளையாடி வருகின்றனர்.

முந்தைய டெஸ்டில் தென் ஆப்பிரிக்க அணியின் 17 விக்கெட்டுகள் சுழற்பந்து வீச்சில் சரிந்தது குறிப்பிடத்தக்கது. #SriLanka #SouthAfrica