செய்திகள்
நான்காம் கட்ட பாராளுமன்ற தேர்தல்: மாலை 5 மணி நிலவரப்படி 50.6 சதவீதம் வாக்குப்பதிவு
9 மாநிலங்களில் உள்ள 72 தொகுதிகளுக்கு நான்காவது கட்டமாக இன்று நடைபெற்று வரும் பாராளுமன்ற தேர்தலில் மாலை 5 மணி நிலவரப்படி 50.6 சதவீதம் வாக்குகள் பதிவானது. #LSElections2019 #VoterTurnout
புதுடெல்லி:
பாராளுமன்ற தேர்தலில் நான்காவது கட்டமாக 9 மாநிலங்களில் 72 தொகுதிகளுக்கு இன்று வாக்குப்பதிவு நடைபெற்று வருகிறது. 691 வேட்பாளர்களின் தலைவிதியை நிர்ணயம் செய்யும் இந்த தேர்தலில் மொத்தம் 12 கோடியே 79 லட்சத்து58 ஆயிரத்து 477 பேர் வாக்களிக்கும் தகுதி பெற்றுள்ளனர்.
வாக்குப்பதிவு தொடங்கிய காலை 7 மணியில் இருந்து, பொதுமக்கள், திரை பிரபலங்கள், தொழிலதிபர்கள் என அனைவரும் ஆர்வத்துடன் வாக்களித்து வருகின்றனர்.
இந்நிலையில், மாலை 5 மணி நிலவரப்படி 50.6 சதவீதம் வாக்குகள் பதிவானதாக இந்திய தேர்தல் ஆணையம் அறிவித்துள்ளது.
மாநில வாரியாக வாக்குப்பதிவு சதவீதம்:-
பீகார் - 44.33%
ஜம்மு காஷ்மீர்- 9.37%
ஜார்க்கண்ட்- 57.13%
மத்திய பிரதேசம்- 57.77%
மகாராஷ்டிரா- 42.52%
ஒடிசா- 53.61%
ராஜஸ்தான்- 54.75%
உத்தரப்பிரதேசம்- 45.08%
மேற்கு வங்காளம்- 66.46% #LSElections2019 #VoterTurnout