செய்திகள்
தமாகா பாஜகவில் இணைவதாக வந்த செய்திகள் வடிகட்டிய பொய் - வாசன்
தமிழ் மாநில காங்கிரஸ் தொண்டர்கள் பா.ஜ.க.வில் இணைய உள்ளதாக வந்த தகவல்கள் வடிகட்டின பொய் என கட்சி தலைவர் ஜி.கே.வாசன் தெரிவித்துள்ளார். #TMC #GKVasan
சென்னை:
தமிழக காங்கிரஸ் தலைவர் கே.எஸ்.அழகிரி வெளியிட்டுள்ள அறிக்கையில், தமிழ் மாநில காங்கிரஸ் தொண்டர்கள், நிர்வாகிகளுக்காக காங்கிரஸ் கதவுகள் எப்போதும் திறந்தே இருக்கின்றன என தெரிவித்துள்ளார்.
காங்கிரஸ் தலைவரின் இந்த அறிக்கைக்கு தமாகா தலைவர் ஜி.கே.வாசன் மறுப்பு தெரிவித்துள்ளார். இதுதொடர்பாக அவர் கூறுகையில், தமிழ் மாநில காங்கிரஸ் கட்சி தனித்தன்மையுடன் செயல்படுகிறது. கட்சியின் வளர்ச்சியை பிடிக்காதவர்களின் சதி இது. பா.ஜ.க.வில் இணைவதாக வந்த செய்திகள் வடிகட்டிய பொய் என தெரிவித்துள்ளார்.
இரு கட்சி தலைவர்கள் அறிக்கைகள் தமிழக காங்கிரஸ், தமாகா தொண்டர்களிடையே பரபரப்பை ஏற்படுத்தியுள்ளது. #TMC #GKVasan