செய்திகள்
பரபரப்பான அரசியல் சூழ்நிலையில் விஜயகாந்துடன் ரஜினி திடீர் சந்திப்பு
பரபரப்பான அரசியல் சூழ்நிலையில் தே.மு.தி.க. தலைவர் விஜயகாந்தை நடிகர் ரஜினிகாந்த் சந்தித்து உடல்நலம் விசாரித்தார். #DMDK #Vijayakanth #Rajinikanth
சென்னை:
தே.மு.தி.க. தலைவர் விஜயகாந்த் அமெரிக்காவில் சிகிச்சை முடிந்து சென்னை திரும்பினார். இதன்பிறகு அரசியல் களம் சூடுபிடித்துள்ளது.
விஜயகாந்தை அ.தி.மு.க- பா.ஜனதா கூட்டணியில் சேர்க்க தீவிர முயற்சிகள் மேற்கொள்ளப்பட்டு வருகிறது. அ.தி.மு.க. அணியில் பா.ம.க.வுக்கு 7 தொகுதிகளும், பா.ஜனதா கட்சிக்கு 5 இடங்களும் ஒதுக்கப்பட்டுள்ளன.
இதையடுத்து விஜயகாந்துக்கு 3 முதல் 4 இடங்கள் வரை கொடுப்பதற்கான பேச்சுவார்த்தை நடைபெற்றது.
தமிழக பா.ஜனதா பொறுப்பாளரும் மத்திய மந்திரியுமான பியூஸ்கோயல் விஜயகாந்த் வீட்டுக்கு சென்று பேச்சுவார்த்தை நடத்தினார். ஆனால் விஜயகாந்த் தரப்பில் பா.ம.க.வுக்கு இணையாக தொகுதிகளை ஒதுக்க வேண்டும் என்று நிபந்தனை விதிக்கப்பட்டதால் இழுபறி நீடிக்கிறது.
இந்த நிலையில் சென்னை சாலிகிராமத்தில் உள்ள விஜயகாந்த் வீட்டுக்கு சென்று ரஜினிகாந்த் அவரை சந்தித்தார். விஜயகாந்தின் நெருங்கிய நண்பரான ரஜினி, அவரது உடல்நலம் பற்றி விசாரித்தார். எனினும் இந்த சந்திப்பு அரசியல் முக்கியத்துவம் வாய்ந்ததாக கருதப்படுகிறது.
தற்போது விஜயகாந்த் அ.தி.மு.க. கூட்டணியில் இடம்பெறாமல் பிடிவாதம் பிடித்து வருகிறார். அவரை சமாதானம் செய்வதற்கு ரஜினி சென்றதாகவும் தகவல் வெளியாகி உள்ளது.
இதற்கிடையே மக்கள் நீதிமய்யம் கட்சி தலைவர் கமல்ஹாசனும் இன்று விஜயகாந்தை சந்திக்க இருப்பதாக கூறப்படுகிறது.
கமல்ஹாசன் இப்போது கூட்டணி எதுவும் இல்லாமல் தனியாக களம் இறங்கி உள்ளார். அதனால் அவர் விஜயகாந்தை கூட்டணிக்கு சேர அழைப்பு விடுப்பார் என்றும் எதிர்பார்க்கப்படுகிறது. #DMDK #Vijayakanth #Rajinikanth
தே.மு.தி.க. தலைவர் விஜயகாந்த் அமெரிக்காவில் சிகிச்சை முடிந்து சென்னை திரும்பினார். இதன்பிறகு அரசியல் களம் சூடுபிடித்துள்ளது.
விஜயகாந்தை அ.தி.மு.க- பா.ஜனதா கூட்டணியில் சேர்க்க தீவிர முயற்சிகள் மேற்கொள்ளப்பட்டு வருகிறது. அ.தி.மு.க. அணியில் பா.ம.க.வுக்கு 7 தொகுதிகளும், பா.ஜனதா கட்சிக்கு 5 இடங்களும் ஒதுக்கப்பட்டுள்ளன.
இதையடுத்து விஜயகாந்துக்கு 3 முதல் 4 இடங்கள் வரை கொடுப்பதற்கான பேச்சுவார்த்தை நடைபெற்றது.
தமிழக பா.ஜனதா பொறுப்பாளரும் மத்திய மந்திரியுமான பியூஸ்கோயல் விஜயகாந்த் வீட்டுக்கு சென்று பேச்சுவார்த்தை நடத்தினார். ஆனால் விஜயகாந்த் தரப்பில் பா.ம.க.வுக்கு இணையாக தொகுதிகளை ஒதுக்க வேண்டும் என்று நிபந்தனை விதிக்கப்பட்டதால் இழுபறி நீடிக்கிறது.
இதன் காரணமாக விஜயகாந்த் அ.தி.மு.க. அணியில் இடம்பெறுவாரா? என்பது கேள்விக்குறியாகி உள்ளது. அவருடன் மீண்டும் பேச்சுவார்த்தை நடைபெற்று வருகிறது.
இந்த நிலையில் சென்னை சாலிகிராமத்தில் உள்ள விஜயகாந்த் வீட்டுக்கு சென்று ரஜினிகாந்த் அவரை சந்தித்தார். விஜயகாந்தின் நெருங்கிய நண்பரான ரஜினி, அவரது உடல்நலம் பற்றி விசாரித்தார். எனினும் இந்த சந்திப்பு அரசியல் முக்கியத்துவம் வாய்ந்ததாக கருதப்படுகிறது.
தற்போது விஜயகாந்த் அ.தி.மு.க. கூட்டணியில் இடம்பெறாமல் பிடிவாதம் பிடித்து வருகிறார். அவரை சமாதானம் செய்வதற்கு ரஜினி சென்றதாகவும் தகவல் வெளியாகி உள்ளது.
இதற்கிடையே மக்கள் நீதிமய்யம் கட்சி தலைவர் கமல்ஹாசனும் இன்று விஜயகாந்தை சந்திக்க இருப்பதாக கூறப்படுகிறது.
கமல்ஹாசன் இப்போது கூட்டணி எதுவும் இல்லாமல் தனியாக களம் இறங்கி உள்ளார். அதனால் அவர் விஜயகாந்தை கூட்டணிக்கு சேர அழைப்பு விடுப்பார் என்றும் எதிர்பார்க்கப்படுகிறது. #DMDK #Vijayakanth #Rajinikanth