ஹூவாய் பிரான்டு ஹானர் சமீபத்திய ஃபிளாக்ஷிப் ஸ்மார்ட்போனான ஹானர் 10 சர்வதேச சந்தையில் முப்பது லட்சம் யூனிட்கள் விற்பனையாகி இருப்பதாக தெரிவிக்கப்பட்டுள்ளது.
ஸ்மார்ட்போன் அறிமுகமாகி மூன்றே மாதங்களில் இத்தகைய மைல்கல் எட்டப்பட்டு இருப்பதாக ஹானர் தெரிவித்துள்ளது. முதற்கட்டமாக சீனாவில் வெளியிடப்பட்ட ஹானர் 10 பின் இரண்டு மாதங்கள் கழித்து லண்டனில் நடைபெற்ற விழாவில் சர்வதேச சந்தையில் வெளியிடப்பட்டது.
ஹானர் குளோபல் அதிகாரப்பூர்வ ட்விட்டர் தளத்தில் ஹானர் 10 ஸ்மார்ட்போன் சர்வதேச சந்தையில் சுமார் முப்பது லட்சம் யூனிட்கள் விற்பனையாகியுள்ளதை அந்நிறுவனம் தெரிவித்திருக்கிறது. மே மாதத்தில் சுமார் பத்து லட்சம் ஹானர் 10 யூனிட்களை விற்பனை செய்ததை அந்நிறுவனம் அறிவித்திருந்தது. அந்த வகையில் இதுவரை மாதம் சுமார் பத்து லட்சம் ஹானர் 10 யூனிட்களை விற்பனை செய்திருக்கிறது.
ஆன்லைன் தளத்தில் அதிகம் விற்பனையான ஃபிளாக்ஷிப் ஸ்மார்ட்போன் என்ற வகையில் ஹானர் 10 சாதனை படைத்திருந்தது. ரஷ்யாவில் RUB 25,000-30,000 (இந்திய மதிப்பில் ரூ.27,500-ரூ.33,000) விலையில் விற்பனையாகும் ஹானர் 10 அதிகம் விற்பனையாகும் ஸ்மார்ட்போன்களில் ஒன்றாக இருப்பதாக XDA டெவலப்பர்கள் வெளியிட்டிருக்கும் தகவல்களில் தெரிவிக்கப்பட்டுள்ளது. இதேபோன்று ஃபிரான்ஸ் நாட்டிலும் ஹானர் 10 ஸ்மார்ட்போன் அதிகம் விற்பனையாகி வருகிறது.
ஹானர் 10 சிறப்பம்சங்கள்:
- 5.84 இன்ச் ஃபுல் ஹெச்டி பிளஸ் 1080x2240 பிக்சல் எல்சிடி, 2.5D வளைந்த கிளாஸ் டிஸ்ப்ளே
- ஆக்டாகோர் ஹைசிலிகான் கிரின் 970 சிப்செட்
- மாலி-G72 MP12 GPU
- 6 ஜிபி ரேம்
- 16 எம்பி + 24 எம்பி பிரைமரி கேமரா, எல்இடி ஃபிளாஷ், f/1.8
- 24 எம்பி செல்ஃபி கேமரா
- 128 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- டூயல் சிம் ஸ்லாட்
- ஆன்ட்ராய்டு 8.1 ஓரியோ
- அல்ட்ராசோனிக் கைரேகை சென்சார்
- 4ஜி எல்டிஇ, வைபை, ப்ளூடூத், யுஎஸ்பி டைப்-சி
- 3400 எம்ஏஹெச் பேட்டரி
- க்விக் சார்ஜிங் வசதி
இந்தியாவில் ஹானர் 10 ஸ்மார்ட்போன் ஃபேன்டம் புளு மற்றும் மிட்நைட் பிளாக் நிறங்களில் கிடைக்கிறது.
இந்தியாவில் இதன் விலை ரூ.32,999 என நிர்ணயம் செய்யப்பட்டு, ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்படுகிறது.
சீனாவில் ஹானர் 10 CNY 2,599 (இந்திய மதிப்பில் ரூ.26,600) என நிர்ணயம் செய்யப்பட்டுள்ளது. ஐரோப்பாவில் இதன் விலை 399.90 யூரோ (இந்திய மதிப்பில் ரூ.31,800) என நிர்ணயம் செய்யப்பட்டு இருக்கிறது. #Honor10 #smartphone
