காங்கிரஸ் கட்சியில் இருந்து விலகிய குஜராத் எம்.எல்.ஏ. பாஜகவில் இணைந்தார்

அகமதாபாத்:

குஜராத் மாநிலத்தில் காங்கிரஸ் கட்சியை சேர்ந்த சட்டசபை உறுப்பினர்கள் இரண்டு பேர் ஏற்கனவே அக்கட்சியில் இருந்து விலகியுள்ளனர். இந்நிலையில், ஜம்நகர் புறநகர் பகுதியின் எம்.எல்.ஏ.வாக பதவி வகித்த காங்கிரஸ் பிரமுகர் வல்லப் தராவியா என்பவர் இன்று தனது ராஜினாமா கடிதத்தை சபாநாயகர் ராஜேந்திர திரிவேதியிடம் சமர்ப்பித்தார்.

இதனால், கடந்த நான்கு நாட்களில் காங்கிரஸ் கட்சியில் இருந்து விலகிய எம்.எல்.ஏ.க்களின் எண்ணிக்கை மூன்றாக உயர்ந்துள்ளது.

இதற்கிடையில், காங்கிரஸ் கட்சியில் இருந்து சமீபத்தில் விலகிய புருஷோத்தம் சவாரியா இன்று பா.ஜ.க.வில் இணைந்தார். #GujaratMLA #PurushottamSawariya #GujaratMLAjoinsBJP