டெல்லி எய்ம்ஸ் மருத்துவமனை டாக்டர்கள் மூவர் சாலை விபத்தில் உயிரிழப்பு

லக்னோ:

டெல்லி எய்ம்ஸ் மருத்துவமனையில் பணியாற்றி வரும் மூன்று டாக்டர்கள் ஒரே காரில் உத்தரப்பிரதேசம் மாநிலம் யமுனா அதிவிரைவுச் சாலையில் இன்று சென்று கொண்டிருந்தனர். மதுரா அருகே காரானது முன்னே சென்று கொண்டிருந்த கண்டெய்னர் லாரி மீது பயங்கரமாக மோதியதாக கூறப்படுகிறது.

இந்த கோர விபத்தில் சம்பவ இடத்திலேயே மூவரும் பலியானதாக தகவல்கள் தெரிவிக்கின்றன. விபத்து குறித்து மதுரா போலீசார் விசாரணை நடத்தி வருகின்றனர்.