தங்கம் விலை சவரனுக்கு ரூ.280 குறைந்தது

சென்னை:

சென்னையில் கடந்த 20-ந்தேதி ஒரு பவுன் தங்கம் ரூ.25 ஆயிரத்து 808 ஆக இருந்தது. பின்னர் விலை படிப்படியாக குறைந்தது. நேற்று பவுனுக்கு ரூ.80 குறைந்து ரூ.25 ஆயிரத்து 464-க்கு விற்றது.

இன்று அதிரடியாக மேலும் பவுனுக்கு ரூ.280 குறைந்தது. ஒரு பவுன் ரூ.25 ஆயிரத்து 184 ஆக உள்ளது. கிராமுக்கு ரூ.35 குறைந்து ரூ.3,148-க்கு விற்கிறது.

வெள்ளி கிலோவுக்கு ரூ.600 குறைந்தது. ஒரு கிலோ ரூ. 42 ஆயிரத்து 700 ஆகவும், ஒரு கிராம் ரூ.42.70 ஆகவும் உள்ளது.