அதிமுக கூட்டணியில் தேமுதிக நிச்சயம் இணையும் - ஜெயக்குமார் நம்பிக்கை

சென்னை:

பாராளுமன்ற தேர்தலையொட்டி, கூட்டணி அமைப்பதிலும், தொகுதி பங்கீடுகளை முடிப்பதிலும் அ.தி.மு.க. தீவிரம் காட்டி வருகிறது. கடந்த பாராளுமன்ற தேர்தலில் தனித்து களம் கண்டு 37 தொகுதிகளில் வெற்றி பெற்ற அ.தி.மு.க. இந்த முறை மெகா கூட்டணியுடன், தேர்தலை சந்திக்க இருக்கிறது. அ.தி.மு.க. கூட்டணியில் இணைந்த பா.ம.க.வுக்கு 7 தொகுதிகள் ஒதுக்கப்பட்டன. பா.ஜ.க.வுக்கு 5 தொகுதிகள் ஒதுக்கப்பட்டன. புதுச்சேரி தொகுதி என்.ஆர்.காங்கிரசுக்கு ஒதுக்கீடு செய்யப்பட்டுள்ளது.

அ.தி.மு.க. - தே.மு.தி.க. கூட்டணி இழுபறி முடிவுக்கு வருமா? என்பது குறித்து பேச்சுவார்த்தை நடைபெற்று வருகிறது. இன்னும் முடிவு எட்டப்படவில்லை.

இந்த நிலையில் அமைச்சர் ஜெயக்குமார் செய்தியாளர்களிடம் கூறியதாவது:-

விஜயகாந்துடனான சந்திப்பு குறித்து திருநாவுக்கரசர் அல்லது ஸ்டாலின் விளக்கம் அளிக்க வேண்டும். அதிமுக கூட்டணியில் இன்னும் பல்வேறு கட்சிகள் இணைய உள்ளன. அதிமுக கூட்டணியில் தேமுதிக நிச்சயம் இணையும்.

இவ்வாறு அவர் கூறினார். #ministerjayakumar #admk #dmdk #parliamentelection