தேவையான பொருட்கள் முள்ளங்கி - 1,
வெங்காயம் - 1,
பச்சை மிளகாய் - 1,
காய்ந்த மிளகாய் - 1,
பயத்தம்பருப்பு - 1 டேபிள்ஸ்பூன்,
தேங்காய்த்துருவல் - 1 டேபிள்ஸ்பூன்,
வறுத்த வேர்கடலை உடைத்தது - 1 டேபிள் ஸ்பூன்,
உப்பு - தேவைக்கு,
தாளிக்க கடுகு, உளுந்தம் பருப்பு, கறிவேப்பிலை, எண்ணெய் - தேவைக்கு.
செய்முறை : பயத்தம்பருப்பை நன்றாக கழுவி ஊற வைத்து கொள்ளவும்.
வெங்காயம், ப.மிளகாயை பொடியாக நறுக்கி கொள்ளவும்.
முள்ளங்கியை தோல் நீக்கி பொடியாக நறுக்கி கொள்ளவும்.
கடாயை அடுப்பில் வைத்து எண்ணெய் ஊற்றி சூடானதும் கடுகு, உளுந்தம்பருப்பு, கறிவேப்பிலை, காய்ந்தமிளகாய் போட்டு தாளித்த பின்னர் பச்சைமிளகாய், வெங்காயத்தை போட்டு பொன்னிறமாக வதக்கவும்.
அடுத்து அதில் ஊறிய பயத்தம்பருப்பு, முள்ளங்கி, உப்பு சேர்த்து வதக்கவும்.
முள்ளங்கி வேக சிறிது தண்ணீர் தெளித்து மூடிவைத்து மிதமான தீயில் வேக வைக்கவும்.
முள்ளங்கி வெந்ததும் தேங்காய்த்துருவல், வேர்க்கடலை போட்டு பிரட்டி பரிமாறவும்.
சூப்பரான சத்தான முள்ளங்கி பொரியல் ரெடி.
இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்
