நீங்கள் தேடியது "வடுகபட்டி"

தாராபுரம் :

தமிழ்நாடு மின்சார வாரியம் தாராபுரம் கோட்ட செயற்பொறியாளர் வ.பாலன் வெளியிட்டுள்ள செய்திக்குறிப்பில் கூறப்பட்டு இருப்பதாவது :- வடுகபட்டி துணை மின் நிலையத்தில் 12-ந் தேதி பராமரிப்பு பணி நடக்கிறது.

இதனால் அன்றைய தினம் காலை 9 மணி முதல் மதியம் 2 மணிவரை வடுகபட்டி, குமாரபாளையம், மூக்குதரித்தான்பாளையம், சுள்ளி பெருக்கலாம்பாளையம், சம்மங்கரை, வண்ணாபட்டி, பட்டுத் துறை, வரப்பட்டி, நீலாங்காளிவலசு மற்றும் பி.ராமபட்டினம் உள்ளிட்ட பகுதிகளில் மின் வினியோகம் இருக்காது. இவ்வாறு அந்த செய்திக்குறிப்பில் கூறப்பட்டுள்ளது.

தாராபுரம் :

தாராபுரம் வட்டம் குமாரபாளையம் ஊராட்சி வடுகபட்டியில்ரூ.190 கோடி மதிப்பீட்டில் 110 ஏக்கரில் நிறுவப்பட்டுள்ள தனியார் துறை துணை மின் நிலையம் மற்றும் 25 மெகாவாட் சூரிய ஒளி மின்சக்தி உற்பத்தி திட்டத்தை தமிழக செய்தித்துறை அமைச்சர் மு.பெ.சாமிநாதன், ஆதிதிராவிடர் நலத்துறை அமைச்சர் கயல்விழி செல்வராஜ் ஆகியோர் தொடங்கி வைத்தனர்.

இந்நிகழ்ச்சியில் கோவை மண்டல மின்சார வாரிய முதன்மைபொறியாளர் வினோதன், திருப்பூர் மாநகராட்சி 4-ம் மண்டலத்தலைவர்இல.பத்மநாபன், இந்திய காற்றாலை மின் உற்பத்தி உரிமையாளர்கள்சங்க தலைவர் கஸ்தூரிரங்கன் உள்ளிட்ட ஏராளமான தொழில்முனைவோர் பங்கேற்றனர்.