நீங்கள் தேடியது "Vodafone"

வோடபோன் நிறுவன பிரீபெயிட் பயனர்களுக்கு ரூ.199 சலுகை மாற்றியமைக்கப்பட்டு இருக்கிறது. அந்த வகையில் பழைய சலுகையில் பயனர்களுக்கு இருமடங்கு டேட்டா வழங்கப்படுகிறது. தேர்வு செய்யப்பட்ட பயனர்களுக்கு மட்டும் அறிவிக்கப்பட்டு இருக்கும் ரூ.199 சலுகையில் தினமும் அதிகபட்சம் 2.8 ஜிபி 3ஜி/4ஜி டேட்டா வழங்கப்படுகிறது.

28 நாட்கள் வேலிடிட்டி கொண்டிருக்கும் இந்த சலுகையில் பயனர்களுக்கு மொத்தம் 78.4 ஜிபி டேட்டா கிடைக்கும். இந்த சலுகையில் அன்லிமிட்டெட் வாய்ஸ் கால் வழங்கப்படுகிறது. எனினும் எஸ்.எம்.எஸ். சலுகைகள் வழங்கப்படவில்லை.

இதுகுறித்து டெலிகாம்டாக் வெளியிட்டிருக்கும் அறிக்கையில், வோடபோன் தனது ரூ.199 சலுகையை மேம்படுத்தி தற்சமயம் தினமும் 2,8 ஜிபி டேட்டா வழங்குவதாக தெரிவிக்கப்பட்டுள்ளது. முன்னதாக இந்த சலுகையில் தினமும் 1.4 ஜிபி டேட்டா வழங்கப்பட்டு இருந்தது குறிப்பிடத்தக்கது. எனினும் இந்த சலுகை தேர்வு செய்யப்பட்ட பயனர்களுக்கு மட்டுமே வழங்கப்படுகிறது.

அன்லிமிட்டெட் அழைப்புகளின் படி பயனர்கள் தினமும் 250 நிமிடங்களும், வாரம் 1000 நிமிடங்களும் பேச முடியும். புதிய மாற்றத்தின் படி வோடபோன் ஒரு ஜிபி டேட்டாவின் கட்டணத்தை ரூ.2.54 விலையில் வழங்குகிறது.

ரிலையன்ஸ் ஜியோ ரூ.198 பிரீபெயிட் சலுகையில் பயனர்களுக்கு தினமும் 2 ஜிபி டேட்டா, அன்லிமிட்டெட் வாய்ஸ் கால், தினமும் 100 எஸ்.எம்.எஸ்., ஜியோ செயலிகளை இலவசமாக பயன்படுத்தும் வசதி உள்ளிட்டவை வழங்கப்படுகிறது. #Vodafone #telecom

வோடபோன் இந்தியா மற்றும் ஐடியா செல்லுலார் நிறுவனங்கள் இணைய மத்திய டெலிகாம் துறை அனுமதி அளித்திருக்கிறது. டெலிகாம் துறையில் மிகப்பெரிய ஒப்பந்தமாக பார்க்கப்படும் நிலையில், பாரதி ஏர்டெல் நிறுவனம் முதலிடத்தை இழக்க இருக்கிறது.

கடந்த 15 ஆண்டுகளாக டெலிகாம் சந்தையில் முதலிடத்தில் இருக்கும் பாரதி ஏர்டெல், வோடபோன் மற்றும் ஐடியா இணையும் பட்சத்தில் முதலிடத்தை இழக்கலாம் என கூறப்படுகிறது. மார்ச் 2017-ம் ஆண்டு இரண்டு நிறுவனங்களிடையேயான ஒப்பந்தம் அறிவிக்கப்பட்ட நிலையில் டெலிகாம் துறை விதிமுறைகளுடன் இதற்கான ஒப்புதலை வழங்கி இருக்கிறது.

இருநிறுவனங்களின் ஒப்பந்தத்திற்கான அனுமதியளிக்க ரூ.7268 கோடி செலுத்த வேண்டும் என தெரிவிக்கப்பட்டு இருக்கிறது. அதன்படி ஐடியா நிறுவனத்தின் ஒருமுறை ஸ்பெக்டரம் கட்டண தொகை வங்கி உத்தரவாதமாக ரூ.3342 கோடியும், ஏலம் விடப்படாத வோடபோன் நிறுவன சந்தை கட்டணம் ரூ.3,926 கோடி நிர்ணயம் செய்யப்பட்டு இருப்பதாக கூறப்படுகிறது.

வங்கி உத்தரவாத தொகையை ஐடியா செல்லுலார் எதிர்க்கலாம் என எதிர்பார்க்கப்படுகிறது. முன்னதாக டெலினார் ஐடியா நிறுவனத்தை பாரதி ஏர்டெல் கைப்பற்றும் போதும் இதேபோன்ற சூழல் ஏற்பட்டது. ஐடியா மற்றும் வோடபோன் சார்பில் இந்த விவகாரம் குறித்து எவ்வித தகவலும் வழங்கப்படவில்லை. சட்ட ரீதியிலான நகர்வுகள் மற்றும் மத்திய டெலிகாம் துறை நடவடிக்கைகளின் காரணமாக இருநிறுவன இணைப்பு மேலும் தாமதம் ஆகலாம் என எதிர்பார்க்கப்படுகிறது.

கோப்பு படம்

இரண்டு நிறுவனங்களும் தங்களுக்கு நிர்ணயிக்கப்பட்ட தொகையை செலுத்தும் பட்சத்தில் மத்திய டெலிகாம் துறை வோடபோன் இந்தியா உரிமம் மற்றும் வோடபோன் மொபைல் சர்வீசஸ் லிமிட்டெட் உரிமங்களை ஐடியா செல்லுலாருக்கு மாற்றும் பணிகளை துவங்கும். இவ்வாறு நடைபெறும் பட்சத்தில் இருநிறுவனங்களின் இணைப்பு நிறைவுறும் என மூத்த அதிகாரி ஒருவர் தெரிவித்து இருக்கிறார். 

மற்ற விதிமுறைகளை பொருத்த வரை டெலிகாம் துறை வைத்திருக்கும் வோடபோனின் வங்கி உத்தரவாத தொகையான ரூ.6452 கோடியை ஐடியா தன்வசம் மாற்ற வேண்டும். தற்சமயம் டெலிகாம் துறையால் நிறுத்தி வைக்கப்பட்டு இருக்கும் இறுதி முடிவு எட்டப்படும் பட்சத்தில், இருநிறுவனங்கள் இணைப்புக்கு பின் உரிமம் வைத்திருப்பவர் என்ற முறையில் ஐடியா நிறுவனம் வோடபோனின் ஒருமுறை ஸ்பெக்ட்ரம் கட்டணத்தை செலுத்த ஒப்புக் கொள்வதாக உறுதியளிக்க வேண்டும். 

இருநிறுவனங்கள் இணைப்பு மூலம் வோடபோன் ஐடியா லிமிட்டெட் என்ற புதிய நிறுவனம் உருவாகும், இந்நிறுவனம் ரிலையன்ஸ் ஜியோ மற்றும் பாரதி ஏர்டெல் நிறுவனங்களால் ஏற்பட்டு இருக்கும் போட்டியை எதிர்கொள்ள முடியும் என எதிர்பார்க்கப்படுகிறது. தனித்தனியே ஐடியா மற்றும் வோடபோன் நிறுவனங்கள் இணைந்து ஜியோ மற்றும் ஏர்டெல் ஏற்படுத்தும் போட்டியை எதிர்கொள்ள முடியாத சூழலில் பயனர்கள் மற்றும் லாபம் உள்ளிட்டவற்றை இழந்து வருகின்றன.

வோடபோன் மற்றும் ஐடியா நிறுவனங்கள் இணைந்து வருவாய் சந்தையில் 37.5% பங்குகளையும், வாடிக்கையாளர்கள் சந்தையில் 39% பங்குகளுடன் டெலிகாம் சந்தையில் தனிப்பெரும் நிறுவனமாக உருவெடுக்கும் என கணிக்கப்பட்டுள்ளது. 

வோடபோன் நிறுவன போஸ்ட்பெயிட் பயனர்களுக்கு குறைந்த கட்டணத்தில் சலுகைகள் அறிவிக்கப்பட்டுள்ளன. புதிய சலுகைகளுடன் மொபைல் இன்சூரன்ஸ், அன்லிமிட்டெட் சர்வதேச ரோமிங் சலுகைகள், பொழுதுபோகுக்கு தரவுகள் மற்றும் இதர சலுகைகள் வழங்கப்படுகின்றன.

ரெட் பேசிக் சலுகை விலை ரூ.299 முதல் துவங்கி அதிகபட்சம் சிக்னேச்சர் சலுகை விலை ரூ.2,999 என விலை நிர்ணயம் செய்யப்பட்டுள்ளது.

என்டர்டெயின்மென்ட் சலுகையின் கீழ் அமேசான் பிரைம் சேவைகளுக்கு 12 மாத இலவச சந்தா, 12 மாதங்களுக்கு வோடபோன் பிளே இலவசமாக வழங்கப்படுகிறது. இதன் மூலம் அன்லிமிட்டெட் தொலைகாட்சி, புதிய திரைப்படங்கள், டிவி நிகழ்ச்சிகள் உள்ளிட்டவற்றை பார்க்க முடியும். ரெட் இன்டர்நேஷனல், ரெட் இன்டர்நேஷனல் பிளஸ், ரெட் சிக்னேச்சர் மற்றும் ரெட் சிக்னேச்சர் பிளஸ் சலுகைகளில் அதிகபட்சம் 12 மாதங்களுக்கு நெட்ஃப்ளிக்ஸ் சந்தா வழங்கப்படுகிறது.

உலகின் 20 நாடுகளுக்கு அன்லிமிட்டெட் இலவச அழைப்புகள் மற்றும் டேட்டா உள்ளிட்டவை நாள் ஒன்றுக்கு ரூ.180 விலையில் ஆட்-ஆன் பேக் வடிவில் வழங்கப்படுகிறது.

ரெட் என்டர்டெயின்மென்ட் பிளஸ் சலுகை மற்றும் அதற்கும் அதிக விலையில் சலுகைகளை தேர்வு செய்யும் பயனர்களுக்கு மொபைல் இன்சூரன்ஸ் வழங்கப்படுகிறது. இதை கொண்டு பயனர்கள் தங்களின் ஸ்மார்ட்போன்களை எவ்வித சேதங்களில் இருந்தும் பாதுகாத்து கொள்ள முடியும். வாழ்நாள் முழுக்க பயனர்கள் எத்தனை முறை வேண்டுமானாலும் தங்களது ஸ்மார்ட்போனினை மாற்றிக் கொண்டு புதிய சாதனத்திற்கும் இன்சூரன்ஸ் பெற முடியும்.

வோடபோன் நிறுவன போஸ்ட்பெயிட் பயனர்களுக்கு அந்நிறுவனம் புதிய சலுகையை அறிவித்துள்ளது. பேசிக் ரெட் சலுகையின் கீழ் பயனர்களுக்கு அன்லிமிட்டெட் வாய்ஸ் கால், தினசரி டேட்டா உள்ளிட்டவை வழங்கப்படுகிறது.

புதிய ரூ.299 வோடபோன் ரெட் பேசிக் போஸ்ட்பெயிட் சலுகை அந்நிறுவனத்தின் விலை குறைந்த சலுகையாக இருக்கிறது. மற்ற ரெட் சலுகைகளை போன்றே இந்த சலுகையிலும் வோடபோன் அன்லிமிட்டெட் வாய்ஸ் கால், இலவச ரோமிங், தினமும் 100 எஸ்எம்எஸ், 20 ஜிபி 3ஜி/4ஜி டேட்டா மற்றும் அதிகபட்சம் 50 ஜிபி டேட்டாவுக்கு ரோல்ஓவர் சலுகை உள்ளிட்டவை வழங்கப்படுகிறது. 

மேலும் புதிய சலுகையுடன் 12 மாதங்களுக்கு வோடபோன் பிளே சந்தா இலவசமாக வழங்கப்படுகிறது. இந்த சலுகை செயலியில் மட்டும் பட்டியலிடப்பட்டு இருப்பதோடு தற்சமயம் தேர்வு செய்யப்பட்ட பயனர்களுக்கு மட்டும் வழங்கப்படுவதாக கூறப்படுகிறது.

ரிலையன்ஸ் ஜியோ போஸ்ட்பெயிட் சலுகையில் அன்லிமிட்டெட் வாய்ஸ் கால், தினமும் 100 எஸ்எம்எஸ், ஜியோ செயலிகளை இலவசமாக பயன்படுத்தும் வசதி, 25 ஜிபி 4ஜி டேட்டா உள்ளிட்டவை வழங்கப்படுகிறது. பாரதி ஏர்டெல் போஸ்ட்பெயிட் பயனர்களுக்கு 20 ஜிபி 4ஜி டேட்டா, ரோல்ஓவர் வசதி, அன்லிமிட்டெட் இலவச வாய்ஸ் கால் உள்ளிட்டவை ரூ.399-க்கு வழங்கப்படுகிறது.

முன்னதாக வோடபோன் ரெட் பேசிக் 399 சலுகை, ரெட் என்டர்டெயின்மென்ட் என பெயர் மாற்றப்பட்டு பயனர்களுக்கு 40 ஜிபி 3ஜி / 4ஜி டேட்டா வழங்குவதாக அறிவிக்கப்பட்டது. ஏற்கனவே இந்த திட்டத்தில் 20 ஜிபி டேட்டா வழங்கப்பட்டது குறிப்பிடத்தக்கது. 

இந்த சலுகையில் 200 ஜிபி வரை டேட்டா ரோல்ஓவர், ஒரு வருட வோடபோன் பிளே சந்தா, ஒரு வருட அமேசான் பிரைம் சந்தா உள்ளிட்டவை வழங்கப்படுகிறது. இத்துடன் அன்லிமிட்டெட் உள்ளூர் மற்றும் தேசிய அழைப்புகள், ரோமிங் உள்ளிட்டவை வழங்கப்படுகிறது.

இந்திய டெலிகாம் சந்தையில் ரிலையன்ஸ் ஜியோ வரவுக்கு பின் முன்னணி டெலிகாம் நிறுவனங்களும் தங்களது சேவை கட்டணங்களை குறைத்து வருகின்றன. இதனால் அன்லிமிட்டெட் வாய்ஸ் கால் மற்றும் மலிவு விலையில் டேட்டா உள்ளிட்டவை வழங்கப்படுகின்றன. ஜியோவுடனான போட்டியை பலப்படுத்த வோடபோன் தனது போஸ்ட்பெயிட் சலுகைகளை மாற்றியமைத்து இருக்கிறது. 

வோடபோன் ரெட் பேசிக் 399 சலுகை தற்சமயம் ரெட் என்டர்டெயின்மென்ட் என பெயர் மாற்றப்பட்டுள்ளது. மாற்றியமைக்கப்பட்ட சலுகையில் பயனர்களுக்கு 40 ஜிபி 3ஜி / 4ஜி டேட்டா வழங்கப்படுகிறது, முன்னதாக இந்த திட்டத்தில் 20 ஜிபி டேட்டா வழங்கப்பட்டது குறிப்பிடத்தக்கது.

இந்த சலுகையில் 200 ஜிபி வரை டேட்டா ரோல்ஓவர், ஒரு வருட வோடபோன் பிளே சந்தா, ஒரு வருட அமேசான் பிரைம் சந்தா உள்ளிட்டவை வழங்கப்படுகிறது. இத்துடன் அன்லிமிட்டெட் உள்ளூர் மற்றும் தேசிய அழைப்புகள், ரோமிங் உள்ளிட்டவை வழங்கப்படுகிறது.

வோடபோன் ரெட் டிராவலர் ரூ.499 திட்டம் தற்சமயம் ரெட் என்டர்டெயின்மென்ட் பிளஸ் என பெயர் மாற்றப்பட்டுள்ளது. புதிய திட்டத்தில் தற்சமயம் 75 ஜிபி டேட்டா வழங்கப்படுகிறது. முன்னதாக இந்த சலுகையில் 40 ஜிபி டேட்டா வழங்கப்பட்டது குறிப்பிடத்தக்கது. 

டேட்டாவுடன் அன்லிமிட்டெட் உள்ளூர், வெளியூர் அழைப்புகள், அன்லிமிட்டெட் ரோமிங் மற்றும் 200 ஜிபி டேட்டா ரோல்ஓவர், ஒரு வருட வோடபோன் பிளே சந்தா, ஒரு வருட அமேசான் பிரைம் சந்தா உள்ளிட்டவை வழங்கப்படுகிறது. இத்துடன் ரூ.300 மதிப்புள்ள டிவைஸ் ப்ரோடெக்ஷன் முற்றிலும் இலவசமாக வழங்கப்படுகிறது.

ரிலையன்ஸ் ஜியோ ரூ.199 போஸ்ட்பெயிட் சலுகையில் மாதம் 25 ஜிபி டேட்டா, அன்லிமிட்டெட் அழைப்புகள், அன்லிமிட்டெட் எஸ்எம்எஸ் வழங்கப்படுகிறது. மாதம் நிர்ணயிக்கப்பட்ட 25 ஜிபி டேட்டா நிறைவுற்றதும், ஒரு ஜிபி டேட்டா ரூ.20 கட்டணத்தில் தொடர்ந்து அதிவேக டேட்டா பயன்படுத்த முடியும்.

ஏர்டெல் நிறுவனத்தின் ரூ.399 மற்றும் ரூ.499 போஸ்ட்பெயிட் சலுகைகளும் மாற்றியமைக்கப்பட்டன. இவற்றில் அன்லிமிட்டெட் அழைப்புகள், அன்லிமிட்டெட் ரோமிங் வழங்கப்படுகிறது. ரூ.399 சலுகையில் 20 ஜிபி டேட்டா, ரூ.499-க்கு 40 ஜிபி டேட்டா, ஒரு வருட அமேசான் பிரைம் சந்தா உள்ளிட்டவை வழங்கப்படுகிறது.

புதுடெல்லி:

பாரதி ஏர்டெல் மற்றும் ஐடியா செல்லுலார் நிறுவனங்கள் கூட்டாக இணைந்து ஒரு கோடி வாடிக்கையாளர்களை ஏப்ரல் 2018-இல் சேர்த்துள்ளன. இதே காலக்கட்டத்தில் வோடபோன் நிறுவனம் சுமார் 6.64 லட்சம் வாடிக்கையாளர்களை இழந்துள்ளது. இந்த தகவல்கள் இந்திய செல்லுலார் கூட்டமைப்பு வெளியிட்ட அறிக்கையில் தெரியவந்துள்ளது.

ஐடியா செல்லுலார் நிறுவனம் அதிகபட்சமாக 55.5 லட்சம் வாடிக்கையாளர்களை சேர்த்துள்ளது. இதன் மூலம் ஐடியா செல்லுலார் சேவையை பயன்படுத்துவோர் எண்ணிக்கை சுமார் 21.67 கோடியாக அதிகரித்துள்ளது என இந்திய செல்லுலார் கூட்டமைப்பு வெளியிட்ட அறிக்கையில் குறிப்பிடப்பட்டுள்ளது.

மார்ச் 2018 வரையிலான காலகட்டத்தில் மட்டும் இந்தியாவில் சேவை வழங்கும் தனியார் டெலிகாம் நிறுவனங்களில் சுமார் 104.9 கோடி வாடிக்கையாளர்கள் உள்ளனர், இவற்றில் ஏர்செல், ரிலையன்ஸ் ஜியோ, எம்டிஎன்எல் மற்றும் டெலினார் நிறுவனங்களும் அடங்கும். என செல்லுலார் கூட்டமைப்பு வெளியிட்ட தகவல்கள் தெரிவிக்கின்றன.

கோப்பு படம்

இம்மாதம் மொபைல் வாடிக்கையாளர்கள் எண்ணிக்கையின் வளர்ச்சி ஊக்குவிக்கும் வகையில் உள்ளது. டெலிகாம் துறையில் சீரான கனெக்டிவிட்டி நாடு முழுக்க வழங்குவதற்கான பணிகள் தொடர்ந்து மேற்கொள்ளப்படுவதாக இந்திய செல்லுலார் கூட்டமைப்பு நிர்வாக இயக்குனர் ராஜன் எஸ் மேத்யூ தெரிவித்தார்.

இந்தியாவில் 30.86 கோடி வாடிக்கையாளர்களுடன் பாரதி ஏர்டெல் நிறுவனம் முன்னணி இடத்தில் உள்ளது. ஏப்ரல் 2018 காலகட்டத்தில் ஏர்டெல் நிறுவனம் சுமார் 45 லட்சம் வாடிக்கையாளர்களை சேர்த்துள்ளது. ஏர்டெல் நிறுவனத்தை தொடர்ந்து வோடபோன் இந்தியா சுமார் 22.2 கோடி வாடிக்கையாளர்களை பெற்றிருப்பதாக இந்திய செல்லுலார் கூட்டமைப்பு வெளியிட்ட அறிக்கையில் தெரிவிக்கப்பட்டுள்ளது.

நாட்டில் உள்ள 22 டெலிகாம் வட்டாரங்களில் 12 இடங்களில் வோடபோன் நிறுவனம் சுமார் 6.64 லட்சம் வாடிக்கையாளர்களை இழந்துள்ளது. அதிகபட்சமாக மத்திய பிரதேச மாநிலத்தில் வோடபோன் சேவையை பயன்படுத்தியதில் 2.42 லட்சம் பேர் வெளியேறியுள்ளனர். இதைத்தொடர்ந்து மகாராஷ்ட்ரா, பஞ்சாப், பீகார், உத்திர பிரதேசம் மேற்கு உள்ளிட்ட பகுதிகள் உள்ளன.