நீங்கள் தேடியது "Shivaji Memorial Day"

மதுரை

நடிகர் சிவாஜிகணேசனின் நினைவு தினத்தை முன்னிட்டு மதுரை மாவட்ட கோர்ட்டு அருகில் உள்ள அவரது சிலைக்கு காங்கிரஸ் கட்சியின் மதுரை மாவட்ட துணைத்தலைவர் டாக்டர் ரவிசந்திரன் தலைமையில் பஞ்சாயத்துராஜ் மாவட்ட தலைவர் முத்துக்குமார் முன்னிலையில், காங்கிரஸ் மனித உரிமைத்துறை மாநில பொதுச்செயலாளர் பி.ஜே.காமராஜ் மாலை அணிவித்து மரியாதை செலுத்தினார்.

இதில் சிவாஜி மன்ற செயலாளர் நாகராஜன், மதுரைமாவட்ட பொதுச்செயலாளர் போஸ், பகுதி தலைவர்கள் பூக்கடை கண்ணன், மீனாட்சிசுந்தரம், பிச்சாலு உள்பட பலர் கலந்து கொண்டனர்.

மதுரை

நடிகர் திலகம் சிவாஜி கணேசனின் 21-ம் ஆண்டு நினைவு நாள் இன்று அனுசரிக்கப்படுகிறது. இதையொட்டி மதுரை மாவட்ட கோர்ட்டு அருகில் உள்ள சிவாஜி சிலைக்கு, மாநகர் மாவட்ட காங்கிரஸ் தலைவர் கார்த்திகேயன் மற்றும் நிர்வாகிகள் மாலை அணிவித்து மரியாதை செய்தனர்.

இதே போல் மதுரா கோட்ஸ் பாலத்தின் கீழ் உள்ள சிவாஜி சிலைக்கு மலர் மாலை அணிவித்து அஞ்சலி செலுத்தப்பட்டது. புதூர் அரசு போக்குவரத்து கழக டிப்போ அருகில் உள்ள சத்தியமூர்த்தி பவன் வாசக சாலை முன்பு, சிவாஜி படத்துக்கு பொதுமக்கள் அஞ்சலி செலுத்தினர்.

பூந்தோட்டம் பகுதியில் பொதுமக்களுக்கு அன்னதானம் வழங்கப்பட்டது.

திருப்பூர்:

திருப்பூர் மாவட்ட அகில இந்திய சிவாஜி மன்றம் சார்பில் நடிகர் திலகம் சிவாஜியின் 21வது ஆண்டு நினைவு தினத்தையொட்டி திருப்பூர் டைமண்ட் தியேட்டர் அருகில் சிவாஜியின் உருவப்படத்திற்கு மலர்தூவி மரியாதை செலுத்தினர். நிகழ்ச்சிக்கு பொதுசெயலாளர் அஸ்லாம் தலைமை தாங்கினார். திருப்பூர் மாவட்ட அகில இந்திய சிவாஜி மன்ற தலைவர் அரிமா சத்ருக்கன் முன்னிலை வகித்தார்.

செயலாளர் பிரசன்ன குமார், துணைச் செயலாளர் சிவக்குமார் பிரபு, கோச் கிருஷ்ணன், சிவாஜி ராம், கேரளா செல்வம், மக்கள் மாமன்ற தலைவர் சுப்பிரமணியம், நிர்வாகிகள் கே.ஆர். சிவானந்தம், வின்சென்ட் ராஜ், ராஜா, கணேசன், பாண்டியன் மற்றும் நிர்வாகிகள் பலர் கலந்து கொண்டனர்.

தொடர்ந்து இன்று மாலை சிவாஜி கணேசன் படங்களின் நிலைத்த புகழுக்கு பெரிதும் துணை நிற்பது என்ற தலைப்பில் பட்டிமன்றம் நடைபெறுகிறது. அதனைத் தொடர்ந்து பொதுமக்களுக்கு இலவச மரக்கன்றுகளும் வழங்கப்படுகிறது. நிகழ்ச்சிக்கான ஏற்பாடுகளை திருப்பூர் மாவட்ட அகில இந்திய சிவாஜி மன்ற நிர்வாகிகள் செய்துள்ளனர்.