நீங்கள் தேடியது "BANvWI"

வங்காளதேசம் - வெஸ்ட் இண்டீஸ் அணிகளுக்கு இடையிலான 2-வது டி20 டாக்காவில் நடைபெற்றது. முதலில் பேட்டிங் செய்த வங்காள தேசம் 4 விக்கெட் இழப்பிற்கு 211 ரன்கள் குவித்தது.

பின்னர் 212 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. லெவிஸ் - ஷாய் ஹோப் ஆகியோர் தொடக்க வீரர்களாக களம் இறங்கினார்கள். லெவிஸ் 1 ரன்னில் ஆட்டமிழந்தார். அடுத்து வந்த பூரன் 14 ரன்னிலும், ஹெட்மையர் 19 ரன்னிலும் வெளியேறினார்கள்.

அதிரடி காட்டிய ஷாய் ஹோப் 19 பந்தில் 6 பவுண்டரியுடன் 36 ரன்கள் சேர்த்து ஆட்டமிழந்தார். இவர் ஆட்டமிழந்ததும் வெஸ்ட் இண்டீஸ் அணிக்கு நெருக்கடி ஏற்பட்டது. ஆர் பொவேல் 34 பந்தில் 50 ரன்கள் எடுத்து ஆட்டமிழந்ததார். மற்ற வீரர்கள் சொற்ப ரன்களில் ஆட்டமிழக்க வெஸ்ட் இண்டீஸ் 19.2 ஓவரில் 175 ரன்கள் எடுத்து ஆல்அவுட் ஆனது. இதனால் வங்காள தேசம் 36 ரன்கள் வித்தியாசத்தில் வெற்றி பெற்றது. ஷாகிப் அல் ஹசன் 5 விக்கெட்டுக்கள் வீழ்த்தினார்.

இதனால் தொடர் 1-1 சமநிலையில் உள்ளது. 3-வது டி20 கிரிக்கெட் போட்டி 22-ந்தேதி நடக்கிறது. இதில் வெற்றிபெறும் அணி தொடரை கைப்பற்றும்.

வங்காளதேசம் - வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட டி20 கிரிக்கெட் தொடர் நடைபெற்று வருகிறது. சியால்ஹெட்டில் நடைபெற்ற முதல் ஆட்டத்தில் வெஸ்ட் இண்டீஸ் வங்காளதேசத்தை துவம்சம் செய்தது. முதலில் பேட்டிங் செய்த வங்காளதேசம் 19 ஓவரில் 129 ரன்கள் சேர்த்து ஆல்அவுட் ஆனது.

பின்னர் 130 ரன்கள் எடுத்தால் வெற்றி என்ற இலக்குடன் களம் இறங்கிய வெஸ்ட் இண்டீஸ் 10.5 ஓவரிலேயே இலக்கை எட்டி 8 விக்கெட் வித்தியாசத்தில் வெற்றி பெற்றது.

இன்று டாக்காவில் 2-வது போட்டி நடைபெற்று வருகிறது. டாஸ் வென்ற வெஸ்ட் இண்டீஸ் பீல்டிங் தேர்வு செய்தது. முதல் போட்டியில் 130 ரன்னை 10.5 ஓவரிலேயே சேஸிங் செய்ததால், மிகப்பெரிய டார்கெட் நிர்ணயிக்க வங்காளதேச தொடக்க வீரர்களான தமிம் இக்பால், லித்தோன் தாஸ் ஆகியோர் தொடக்கம் முதலே அதிரடியாக விளையாடினார்கள்.

குறிப்பாக லித்தோன் தாஸ் ருத்ரதாண்டவம் ஆடினார்கள். தமிம் இக்பால் 16 பந்தில் 15 ரன்கள் சேர்த்து ஆட்டமிழந்தார். அடுத்து லித்தோன் தாஸ் உடன் சவுமியா சர்கார் ஜோடி சேர்ந்தார். சவுமியா சர்கார் 22 பந்தில் 3 பவுண்டரி, ஒரு சிக்சருடன் 32 ரன்கள் குவித்து ஆட்டமிழந்தார்.

லித்தோன் தாஸ் 26 பந்தில் அரைசதம் அடித்தார். தொடர்ந்து விளையாடிய அவர் 34 பந்தில் 6 பவுண்டரி, 4 சிக்சருடன் 60 ரன்கள் குவித்து ஆட்டமிழந்தார். முஷ்பிகுர் ரஹிம் 1 ரன்னில் ஏமாற்றம் அளித்தார். 5-வது விக்கெட்டுக்கு ஷாகிப் அல் ஹசன் உடன் மெஹ்முதுல்லா ஜோடி சேர்ந்தார். ஷெல்டன் காட்ரெல் வீசிய ஓவரில் மெஹ்முதுல்லா ஹாட்ரிக் பவுண்டரி விளாசினார்.

5.3 ஓவரில் 50 ரன்னைக் கடந்த வங்காள தேசம், 10.1 ஓவரில் 100 ரன்னைத் தொட்டது. ஷாகிப் அல் ஹசன் - மெஹ்முதுல்லா ஜோடி சிறப்பாக விளையாட 15.2 ஓவரில் 150 ரன்னைக் கடந்தது. இருவரும் கடைசி வரை நிலைத்து விளையாட வங்காளதேசம் 20 ஓவரில் 4 விக்கெட் இழப்பிற்கு 211 ரன்கள் குவித்தது. ஷாகிப் அல் ஹசன் 26 பந்தில் 42 ரன்களும், மெஹ்முதுல்லா 21 பந்தில் 43 ரன்களும் எடுத்து ஆட்டமிழக்காமல் இருந்தனர். கடைசி நான்கு ஓவரில் வங்காள தேசம் விக்கெட் இழப்பிற்கு 52 ரன்கள் குவித்தது குறிப்பிடத்தக்கது.

பின்னர் 212 ரன்கள் எடுத்தால் வெற்றி என்ற கடின இலக்குடன் வெஸ்ட் இண்டீஸ் விளையாடி வருகிறது.

வங்காள தேசம் - வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட டி20 கிரிக்கெட் தொடர் நடைபெற்று வருகிறது. கடந்த திங்கட்கிழமை நடைபெற்ற முதல் ஆட்டத்தில் வங்காள தேசத்தை 8 விக்கெட் வித்தியாசத்தில் வெஸ்ட் இண்டீஸ் வீழ்த்தியது.

வங்காள தேச அணி பேட்டிங் செய்தபோது 14-வது ஓவரில், நடுவர் ஒரு பந்திற்கு வைடு கொடுக்கவில்லை. இதனால் ஷாகிப் அல் ஹசன் நடுவரை நோக்கி கத்தினார். அத்துடன் அவரிடம் சென்று நீண்ட நேரம் பேசினார். இதுகுறித்து நடுவர் புகார் செய்தார்.

போட்டி முடிந்த பின்னர் ஷாகிப் அல் ஹசன் தனது தவறை ஒப்புக்கொண்டதால், 15 சதவிதம் அபராதத்துடன் தடைக்கான ஒரு புள்ளியும் வழங்கப்பட்டது. இந்த போட்டியில் ஷாகிப் அல் ஹசன் 43 பந்தில் 63 ரன்கள் சேர்த்தார். மற்ற வீரர்கள் சொதப்பியதால் வங்காள தேசம் 129 ரன்னில் ஆல்அவுட் ஆனது.

வங்காள தேசம் - வெஸ்ட் இண்டீஸ் அணிகளுக்கு இடையிலான முதல் டி20 கிரிக்கெட் போட்டி சியால்ஹெட்டில் இன்று நடைபெற்றது. டாஸ் வென்ற வாங்காள தேசம் பேட்டிங் தேர்வு செய்தது.

அதன்படி தமிம் இக்பால். லித்தோன் தாஸ் ஆகியோர் தொடக்க வீரர்களாக களம் இறங்கினார்கள். தமிம் இக்பால் 5 ரன்னிலும், லித்தோன் தாஸ் 6 ரன்னிலும், சவுமியா சர்கார் 5 ரன்னிலும் அடுத்தடுத்து வெளியேறினார்கள். ஆனால் கேப்டன் ஷாகிப் அல் ஹசன் சிறப்பாக விளையாடி 43 பந்தில் 8 பவுண்டரி, 2 சிக்சருடன் 61 ரன்கள் குவித்து ஆட்டமிழந்தார்.

அவருக்குப்பின்னால் வந்த வீரர்களும் சொற்ப ரன்களில் வெளியே வங்காள தேசம் 19 ஓவரில் 129 ரன்கள் சேர்த்து ஆல்அவுட் ஆனது. வெஸ்ட் இண்டீஸ் அணியின் காட்ரெல் சிறப்பாக பந்து வீசி 4 ஓவரில் 28 ரன்கள் விட்டுக்கொடுத்து நான்கு விக்கெட்டுக்கள் கைப்பற்றினார்.

பின்னர் 130 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. லெவிஸ், ஷாய் ஹோப் ஆகியோர் தொடக்க வீரர்களாக களம் இறங்கினார்கள். லெவிஸ் 11 பந்தில் 18 ரன்கள் எடுத்து ஆட்டமிழந்தார். ஷாய் ஹோப் அதிரடி ஆட்டத்தை  வெளிப்படுத்தினார். இவர் 23 பந்தில் 3 பவுண்டரி, 6 சிக்சருடன் 55 ரன்கள் குவித்து ஆட்டமிழந்தார்.


நான்கு விக்கெட்டுக்கள் வீழ்த்திய காட்ரெல்

அடுத்து பூரம், கீமோ பால் ஆகியோர் 3-வது விக்கெட்டுக்கு ஜோடி சேர்ந்தனர். பூரம் 17 பந்தில் 23 ரன்களும், கீமோ பால் 14 பந்தில் 3 சிக்ஸ், ஒரு பவுண்டரியுடன் 28 ரன்களும் சேர்க்க வெஸ்ட் இண்டீஸ் 10.5 ஓவரிலேயே 130 ரன்கள் எடுத்து வெற்றி பெற்றது.

55 பந்துகள் மீதமுள்ள நிலையில் 8 விக்கெட் வித்தியாசத்தில் வங்காள தேசத்தை துவம்சம் செய்த வெஸ்ட் இண்டீஸ் மூன்று போட்டிகள் கொண்ட தொடரில் 1-0 என முன்னிலைப் பெற்றது. 2-வது ஆட்டம் 20-ந்தேதி நடக்கிறது. வங்காள தேச அணியின் சுழற்பந்து வீச்சாளர் மெஹிது ஹசன் மிராஸ் 2 ஓவரில் 37 ரன்கள் விட்டுக்கொடுத்தார் என்பது குறிப்பிடத்தக்கது.

வங்காள தேசம் - வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட ஒருநாள் கிரிக்கெட் தொடர் நடைபெற்றது. முதல் இரண்டு போட்டிகளில் இரண்டு அணிகளும் தலா ஒரு வெற்றியின் மூலம் 1-1 என சமநிலையில் இருந்தது.

இன்று 3-வது மற்றும் கடைசி போட்டி இன்று நடைபெற்றது. இந்த போட்டியில் வெற்றிபெறும் அணிக்கு கோப்பை என்பதால் இரு அணிகளும் வெற்றிபெற வேண்டும் என்ற நோக்கத்தில் களம் இறங்கின. டாஸ் வென்ற வங்காள தேசம் பந்து வீச்சை தேர்வு செய்தது.

அதன்படி வெஸ்ட் இண்டீஸ் அணி முதலில் களம் இறங்கியது. ஷாய் ஹோப் சிறப்பான ஆட்டத்தை வெளிப்படுத்தினார். ஆனால், மற்ற வீரர்களை மெஹிதி ஹசன் சொற்ப ரன்களில் வீழ்த்த வெஸ்ட் இண்டீஸ் தடம் புரண்டது. ஹசன் 10 ஓவர்கள் வீசி 29 ரன்கள் மட்டுமே விட்டுக்கொடுத்து நான்கு விக்கெட்டுக்கள் சாய்த்தார்.

ஷாய் ஹோப் நம்பிக்கையுடன் விளையாடி கடைசி வரை ஆட்டமிழக்காமல் 108 ரன்கள் அடிக்க வெஸ்ட் இண்டீஸ் 50 ஓவரில் 9 விக்கெட் இழப்பிற்கு 198 ரன்கள் சேர்த்தது.

பின்னர் 199 ரன்கள் அடித்தால் வெற்றி என்ற இலக்குடன் வங்காள தேசம் களம் இறங்கியது. தொடக்க வீரர் லித்தோன் தாஸ் 23 ரன்னில் ஆட்டமிழந்தார். அடுத்து தமிம் இக்பால் உடன் சவுமியா சர்கார் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. சவுமியா சர்கார் 81 பந்தில் 80 ரன்கள் சேர்த்து ஆட்டமிழந்தார். இருவரும் இணைந்து 2-வது விக்கெட்டுக்கு 131 ரன்கள் குவித்து அணியின் வெற்றிக்கு வித்திட்டனர்.


சதம் அடித்த ஷாய் ஹோப்

அடுத்து தமிம் இக்பால் உடன் முஷ்பிகுர் ரஹிம் ஜோடி சேர்ந்தார். தமிம் இக்பால் 81 ரன்களும், முஷ்பிகுர் ரஹிம் 16 ரன்கள் எடுத்து ஆட்டமிழக்காமல் இருக்க வங்காள தேசம் 38.3 ஓவரிலேயே 2 விக்கெட் இழப்பிற்கு 202 ரன்கள் சேர்த்து 8 விக்கெட் வித்தியாசத்தில் அபார வெற்றி பெற்றது.

இந்த வெற்றியின் மூலம் வங்காள தேசம் 2-1 எனத் தொடரை கைப்பற்றியது. ஷாய் ஹோப் தொடர் நாயகன் விருதையும், மெஹிதி ஹசன் ஆட்ட நாயகன் விருதையும் பெற்றனர்.

வங்காள தேசம் - வெஸ்ட் இண்டீஸ் இடையிலான 2-வது ஒருநாள் கிரிக்கெட் போட்டி டாக்காவில் நேற்று நடைபெற்றது. முதலில் பேட்டிங் செய்த வங்காள தேசம் தமிம் இக்பால் (50), முஷ்பிகுர் ரஹிம் (62), ஷாகிப் அல் ஹசன் (65) ஆகியோரின் ஆட்டத்தால் 50 ஓவரில் 7 விக்கெட் இழப்பிற்கு 255 ரன்கள் சேர்த்தது.

பின்னர் 256 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. தொடக்க வீரர் ஹேம்ராஜ் (3), அடுத்து வந்த டேரன் பிராவோ (27), சாமுவேல்ஸ் (26), ஷிம்ரோன் ஹெட்மையர் (14) குறைந்த ரன்களிலேயே ஆட்டமிழந்தாலும், தொடக்க வீரரும், விக்கெட் கீப்பருமான ஷாய் ஹோப் அபாரமாக விளையாடி ஆட்டமிழக்காமல் 144 பந்தில் 146 ரன்கள் விளாச, வெஸ்ட் இண்டீஸ் 49.4 ஓவரில் 6 விக்கெட் இழப்பிற்கு 256 ரன்கள் எடுத்து நான்கு விக்கெட் வித்தியாசத்தில் வெற்றி பெற்றது.



இந்த வெற்றியின் மூலம் மூன்று போட்டிகள் கொண்ட ஒருநாள் தொடர் 1-1 என சமநிலையில் உள்ளது. 3-வது மற்றும் கடைசி ஒருநாள் கிரிக்கெட் போட்டி நாளைமறுநாள் நடக்கிறது. இதில் வெற்றி பெறும் அணி தொடரை கைப்பற்றும்.

வங்காள தேச அணியின் முன்னணி தொடக்க பேட்ஸ்மேன் தமிம் இக்பால். இவருக்கு ஆசிய கோப்பையின்போது மணிக்கட்டில் முறிவு ஏற்பட்டது. காயம் குணமடைந்து இன்று வெஸ்ட் இண்டீஸ்க்கு எதிரான பயிற்சி ஒருநாள் ஆட்டத்தில் களம் இறங்கினார்.

முதலில் களம் இறங்கிய வெஸ்ட் இண்டீஸ் அணி 50 ஓவரில் 8 விக்கெட் இழப்பிற்கு 331 ரன்கள் குவித்தது. ஷாய் ஹோப் 81 ரன்களும், சேஸ் ஆட்டமிழக்காமல் 65 ரன்களும் குவித்தனர். பின்னர் 332 ரன்கள் அடித்தால் வெற்றி என்ற இலக்குடன் வங்காள தேச கிரிக்கெட் போர்டு லெவன் அணியின் தமிம் இக்பால், இம்ருல் கெய்ஸ் ஆகியோர் தொடக்க வீரர்களாக களம் இறங்கினார்கள். இம்ருல் கெய்ஸ் 27 ரன்கள் எடுத்த நிலையில் ஆட்டமிழந்தார்.

அடுத்து தமிம் இக்பால் உடன் சவுமியா சர்கார் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. தமிம் இக்பால் 73 பந்தில் 13 பவுண்டரி, 4 சிக்சருடன் 107 ரன்கள் குவித்தார். இதன்மூலம் தனது உடற்தகுதியை நிரூபித்துள்ளார். சவுமியா சர்கார் 83 பந்தில் 7 பவுண்டரி, 6 சிக்சருடன் 103 ரன்கள் அடித்து களம் இருந்தார். வங்காள தேச கிரிக்கெட் போர்டு லெவன் அணி 41 ஓவரில் 6 விக்கெட் இழப்பிற்கு 314 ரன்கள் அடித்திருக்கும்போது மழை பெய்தது.

இதனால் டக்வொர்த் லீவிஸ் விதிமுறைப்படி வங்காள தேச கிரிக்கெட் போர்டு லெவன் அணி 51 ரன்கள் வித்தியாசத்தில் வெற்றி பெற்றதாக அறிவிக்கப்பட்டது.

வங்காள தேச அணியின் முன்னணி தொடக்க பேட்ஸ்மேன் தமிம் இக்பால். ஐக்கிய அரபு எமிரேட்ஸில் நடைபெற்ற ஆசிய கோப்பை தொடரில் இலங்கைக்கு எதிரான ஆட்டத்தின்போது மணிக்கட்டில் முறிவு ஏற்பட்டது. அதனால் தொடரில் இருந்து விலகினார்.

அதன்பின் வங்காள தேசம் ஜிம்பாப்வேயிற்கு எதிராக விளையாடியது. தற்போது வெஸ்ட் இண்டீஸ்க்கு எதிராக விளையாடி வருகிறது. ஜிம்பாப்வேயிற்கு எதிராக தொடர் முழுவதும் விளையாடாத தமிம் இக்பால், வெஸ்ட் இண்டீஸ்க்கு எதிரான இரண்டு போட்டிகள் கொண்ட டெஸ்ட் தொடரிலும் விளையாடவில்லை.

வருகிற 9-ந்தேதி மூன்று போட்டிகள் கொண்ட ஒருநாள் கிரிக்கெட் தொடர் தொடங்குகிறது. இதில் களம் இறங்க தீவிரம் காட்டுகிறார். இதற்கு முன்னோட்டமாக வெஸ்ட் இண்டீஸ்க்கு எதிராக வங்காள தேச லெவன் அணி விளையாடும் பயிற்சி ஆட்டத்தில் விளையாட உள்ளார். இந்த போட்டியின்போது அவரது கையில் வலி ஏற்படாவிடில், வெஸ்ட் இண்டீஸ்க்கு எதிரான ஒருநாள் தொடரில் இடம பிடிப்பார்.

வங்காள தேசம் - வெஸ்ட் இண்டீஸ் அணிகளுக்கு இடையிலான 2-வது டெஸ்ட் கிரிக்கெட் போட்டி டாக்காவில் கடந்த 30-ந்தேதி தொடங்கியது. டாஸ் வென்ற வங்காள தேசம் பேட்டிங் தேர்வு செய்தது. ஷத்மான் இஸ்லாம் (76), ஷாகிப் அல் ஹசன் (80), லித்தோன் தாஸ் (50), மெஹ்முதுல்லா (136) ஆகியோரின் சிறப்பான ஆட்டத்தால் வங்காள தேசம் 154 ஓவரில் 508 ரன்கள் குவித்தது. வெஸ்ட் இண்டீஸ் அணி சார்பில் ரோச், வாரிகன், பிஷு, பிராத்வைட் ஆகியோர் தலா இரண்டு விக்கெட்டுக்கள் வீழ்த்தினார்கள்.

பின்னர் வெஸ்ட் இண்டீஸ் அணி முதல் இன்னிங்சை தொடங்கியது. மெஹிது ஹசன் மிராஸ் சுழற்பந்து வீச்சை தாக்குப்பிடிக்க முடியாமல் 111 ரன்னில் சுருண்டது. ஷாய் ஹோப் (10), ஹெட்மையர் (39), டவ்ரிச் (37) ஆகியோர் மட்டுமே இரட்டை இலக்க ரன்களை எட்டினர். மெஹிது மிராஸ் மிராஸ் 7 விக்கெட்டும், சாகிப் அல் ஹசன் 3 விக்கெட்டும் வீழ்த்தினார்கள்.

397 ரன்கள் பின்தங்கியதால் வெஸ்ட் இண்டீஸ் அணி பாலோ-ஆன் ஆகி 2-வது இன்னிங்சை தொடர்ந்து விளையாடியது. 2-வது இன்னிங்சிலும் வெஸ்ட் இண்டீஸ் வீரர்கள் அடுத்தடுத்து ஆட்டமிழந்தனர். ஹெட்மையர் மட்டும் தாக்குப்பிடித்து 92 பந்தில் 9 சிக்ஸ், 1 பவுண்டரியுடன் 93 ரன்கள் குவித்தார்.


ஹெட்மையர்

ரோச் 37 ரன்கள் எடுத்து ஆட்டமிழக்காமல் இருக்க 213 ரன்கள் எடுத்து ஆல்அவுட் ஆனது. இதனால் வங்காள தேசம் இன்னிங்ஸ் மற்றும் 184 ரன்கள் வித்தியாசத்தில் வெற்றி பெற்றது. முதல் இன்னிங்சில் 7 விக்கெட்டுக்கள் சாய்த்த மெஹிது ஹசன் மிராஸ் 2-வது இன்னிங்சில் 5 விக்கெட்டுக்கள் சாய்த்தார்.

இந்த வெற்றியின் மூலம் வெஸ்ட் இண்டீஸ்க்கு எதிரான தொடரை வங்காள தேசம் 2-0 என கைப்பற்றியது. இரு அணிகளுக்கு இடையிலான ஒருநாள் கிரிக்கெட் தொடர் வருகிற 9-ந்தேதி தொடங்குகிறது.

வங்காள தேசம் - வெஸ்ட் இண்டீஸ் இடையிலான 2-வது டெஸ்ட் இன்று டாக்காவில் தொடங்கியது. டாஸ் வென்ற வங்காள தேச அணி கேப்டன் சாகில் அல் ஹசன் பேட்டிங் தேர்வு செய்தது.

வங்காள தேச அணியின் ஷத்மான் இஸ்லாம், சவுமியா சர்கார் ஆகியோர் தொடக்க வீரர்களாக களம் இறங்கினார்கள். சவுமியா சர்கார் 19 ரன்கள் எடுத்த நிலையில் ஆட்டமிழந்தார். அடுத்து வந்த மொமினுல் ஹக்யூ, முகமது மிதுன் ஆகியோர் தலா 29 ரன்கள் சேர்த்தனர்.



தொடக்க வீரர் ஷத்மான் சிறப்பாக விளையாடி 76 ரன்கள் சேர்த்தார். கேப்டன் சாகிப் அல் ஹசன் 55 ரன்களும், மெஹ்முதுல்லா 31 ரன்களும் எடுத்து ஆட்டமிழக்காமல் இருக்க வங்காள தேசம் முதல்நாள் ஆட்ட முடிவில் 5 விக்கெட் இழப்பிற்கு 259 ரன்கள் சேர்த்துள்ளது.

வெஸ்ட்இண்டீஸ்க்கு எதிரான முதல் டெஸ்ட் போட்டியில் வங்காளதேசம் 64 ரன் வித்தியாசத்தில் வெற்றி பெற்றது. இந்த டெஸ்ட் போட்டியில் வங்காளதேச கேப்டன் சாகிப் அல் ஹசன் முதல் இன்னிங்சில் 3 விக்கெட்டும், 2-வது இன்னிங்சில் 2 விக்கெட்டும் கைப்பற்றினார்.

இதன்மூலம் டெஸ்டில் அவர் 200 விக்கெட்டுகள் கைப்பற்றினார். அவர் ஏற்கனவே 3 ஆயிரம் ரன்னை கடந்து இருந்தார். குறைந்த டெஸ்டில் 200 விக்கெட் கைப்பற்றி, 3 ஆயிரம் ரன் என்ற மைல்கல்லை சாகிப் அல் ஹசன் எட்டினார்.

இதன்மூலம் போத்தம் சாதனையை முறியடித்தார். இங்கிலாந்து முன்னாள் வீரர் இயன் போத்தம் 55 டெஸ்டில் இதனை கடந்து இருந்தார். 31 வயதான சாகிப் அல் ஹசன் டெஸ்டில் 3727 ரன் எடுத்துள்ளார். 201 விக்கெட் வீழ்த்தி உள்ளார்.

வெஸ்ட் இண்டீஸ் அணி வங்காள தேசம் சென்று இரண்டு போட்டிகள் கொண்ட டெஸ்ட் தொடரில் விளையாடுகிறது. முதல் டெஸ்ட் சிட்டஹாங்கிலும், 2-வது டெஸ்ட் டாக்காவிலும் நடக்கிறது. இந்த தொடர் வருகிற 22-ந்தேதி தொடங்குகிறது.

இந்த தொடருக்கான வெஸ்ட் இண்டீஸ் அணியில் கேப்டன் ஜேசன் ஹோல்டர் இடம்பிடித்திருந்தார். உலகக்கோப்பைக்கான தகுதிச் சுற்று தொடரில் விளையாடும்போது அவருக்கு தோள்பட்டையில் காயம் ஏற்பட்டது. இந்த காயம் தற்போது அதிக வலியைக் கொடுத்ததால் டெஸ்ட் தொடரில் இருந்து விலகியுள்ளார்.

ஜேசன் ஹோல்டருக்குப் பதிலாக வெஸ்ட் இண்டீஸ் அணியில் ரெய்மன் ரெய்பெர் அணியில் சேர்க்கப்பட்டுள்ளார். ஹோல்டர் இல்லாததால் கே பிராத்வைட் கேப்டனாக நியமிக்கப்பட்டுள்ளார்.