நீங்கள் தேடியது "aam adhmi party"

டெல்லியில் ஆம் ஆத்மி எம்.எல்.ஏ.க்களை இழுத்து ஆட்சியை கவிழ்க்க சதி நடப்பதாக முதல்வர் கெஜ்ரிவால் குற்றம் சாட்டினார். தங்களிடம் பா.ஜனதா ரூ.20 கோடி பேரம் பேசியதாக ஆம்ஆத்மி எம்.எல்.ஏ.க்கள் சிலர் தெரிவித்து இருந்தனர்.

இந்த நிலையில் பேரம் பேசியதாக சொல்லப்படும் ஆம்ஆத்மி எம்.எல்.ஏ.க்களிடம் உண்மை கண்டறியும் சோதனை நடத்த வேண்டும் என்று பாஜக வலியுறுத்தி உள்ளது.

இது தொடர்பாக அந்த கட்சி எம்.பி. மனோஜ் திவாரி கூறும்போது, "மதுபான கொள்கை விவகாரத்தில் ஆம்ஆத்மி தலைவர்கள் தொடர்ந்து தங்களது அறிக்கைகளை மாற்றி வருகின்றனர். பாஜக ரூ.20 கோடி பேரம் பேசியதாக குற்றச்சாட்டை கூறி இருப்பதால் இந்த விவகாரம் குறித்து தடயவியல் விசாரணைக்கு உத்தரவிட்டு அவர்களிடம் உண்மை கண்டறியும் சோதனை நடத்தப்பட வேண்டும்" என்றார்.