தங்கம் விலை சவரனுக்கு ரூ.128 உயர்வு

சென்னை:

தங்கம் விலையில் ஏற்றத்தாழ்வு இருந்து வரும் நிலையில் நேற்று முன்தினம் பவுன் மீண்டும் ரூ.34 ஆயிரத்தை தொட்டது. நேற்று பவுனுக்கு ரூ.304 குறைந்து ரூ.33 ஆயிரத்து 696-க்கு விற்றது.

இந்த நிலையில் இன்று தங்கம் விலை உயர்ந்தது. சென்னையில் இன்று காலை ஆபரண தங்கத்தின் விலையில் பவுனுக்கு ரூ.128 அதிகரித்து ரூ.33 ஆயிரத்து 824-க்கு விற்கிறது. கிராமுக்கு ரூ.16 உயர்ந்து ரூ.4 ஆயிரத்து 228 ஆக உள்ளது.

வெள்ளி கிலோவுக்கு ரூ.400 அதிகரித்து ரூ.70 ஆயிரத்து 400 ஆக உள்ளது. ஒரு கிராம் வெள்ளி ரூ.70.40-க்கு விற்கிறது.