மும்பை இந்தியன்ஸ் அணியில் இருந்து வெளியேறினார் ஆஸி. வேகப்பந்து வீச்சாளர் ஜேசன் பெரேண்டர்ப்

ஆஸ்திரேலியாவின் இடது கை வேகப்பந்து வீச்சாளரான ஜேசன் பெரேண்டர்ப்-ஐ மும்பை இந்தியன்ஸ் அணி ஒப்பந்தம் செய்திருந்தது. மலிங்கா இலங்கை சென்றிருந்தபோது இவர்தான் மும்பை அணியில் இடம்பிடித்து விளையாடினார்.

இவர் உலகக்கோப்பைக்கான ஆஸ்திரேலியா அணியில் இடம் பிடித்துள்ளார். ஆஸ்திரேலியா உலகக்கோப்பைக்கான முகாமை வருகிற 2-ந்தேதி தொடங்குகிறது. இதனால் உலகக்கோப்பைக்கான அணியில் இடம்பிடித்துள்ள வீரர்கள் சொந்த நாடு திரும்ப வலியுறுத்தப்பட்டுள்ளது.



ராயல் சேலஞ்சர்ஸ் பெங்களூர் அணியில் இடம்பிடித்திருந்த ஸ்டாய்னிஸ் மார்கஸ் ஆஸ்திரேலியா புறப்பட்டுவிட்டார். இந்நிலையில் தற்போது பெரேண்டர்ப் ஆஸ்திரேலியா சென்று விட்டார். இந்த தகவலை மும்பை இந்தியன்ஸ் தெரிவித்துள்ளது.

மும்பை இந்தியன்ஸ் அணிக்காக ஐந்து போட்டிகளில் விளையாடி 165 ரன்கள் விட்டுக்கொடுத்து ஐந்து விக்கெட்டுக்கள் கைப்பற்றியுள்ளார்.