இந்தியாவில் கொரோனா பாதிப்பில் இருந்து குணமடையும் விகிதம் 60.80 சதவீதமாக உயர்வு

புதுடெல்லி:

இந்தியாவில் கடந்த சில தினங்களாக கொரோனா வைரசால் பாதிக்கப்படுவோரின் எண்ணிக்கை புதிய உச்சத்திலேயே உள்ளது. அதேசமயம் குணமடைந்தவர்களின் எண்ணிக்கையும் கணிசமாக உயர்ந்து வருவது ஆறுதல் அளிப்பதாக உள்ளது.

இன்று காலை மத்திய சுகாதாரத்துறை வெளியிட்ட தகவலின்படி இந்தியாவில் இதுவரை 648315 பேர் கொரோனாவால் பாதிக்கப்பட்டுள்ளனர். 18655 பேர் மரணம் அடைந்துள்ளனர். 

இதுவரை 394227 பேர் கொரோனா பாதிப்பில் இருந்து குணமடைந்துள்ளனர். இதன்மூலம் குணமடையும் விகிதம் 60.80 சதவீதமாக உயர்ந்துள்ளது. குணமடைதல்/இறப்பு விகிதம் 95.48%:4.52% என்ற அளவில் உள்ளது.