மன்மோகன் சிங் பிறந்தநாள்- பிரதமர் மோடி வாழ்த்து

புதுடெல்லி:

முன்னாள் பிரதமரும், மாநிலங்களவை உறுப்பினருமான டாக்டர் மன்மோகன் சிங் இன்று 87-வது பிறந்தநாளை கொண்டாடுகிறார். இதையொட்டி அவருக்கு பல்வேறு அரசியல் கட்சிகளின் தலைவர்கள் மற்றும் முக்கிய பிரமுகர்கள் வாழ்த்து தெரிவித்துள்ளனர்.


டாக்டர் மன்மோகன் சிங், நாட்டின் பிரதமராக 2004-ம் ஆண்டு முதல் 2014-ம் ஆண்டு வரை 10 ஆண்டுகள் தொடர்ந்து பதவி வகித்தார். மாநிலங்களவை எதிர்க்கட்சி தலைவர், மத்திய நிதி மந்திரி, திட்டக்குழு துணைத்தலைவர், ரிசர்வ் வங்கி கவர்னர், தலைமை பொருளாதார ஆலோசகர் என பல்வேறு பொறுப்புகளிலும் திறம்பட செயலாற்றியது குறிப்பிடத்தக்கது.