சென்னை எம்.ஜி.எம். ஆஸ்பத்திரியில் எடப்பாடி பழனிசாமி சிகிச்சைக்காக அனுமதி

சென்னை:

அ.தி.மு.க. இணை ஒருங்கிணைப்பாளரும், முன்னாள் முதல்-அமைச்சருமான எடப்பாடி பழனிசாமி இன்று காலை 6.30 மணிக்கு சென்னை அமைந்தகரை நெல்சன் மாணிக்கம் ரோட்டில் உள்ள எம்.ஜி.எம். ஆஸ்பத்திரியில் அனுமதிக்கப்பட்டார்.

அவர் முதல்-அமைச்சராக இருந்த போது இந்த ஆஸ்பத்திரியில் ஏற்கனவே குடல் இறக்கம் அறுவை சிகிச்சை செய்திருந்தார்.

இந்த நிலையில் உடல் பரிசோதனைக்காக மீண்டும் அவர் ஆஸ்பத்திரியில் அனுமதிக்கப்பட்டார். அவருக்கு டாக்டர்கள் என்டோஸ்கோபி பரிசோதனை மேற்கொண்டதாக தெரிகிறது.