என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
உதயநிதி ஸ்டாலின் கைது: தி.மு.க.வினர் சாலை மறியல் போராட்டம்
Byமாலை மலர்22 Nov 2020 7:16 AM GMT (Updated: 22 Nov 2020 7:16 AM GMT)
தி.மு.க. இளைஞரணி செயலாளர் உதயநிதி ஸ்டாலின் கைது செய்யப்பட்டதை கண்டித்து தி.மு.க.வினர் சாலை மறியல் போராட்டத்தில் ஈடுபட்டனர்.
மொரப்பூர்;
தி.மு.க. இளைஞரணி செயலாளர் உதயநிதி ஸ்டாலின் கைது செய்யப்பட்டதை கண்டித்து தமிழகம் முழுவதும் தி.மு.க.வினர் சாலை மறியல் போராட்டம் மற்றும் ஆர்ப்பாட்டத்தில் ஈடுபட்டு வருகின்றனர். அதன் ஒரு பகுதியாக தர்மபுரி மாவட்டத்தில் நேற்று முன்தினம் தி.மு.க.வினர் சாலை மறியல் போராட்டத்தில் ஈடுபட்டனர். இதையடுத்து அவர்களை போலீசார் கைது செய்தனர்.
இந்தநிலையில் நேற்று 2-வது நாளாக உதயநிதி ஸ்டாலின் கைது செய்யப்பட்டதை கண்டித்து மொரப்பூர் பஸ் நிலையத்தில் தி.மு.க.வினர் ஆர்ப்பாட்டத்தில் ஈடுபட்டனர். இதற்கு மொரப்பூர் ஒன்றிய செயலாளர் செங்கண்ணன் தலைமை தாங்கினார். இதில் கட்சி நிர்வாகிகள், தொண்டர்கள் கலந்து கொண்டு தி.மு.க. இளைஞரணி செயலாளர் உதயநிதி ஸ்டாலின் கைது செய்யப்பட்டதை கண்டித்தும், தமிழக அரசை கண்டித்தும் கோஷங்கள் எழுப்பியபடி தி.மு.க.வினர் திடீரென சாலையில் அமர்ந்து மறியலில் ஈடுபட்டனர். ஆர்ப்பாட்டத்தில் ஈடுபட்டவர்களை போலீசார் கைது செய்தனர்.
இதேபோன்று தர்மபுரி மேற்கு மாவட்ட தி.மு.க. சார்பில் மாவட்ட பொறுப்புக்குழு உறுப்பினர் சூடப்பட்டி சுப்பிரமணி தலைமையில் வெள்ளிச்சந்தையில் கட்சி நிர்வாகிகள் சாலை மறியல் போராட்டத்தில் ஈடுபட்டனர். இதில் காரிமங்கலம் ஒன்றிய செயலாளர் வக்கீல் கோபால், பொதுக்குழு உறுப்பினர் சண்முகம், மாவட்ட ஊராட்சிக்குழு உறுப்பினர் தீபா முருகன், ஒன்றிய இளைஞரணி நிர்வாகி ஹரிபிரசாத் மற்றும் கட்சி நிர்வாகிகள், தொண்டர்கள் கலந்து கொண்டனர். மறியலில் ஈடுபட்டவர்களை 50-க்கும் மேற்பட்டோரை போலீசார் கைது செய்தனர்.
இதேபோன்று தர்மபுரி 4 ரோட்டில் தி.மு.க.வினர் நேற்று 2-வது நாளாக சாலை மறியல் போராட்டத்தில் ஈடுபட்டனர். ஒன்றிய செயலாளர் சேட்டு தலைமையில் நடைபெற்ற சாலை மறியலில் முன்னாள் எம்.பி. தாமரைச்செல்வன், முன்னாள் மாவட்ட பொருளாளர் தர்மசெல்வன் உள்ளிட்ட நிர்வாகிகள் கலந்து கொண்டனர். பென்னாகரத்தில் தி.மு.க. ஒன்றிய செயலாளர் செல்வராஜ், பொதுக்குழு உறுப்பினர் சண்முகம் ஆகியோர் தலைமையில் கட்சி நிர்வாகிகள் சாலை மறியல் போராட்டத்தில் ஈடுபட்டனர். மறியலில் ஈடுபட்டவர்களை போலீசார் கைது செய்தனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X