தீவிபத்தில் புதுப்பெண் உயிரிழப்பு

வடமதுரை:

வடமதுரை அருகே உள்ள வெள்ளபொம்மன்பட்டியை சேர்ந்தவர் வடிவேல். இவரது மனைவி மாலதி (வயது 19). இவர்களுக்கு கடந்த 3 மாதங்களுக்கு முன்பு திருமணம் நடந்தது. சம்பவத்தன்று மாலதி வீட்டில் சமையல் செய்துகொண்டிருந்தார். அப்போது திடீரென்று அவரது சேலையில் தீப்பற்றியது.

உடல் முழுவதும் தீ பரவியதால் அலறி துடித்த மாலதியை அக்கம்பக்கத்தினர் மீட்டு சிகிச்சைக்காக மதுரை அரசு மருத்துவமனையில் சிகிச்சைக்காக சேர்த்தனர். ஆனால் அங்கு சிகிச்சை பலனின்றி நேற்று மாலதி பரிதாபமாக இறந்தார். இதுகுறித்து வடமதுரை போலீசார் விசாரணை நடத்தி வருகின்றனர்.